1 Samuel 14:36 - Qullan Arunaca

³⁶ Ucatsti Saúl reyejj saraquïnwa: —Jichhajj aca aruman filisteonacar arctiri sarakapjjañäni, ucatsti khanjtaniñapcama saqueyjapjjaraquiñäni, janiraquiw maynirus uqhamaqui jaytancañäniti, jan ucasti takeniruw jiwarayaniñäni —sasa. Ucatsti takeniw arsupjjaraquïna: —Cunatejj amuyatamatjja walïqui ucanacjja lurascaquim. Ucampisa sacerdotejj saraquïnwa: —Janïr cunäquipana Diosaru jisct'añäni —sasa.

Aymar Bibliia 1986

³⁶ Ucatsti Saúl reyejj saraquïnwa: —Jichhajj aca aruman filisteonacar arctiri sarakapjjañäni, ucatsti khanjtaniñapcama saqueyjapjjaraquiñäni, janiraquiw maynirus uqhamaqui jaytancañäniti, jan ucasti takeniruw jiwarayaniñäni —sasa. Ucatsti takeniw arsupjjaraquïna: —Cunatejj amuyatamatjja walïqui ucanacjja lurascaquim. Ucampisa sacerdotejj saraquïnwa: —Janïr cunäquipana Diosaru jisct'añäni —sasa.

Qullan Arunaka DC

³⁶ Ukatsti Saúl reyix sarakïnwa: —Jichha arumax filisteonakar katuntir sarapxañäni, ukatsti qhanjtaniñapkam yänakap apsunipxañäni, taqinirurak jiwarayanipxañäni —sasa. Taqiniw arsupxarakïna: —Kunatix amuyatamat walïki ukanak luraskakim —sasa. Ukampisa sacerdotex sarakïnwa: —Janïr kunäkipan Tatitur jiskt'añäni —sasa.

1 Samuel 14:36 Jak'a apnaqawi uñst'ayäwi

Salmos 73:28

Nayasti Diosaruw jac'achasï, ucaw nayarojj cusisiyitu. Tatay, jumaw arjjatirejjätajja, takpach luräwinacamat yatiyä.

Isaías 58:2

Sapüruw thakapjjetu, sarnakäwinacajj jicjjatasasti c'uchiquïpjjewa, mä suma asquinac lurir marcäpcaspas uqhama, leyinacajjsa sumsa phokhapcaspa uqhama; cheka leyinacwa mayipjjetu, nayar jac'achasisinsti c'uchiquïpjjaraquiwa,

Jeremías 6:5

¡Uqhamajj aruma nuwantañäni, torrenacapsti t'unjaraquiñäni!” sasa.

Malaquías 2:7

Sacerdotenacan lurañanacapasti jakenacaru nayar uñt'aña yatichañapawa. Ucatsti takeniraquiwa sacerdoten ucaru sarapjjañapa suma yatichäwinaca catokañataqui, jupanacajj take ch'amani Diosan suma arunacap khanañchiri qhitanita jakenacäpjjatap laycu.

Números 27:21

Ucampisa Josué chachajj Eleazar sacerdoter uñstañapawa. Ucatsti Eleazar sacerdotew sutipampi jisct'ani, Urim sat toke. Josué chachaw israelitanacarojj apnakani take cuna lurañanacapansa.

Santiago 4:8

Diosar jac'achasipjjam, jupasti jumanacarojj jac'achasiraquiniwa. Juchararanaca, amparanacam k'omachasipjjam. Jumanaca qhitinacatï acapachampiru, Diosampiru munasipcta ucanacasti chuymanacam k'omachasipjjaraquim.

Josué 10:19

Uccañcamasti jumanacajj janiraqui uca chekan kheparapjjamti, jan ucasti uñisiriru khepa toket nuwantapjjam, uqhamaraqui jan marcanacaparojj cuttayapjjamti, jumanacan Dios Tatitumaw amparanacamar catuyapjjtam uca laycu” sasa.

Josué 11:14

Israelitanacajj jupanacataquiw take utjirinacjja, uqhamarac uywanacapsa catuntasipjjäna; ucampis take jakenacarojj espadampiw jiwarayapjjäna jan maynirus jacañapa perdonasa.

1 Samuel 1:23

Elcana chachapajj saraquïnwa: —Cunatejj jumataquejj walïqui ucanac lurascaquim. Uqhamajj kheparamay wawaru ñuñu t'akañcama. Tatitusti arsutapjja phokharacpan —sasa. Uqhamaw jupajj kheparjjäna, wawa uywasa, ñuñut t'akañapcama.

1 Samuel 11:11

Khepürusti Saúl waynajj ejercitopwa quimsa escuadronani suma waquicht'araquïna, ucatsti janïra khanjtanquipanwa uñisiripan campamentop taypiru mantantapjjäna, uqhamat amonita jakenacaru jiwarayasa, niya chica urucamaraquiw uqham jiwarayapjjäna. Qhitinacatejj jan jiwayatäpcän ucanacasti jaltjjapjjänwa, maynis maynicama, janiraquiw jupanacatjja paninisa sarcänti.

1 Samuel 14:3

Efod sata isi apiristi, Ahitob sat jaken Ahías yokapänwa. Uca Ahitob jakesti Icabod jaken sobrinopänwa, ucasti Finees sat jaken yokaparaquïnwa, Elí chachan allchhiparaqui, qhititejj Silo sat chekan Tatitun sacerdotepäcän uca. Jakenacasti janiw Jonatanan saratapjja yatipcataynati.