1 Samuel 15:19 - Qullan Arunaca

¹⁹ ucapachasti, ¿cunataraqui arsutanacaparusti jan phoktasti, ucat cuntejj enemigot aparapcta ucjja jumataqui catuntastasti, uqhamat Tatitun nayrakatapan jan walinac lurasa? —sasaw Samuelojj säna.

Aymar Bibliia 1986

¹⁹ ucapachasti, ¿cunataraqui arsutanacaparusti jan phoktasti, ucat cuntejj enemigot aparapcta ucjja jumataqui catuntastasti, uqhamat Tatitun nayrakatapan jan walinac lurasa? —sasaw Samuelojj säna.

Qullan Arunaka DC

¹⁹ ¿kunatarak jumasti Tatitun arsutanakapar jan ist'asin kuntix uñisirimat aparapkta uk jumatak katuntastasti? —sasa.

1 Samuel 15:19 Jak'a apnaqawi uñst'ayäwi

2 Samuel 12:9

¿Cunatsa arunacajja jisc'achtajja, ucatsti cuntejj nayataquejj jan asquïqui uc luraractajja? Hitita Uriasarusti jiwayaractawa, amonita jakenacampiw juparojj jiwayayaractajja, warmipsa catuntasiractawa.

2 Crónicas 33:2

Ucampis jupan luräwinacapajja jan walïnwa Tatitun nayrakatapana, jupasti luränwa Tatitojj israelitanacan nayrakatapata ajjtcaña luräwinacani marcanacaru jakenuccäna, uca pachpa luräwinaca.

2 Crónicas 33:6

Ucjjarusti wawanacaparuwa sacrificiot loktasina naqhantayäna Ben-hinom valle sat chekana, ajayunacaru jisct'asisin yupaychäna, ucatsti utt'ayänwa ch'amacaninaca, ajayunacampi parlañanaca, uqhamarac laykasiñanaca. Tatitun nayrakatapanjja luräwinacapajja sinti jan walinacänwa, Tatitun colerasiñapa sartayañcama.

2 Crónicas 36:12

Ucampis jupan luratanacapasti jan walinacänwa Tatit Diosapan nayrakatapana. Jupasti Dios toketa parlir Jeremías profeta nayrakatapanjja janiw jisc'ar tucuñ muncänti.

Proverbios 15:27

Walja yänacaru munapayirejj pachpa utapwa tucji, ucampis qhititejj jan kollke chilltayasqui ucaw jacani.

Jeremías 7:11

¿Jumanacasti amuyapjjtati, aca nayaru loktata templojj lunthatanacan putupäcaspas uqhama? Nayasti take ucanacwa uñjta. Naya Tatituw take ucanacjja arsta.

Números 14:41

Ucampisa Moisesajj jupanacarojj sänwa: —¿Cunatsa Tatitun arunacaparojj jan ist'apcta? ¡Uca amtäwejja inaruw tucuni!

2 Timoteo 4:10

Demas satajj jaytanucuwayjjetuwa, jupasti aca oraken yänacaparuw juc'ampi munäna, ucatwa Tesalónica marcaru sarawayjje. Crescentejj Galaciaruraquiw sarjje. Titosti Dalmacia ucsaruw sarawayjjaraqui.

1 Samuel 14:32

Uqhamasti ejercitojj cuntejj uñisirinacapat aparapcatayna, ucaruw jaljjatapjjäna; ucat ovejanaca, vacanaca, vaca kallunaca catusinsti qharirapjjänwa, ucat aychapjja wilamppacha mank'antapjjäna.

1 Samuel 15:20

Saúl reyejj saraquïnwa: —Nayajj Tatiturojj jaysapuntwa, arsutanacapsa, uqhamarac cuna lurañtejj jaytquitu ucanacsa phokhascapuntwa: Agag reyirusti preso apaniractjja, amalecitanacarusti k'alwa t'unjaractjja.