1 Samuel 17:17 - Qullan Arunaca

¹⁷ Ucat mä urojj Isaí chachajj David wawaparojj saraquïna: “Aca trigo jamp'ita, pä tunca kilo, uqhamarac tunca t'ant'ampi apjjart'awayam jilanacamataqui.

Aymar Bibliia 1986

¹⁷ Ucat mä urojj Isaí chachajj David wawaparojj saraquïna: “Aca trigo jamp'ita, pä tunca kilo, uqhamarac tunca t'ant'ampi apjjart'awayam jilanacamataqui.

Qullan Arunaka DC

¹⁷ Ukat mä urux Jesé chachax David wawapar säna: —Aka pä tunka kilo trigo jamp'impi, tunka t'ant'ampi jilanakamatak apxart'awayam.

1 Samuel 17:17 Jak'a apnaqawi uñst'ayäwi

2 Samuel 17:28

Jupanacasti Davidataquejj apapjjaraquïnwa, iquiñanaca, platonaca, ñek'e phuqhunaca, uqhamarac trigo, cebada, jac'u, grano jamp'ita, habas, lentejas,

Mateo 7:11

Jumanacajj uqham jan walïcasinsa, sumäquis ucwa wawanacamarojj churapjjtajja. ¡Alajjpachanquir Awquimasti ucatsa juc'ampiwa qhitinacatejj jupar mayqui ucanacar sumanaca churañataquejja!

Lucas 11:13

Jumanacatejj khorücasin wawanacamarojj sumanac churirïpjjstajja, ¡kawkha juc'amps alajjpachanquir Awquimajj Kollan Ajayjja churanejja mayipqui ucanacarojja!

Rut 2:14

Mank'aña horasasti, Booz chachajj Rut warmirojj jawsänwa aqham sasa: —Jutam, t'ant'a aptasim, ucatsti aca vinagreru chilltasim —sasa. Rut warmisti cebada yawthapir jakenacamp chicaw kont'asïna, ucatsti Booz chachajj cebada jamp'i wajjt'äna. Jupasti sist'asiñcamaw mank'äna, uqhamarac jilt'ayañcama.

1 Samuel 17:16

Ucañcamasti uca filisteo chachajj israelitanacarojj arnakanïnwa alwanacasa, jayp'unacasa, uqhamaw arnakasisincäna pusi tunca urunaca.

1 Samuel 25:18

Ucatsti Abigail warmejj janc'aquiw pä pataca t'ant'a catüna, pä lip'ichi wayaka vinompi, pheska oveja cancatampi, pusi tunca kilo grano jamp'itampi, pataca uva pasasampi torta luratampi, higo pasasampi torta luratasti pä patacaraqui; ucatsti take ucanacjja janc'aquiw asnonacaru qhumjjatawayi.