1 Samuel 12:17 - Qullan Arunaca

¹⁷ Jichhajj trigo cosechañ horasäjjewa, janiraquiw jallojj purquiti, ¿janicha? Jichhajj nayaw Tatitur mayï, jupasti khejjo khejjonaca, uqhamarac jallu apayanini, uqhamat jumanacajj uñjapjjañamataqui amuythapisipjjañamatakiraqui, cunjämtejj Tatitojj uñjqui, jumanacajj jan wali lurapjjtajja mä rey mayisajja.”

Aymar Bibliia 1986

¹⁷ Jichhajj trigo cosechañ horasäjjewa, janiraquiw jallojj purquiti, ¿janicha? Jichhajj nayaw Tatitur mayï, jupasti khejjo khejjonaca, uqhamarac jallu apayanini, uqhamat jumanacajj uñjapjjañamataqui amuythapisipjjañamatakiraqui, cunjämtejj Tatitojj uñjqui, jumanacajj jan wali lurapjjtajja mä rey mayisajja.”

Qullan Arunaka DC

¹⁷ Jichhax trigo apthapiñ urunakawa, janiw jallu pachäkiti, ukampis nayaw Tatiturux mayï, jallun q'ixu q'ixunakamp chik purxatayañapataki, ukhamat Tatitux jumanakar uñacht'ayapxätam, mä reyi mayitanakamampix jan wal lurapxatama” —sasa.

1 Samuel 12:17 Jak'a apnaqawi uñst'ayäwi

Salmos 99:6

Moisesamp Aaronampejj sacerdotenacap taypin aytatawa, Samuelojj sutip jach'añchirinac taypin aytatawa, jupanacajj Tatituruw art'asipjjäna, jupasti mayisitanacaparojj ist'änwa.

Éxodo 32:30

Ucat khepa arumarjisti Moisesajj jakenacarojj sänwa: —Jumanacajj wali jach'a jucha lurapjjtajja. Jichhasti nayajj cawqhancquitejj Tatitojj ucqharuw maqhatäjja mayiñataqui, ucat inacha uca juchat perdonapjjeristam —sasa.

Proverbios 26:1

Cunjämatejj yapu apthapi horasan qhunusa, jallusa jan munascjjetejja, uqhamaw jan amuyt'an jaken jach'ar aptatäñapajj jan waquisquiti.

Jeremías 15:1

Tatitusti saraquituwa: “Moisés, uqhamaraqui Samuel, ucanacasay nayan nayrakatajjaru uñstaniscpan, ucqhas janipuniw nayajj aca jakenacat qhuyapayasquiristti. Nayan nayrakatajjatsti mistupjjpan, jayar sarapjjpan.

Josué 10:12

Cunapachatï Diosajj israelitanacar amorreo marca catuyän ucqhajj Josué chachasti Tatituruw parläna Israel marca nayrakatana aqham sasa: “Jumasti inti sayt'am Gabaón marca pataru, uqhamaraqui jumas phajjsi sayt'asim Ajalón sat valle pataru.”

1 Samuel 12:13

Ucampisa jichhajj acajj jumanacan ajllit reyejja. Tatitojj churapjjtamwa cuna reytejj mayipcta uca.

1 Samuel 12:19

ucatwa Samuelorojj takeni sapjjäna: —Jumajj Tatitu Diosamaru aca sirvirinacamataqui achict'am, jan jiwarapjjañajjataqui, take jucha luratanacajj-jjarusti rey mayitampwa yapt'apjjtajja —sasa.

1 Samuel 2:10

Tatitojj uñisirinacaparojj t'unjaniwa, alajjpachatpachwa khejjokhejjonacsa jupanacjjarojj apayaniraquini. Tatitojj take acapacharuw taripani; jupan ajllit reyirusti ch'amañcharaquiniwa, ch'amapasti juc'ampiw jiltaraquini.”

1 Samuel 7:5

Ucatsti Samuelojj saraquïnwa: “Take Israel jakenacarojj Mizpa sisqui uca chekar tantacht'apjjam, ucat nayajj jumanacatac Tatitut mayï.”

1 Samuel 8:6

Samuelosti uqham mä rey marcar apnakañapataqui mayipjjatapatjja wali mayjt'ataw Tatitut oracionan mayïna.

1 Samuel 8:7

Ucampisa Tatitojj saraquïnwa: “Cuna mayitanacapsa ist'ascaquim, cuntejj marcajj maycätam ucjja jaysascaquim, janiw jumaruti jisc'achapctamjja, jan ucasti nayaruw jisc'achasipquitu, jan nayan jupanacaru apnakañajj laycu.