1 Samuel 14:20 - Qullan Arunaca

²⁰ Ucapacharaquiw Saúl reyejj take ejercitopampejj tantacht'asisin sarapjje filisteonacampi nuwasiñataqui. Filisteonacasti sinti jan walt'añanwa jicjjatasipjjäna, jupanaccamaraquiw jiwarayasipjjäna.

Aymar Bibliia 1986

²⁰ Ucapacharaquiw Saúl reyejj take ejercitopampejj tantacht'asisin sarapjje filisteonacampi nuwasiñataqui. Filisteonacasti sinti jan walt'añanwa jicjjatasipjjäna, jupanaccamaraquiw jiwarayasipjjäna.

Qullan Arunaka DC

²⁰ Ukspachaw Saúl reyix taqpach soldadonakapampi tantacht'asisin filisteonakampi nuwasiñ qalltapxäna. Filisteonakasti ukham jan walt'añan jikxatasisax jupanakkamakiw jiwarayasipxäna.

1 Samuel 14:20 Jak'a apnaqawi uñst'ayäwi

1 Reyes 20:21

Ucatsti Israelan reyipajj sarantascaquïnwa, ucatjja caballonacapa, nuwasiñ carronacapwa catuntasïna, ucatsti sirio jakenacarojja jan walinpunwa atipjäna.

2 Crónicas 20:23

Moabitanacampi amonitanacampejja nuwapjjänwa Seir kollut jutirinacaru, ucatsti takwa tucjapjjäna, ucatjja jupanacar tucjasinjja jupanaccamaraquiwa tucjasipjjaraquïna.

Isaías 19:2

Egiptonquir jakenacarojj payaruw jaljtayä, jupanac pura nuwasiyä, amigojj amigop pura, marcasti marca pura, reinojj reino puraraqui.

Ezequiel 38:21

Nayaw Gog sisqui jupjjarojj cunayman ajjsarcañanaca apayanëjja, ucanacasti jupanacarojj wali ajjsarayaraquini. Cunayman usunacampi, acatjamat jiwarañanacampiw jupanacarojj t'akhesiyaraquëjja. Jupjjarusti uqhamaraqui ejercitopjjarusa, uca quipcaraqui, cawquïri yakha marcanacatejj jupampi chica sarapqui ucanacjjarusti jach'a jallunaca, chhijchhinacampi, ninampi asufrempi puriyaniraquëjja, jakenacapasti jupanacpachaquiw espadanacapampi nuwarasjjapjjani. Naya Tatituw ucjja arsta.

Jueces 7:22

Ucampis quimsa pataca israelitanacasti pututusipcaquïnwa. Diosasti madianitanacarojj jupanacpurwa nuwasiyäna. Ucatsti tutuctjjapjjänwa Bet-sita sat, Zerera thaquicama, uqhamarac Abel-mehola sat korpacama, ucasti Tabat sat jac'awa.

1 Samuel 14:16

Saúl reyin centinelanacapasti, qhitinacatejj Benjamín oraken Gabaa sisqui uca chekancasipcän ucanacasti, filisteonacarojj ucsar acsar chhuqhunakerwa uñjapjjäna.

1 Samuel 9:16

“Arumanthi alwajj aca quipca horasaruw Benjamín toket jutiri mä jakeruw qhitanïma, juparuw yakhachäta Israel marcajja apnakañapataqui. Jupaw filisteonacan amparapat khespiyani, marcajjatsti qhuyapt'ayasiractwa, t'akhesitanacapasti naya nayräjjaruw puriniraqui” sasa.