1 Samuel 15:26 - Qullan Arunaca

²⁶ —Janiw jumampi chica sarquiristti, Tatitun arunacapar jan jaysatam laycu. Jichhasti jupajj jumarojj Israelan reyipäñatjja apanucjjtamwa —sasaw Samuelojj saraquïna.

Aymar Bibliia 1986

²⁶ —Janiw jumampi chica sarquiristti, Tatitun arunacapar jan jaysatam laycu. Jichhasti jupajj jumarojj Israelan reyipäñatjja apanucjjtamwa —sasaw Samuelojj saraquïna.

Qullan Arunaka DC

²⁶ Samuelusti sarakïnwa: —Janiw jumamp chik sarkiristti, jumax Tatitun arunakapar janiw jaysktati, ukat jichhax Israelan reyipäñat jumar apanukxtam —sasa.

1 Samuel 15:26 Jak'a apnaqawi uñst'ayäwi

Génesis 42:38

Jacobosti saraquïnwa: —Wawajjajj janiw jumanacampi sarcaniti. José jilapajj jiwjjewa, jichhasti jupa sapaquiw jacjjaraquejja. Cuna jan walt'añasa thaquin utjaspajja, jumanacaw juchanïpjjasma aca awquin llaquisiñat jiwañapataquejja —sasa.

2 Samuel 12:9

¿Cunatsa arunacajja jisc'achtajja, ucatsti cuntejj nayataquejj jan asquïqui uc luraractajja? Hitita Uriasarusti jiwayaractawa, amonita jakenacampiw juparojj jiwayayaractajja, warmipsa catuntasiractawa.

2 Samuel 7:15

Ucampisa munasiñajjajj janiw jupatjja apakatäcaniti, cunjämatejj Saúl reyitjja apakasjjayäta uqhama, juparusti nayaw apakjjaracta jupa lanti jumaru utt'ayjjañataqui.

Jeremías 6:19

Jumas, orake ist'araquim: Aca marcarusti mä jach'a jan walt'añwa apayani, jan wali lurañanacaqui amtasipcatapata; arunacajjarusti janiw ist'apcaraquitänti, jan ucasti yatichäwinacajj-jja jisc'achapjjewa.

Oseas 13:11

Jumampi coleratäsinwa reyinacjja churayäsma, ucatsti coleratäsinracwa jumatjja apakjjsma.

Oseas 4:6

Marcajjasti janiw amuyanïcjjeti, ucatwa t'unjata uñjasiraqui. Jumasti sacerdote, yatiñamsa apanuctawa, ucatracwa jichhajj jumarojj nayar loktañanacatsa apanucuracsmajja, niyaquejjay jumajj Diosan yatichäwinacapsa armanucstajja, nayajj wawanacamatsa armasiraquïwa.

Hechos 13:22

Uca khepatsti Diosajj Saúl reyir jakonucusinjja, Davidaruw reyit utt'ayäna. Jupatsti aqham saraquïnwa: ‘Nayajj Isaí chachan David yokaparuw jicjjatta. Cawquïritejj munañajjarjam sarnakerïqui, ucawa take cuntï nayajj muncta uc lurani’ sasa.

2 Juan 1:11

Qhititejj aruntani uquïrejja, jan wali luräwinacaparu mayachascaspas uqhamawa.

1 Samuel 13:14

Ucampis jichhajj juman apnakañamajj janiw jayäcaniti. Tatitojj yakha chacha thakani jupan chuymapar purt'quiri, ucatsti marcapan jilïripatwa utt'ayaraquini, jupan arunacaparu jan ist'atam laycu.

1 Samuel 15:23

Jupa contra sayt'asirejja, qhititejj laykasiñanac lurqui ucampi sasiwa; yakha diosanacar yupaychirimpi sasiwa qhititejj jupar jan ist'qui ucajja. Cunjämatejj jumajj arunacapar apanuctajja, jichhajj uqham luratam laycuw jupajj reyitjja apanucjjtam.”

1 Samuel 15:31

Uqhamasti Samuelojj Saúl reyimp chicaw saräna, ucat jupajj Tatituru yupaychäna.

1 Samuel 16:1

Tatitusti Samuelorojj saraquïnwa: —¿Cunapachcamas uqham llaquitaqui sarnakäta uca Saúl reyi laycojja? Janiw nayajj muncjjti jupan Israel marcjjaru reyiquïscañapjja. Jichhajj sartasim, ucat uca wajjraru aceitempi phokhantam, ucatsti Isaí chachan utapar sarañamwa munta, Belén chekaru, nayasti mayni wawaparuw ajllista reyïñapataqui —sasa.

1 Samuel 2:30

Uca laycu Israelan Tatitu Diosapajj sänwa jumampi takpacha familiamampi juparu sirvipjjañama wiñayataqui, ucampis jichhajj aqham saraquiwa: ‘Janipuniw jichhajj uqhamjja lurcäti, jan ucasti qhitinacatejj nayaru yäkapjjetani ucanacarusti suma yäkaraquëjja, qhitinacatejj nayaru jisc'achapquitu ucanacarusti mä p'enka uñjaraquëjja. Naya Tatituw ucjja arsta.’

1 Samuel 28:18

juman jan Tatitun arunacaparu jaysatam laycu, uqhamarac amalecitanacaru jan jiwarayatam laycuraqui. Ucat jichhajj Tatitojj take ucanaca lurascaraqui jumampejja.