1 Samuel 14:44 - Qullan Arunaca

⁴⁴ Saúl reyejj art'asiraquïnwa: —¡Diosajj nayar jiwayitpan take ch'amapampi janitejj jiwcäta ucapachajja, Jonatán! —sasa.

Aymar Bibliia 1986

⁴⁴ Saúl reyejj art'asiraquïnwa: —¡Diosajj nayar jiwayitpan take ch'amapampi janitejj jiwcäta ucapachajja, Jonatán! —sasa.

Qullan Arunaka DC

⁴⁴ Saúl reyix jach'at arsüna: —¡Jonatán, janitix jumax jiwkäta ukkhaxa, Tatitux taqi ch'amapampi nayar jiwayitpan! —sasa.

1 Samuel 14:44 Jak'a apnaqawi uñst'ayäwi

Génesis 38:24

Ucat quimsa phajjsi pasatatsti jakenacajj Judá chachar yatiyiriw jutapjjäna: —Yojjch'amajj yakha chachanacampiw sarnakatayna, jichhasti usuriraquiwa —sasa. Ucatsti Judá chachajj jach'atwa arsu: —¡Irpsunisin ninampi phichhantapjjam! —sasa.

2 Samuel 12:31

Uca marcan khepariri jakenacarusti ansunisinjja serruchonacampi, fierro yawiñanacampi, hachanacampi irnakayaraquïna, uqhamaraqui ladrillo hornonacansa. Uca pachparacwa take amonitanacan marcanacapampejj luräna, ucatsti take soldadonacapampiw Jerusalén marcarojj cuttanjjäna.

2 Samuel 12:5

Davidasti uca jake contrajj walpun colerasïna, Natanarusti saraquïnwa: —¡Diosan sutipjjaruw arsta, cawquïri jaketejj uc lurqui ucajj jiwañapawa!

2 Samuel 19:13

Ucjjarusti sascaquïnwa Amasaru sapjjañapataqui: “Juma pachpaw wilajjat wilanïtajja, jichhat ucsarojj jumaw ejercitojjan jach'a jilïripäyätajja, Joab lanti. Janitejj aca arsutajj phokhäma ucapachasti Tatitojj nayaru mutuyitpan wali jan sintt'asiñampi” sasa.

2 Samuel 3:9

¡Tatitusti nayarojj wali mutuyitpan, janitejj Davidampi phokä, cuntejj Tatitojj arsuwayqui ucanacampejja!

Proverbios 25:16

Misq'i jicjjatäta ucajj, jan jilañchjasa mank'amti. Jilañchjasa mank'äta ucasti wak'akjasïtawa.

Jueces 11:35

Jefté chachasti phuchapa jutir uñjasinjja llaquisiñatjja isipa ch'iyanokasisajj sänwa: —¡Ay, imill wawajja, wali llacthapisiyista! ¡Jumapunïtatisti nayan jan waliru puriñajjataquisti! ¡Nayasti mä arsüwi Diosarojj lurta, jichhasti phokhañajjaw waquisi! —sasa.

Rut 1:17

Nayasti, cawqhantï jumajj jiwcäta ucqhanwa jiwaraquï, uca chekanaracwa imt'atäñ munta. ¡Dios Tatitusti take ch'amapampi mutuyitpan, nayatejj jumat jithektirista ucapachajja. Jiwañaquiw jumampiru, nayampirojj jaljtayistani! —sasa.

1 Samuel 14:39

-¡Israel marcan khespiyiri Tatitun sutipjjaruw arsta juramentompi, qhititejj jucha lurqui, pachpa Jonatán yokajjäscpasa, ucajj jiwayatäniwa! —sasa. Soldadonac taypitsti janiw qhitis arsuncänti.

1 Samuel 25:22

Ucatwa mä juramento luräna: “¡Diosajj nayarojj wali mutuyitpan, janitejj arumanthcama jupan familianacapat take chachanac jiwaraycä ucajja!” sasa.

1 Samuel 3:17

Elí sacerdotesti jisct'araquïnwa: —¿Cunsa Tatitojj parlawaytam? Jan cuns imt'istati jan ucasti takpacha yatiyita. ¡Diosasti jumarojj mutuyaraquïtamwa janitejj phokhata yatiyquitäta ucapachajja! —sasaw Elí sacerdotejj säna.