1 Reyes 9:9 - Qullan Arunaca

⁹ Ucatsti sapjjaniwa: ‘Tatit Diosaparuwa jaytanucupjje, qhititejj nayra awquinacaparu Egiptota apsuncäna ucaru, ucatsti jupanacajj yakha diosanacaru yupaychañataqui ucanacaru sirviñataquiraquiw catuyasipjjäna; ucataracwa Tatitojj jupanacjjaru apayaniraqui aca jach'a jan walt'añanacjja’ ” sasa.

Aymar Bibliia 1986

⁹ Ucatsti sapjjaniwa: ‘Tatit Diosaparuwa jaytanucupjje, qhititejj nayra awquinacaparu Egiptota apsuncäna ucaru, ucatsti jupanacajj yakha diosanacaru yupaychañataqui ucanacaru sirviñataquiraquiw catuyasipjjäna; ucataracwa Tatitojj jupanacjjaru apayaniraqui aca jach'a jan walt'añanacjja’ ” sasa.

Qullan Arunaka DC

⁹ Ukxaruw jupar sapxani: ‘Tatit Diosaparuw jaytanukupxi, khititix nayra awkinakaparu Egiptot apsunkäna ukaru, ukatsti jupanakax yaqha diosanakaru yupaychañataki, ukanakaru luqtañatakiw katuyasipxäna; ukat Diosax aka jach'a jan walt'añanak jupanakxar apayani’ ” sasa.

1 Reyes 9:9 Jak'a apnaqawi uñst'ayäwi

1 Reyes 18:18

—Ucjjarusti Eliasajj sänwa —Janiw nayäcti ch'ajjwayirejja, jan ucasti juma, uqhamarac jakenacamawa ch'ajjwayasipquejja Tatitun camachi arunacapa apanucusina, uqhamarac Baal diosan walja lantinacaparu yupaychasina.

2 Reyes 22:17

Jupanacasti nayar apanucusinjja yakha diosanacaruwa inciensonaca naqhayapjje, uqhamatwa take luratanacapampi nayar colerayapjjetu; ucatwa nayan colerajjajj akti aca chekataqui, ucasti janiw t'acurcaniti’ ”.

2 Crónicas 29:8

Ucatwa Tatitojj Judá, Jerusalén ucanacampi colerasïna, ucatsti wali sustjascaña, uqhamaraqui ajjsarcañaruwa tucuyäna cunjämtï jumanacajj ujapjjtajja uqhama.

2 Crónicas 7:22

Ucatsti juparojj sapjjaraquiniwa: ‘Aca jakenacajj nayra awquinacapan Tatit Diosaparuw apanucupjje, qhititï Egiptot apsuncäna ucaru, ucatsti jupanacajj yakha diosanacaruwa sirvipjje, yupaychapjjaraqui; ucatwa take aca jach'a jan walinaca jupanacjjaru jutayi’ ” sasa.

Jeremías 2:19

Pachpa ñankha luratamaw mutuyätamjja, jan take chuymampi sarnakatamaw juchañchascätpa. Amuyt'asim, ucatsti uñjaraquïtawa, cuna jan walïcataynatejja uqhamaraqui c'allc'ücaraquitaynatejj nayar apanucuñajj uca. Uqhamaraqui nayar jan yäkatamajj cunja jan walïquitejj ucwa uñjäta, naya Tatitu Diosamar apanucutamatjja. Naya take ch'amani Tatituw ucjja arsta.

Jeremías 22:8

“Walja marcanacanquiri jakenacaw aca chekjja pasapjjaraquini, ucatsti jupanaccamaw jisct'asipjjaraquini: ‘¿Cunatsa uqham Tatitojj aca jach'a marcaru luri?’ sasa.

Jeremías 44:23

Jichhasti cuna jan walt'añantejj jicjjatasipcta ucasti uqham jumanacan yakha diosanacaru incienso loktasipjjatamatwa jutapjjtamjja, uqhamatracwa jumanacajj Tatitutaqui jucha lurapjjtajja, janiraquiw yatichäwinacapsa, leyinacapsa, camachinacapsa ist'apctati ni phokhapcaractasa.”

Jeremías 5:19

Cunapachatejj jisct'apcätam ucapachasti: ‘¿Cunatsa aqham take acanaca luristu Tatitu Diosasajja?’ sasa, ucapachasti jumajj jupanacarojj saraquïtawa: ‘Cunjämatejj jumanacajj Tatiturojj apanucusin yakha diosanacaru aca pachpa orakepan yupaychapjjtajja, uqhamaraquiw jichhajj yakha marcanquir jakenacaru sirvipjjäta, jaya orakena’ sasa.

Jeremías 50:7

Uñisirinacapasti jicjjatasajj mank'antapjjaraquïnwa, sapjjaraquïnwa: ‘Janiw jiwasan juchasataqui, jupanacaw Tatitutaquejj jucha lurasipquejja, uca Tatitusti jupanacataquejj mä suma pastöcaspas uqhamänwa, nayrapacha awquinacapan suyt'añaparaquïnwa’ sasa.

Lamentaciones 2:15

Thaqui sariri jakenacasti uqham jumar uñjasajja, larusisaw amparanacapsa t'ajjllirasipjjaraqui; qhuyusipjjewa, p'eksa qhiwipjjaraqui, sapjjaraquiwa: “¿Acati cawquïri marcattejj wali parlapcäna, uqhamaraqui wali suma marcaw sapcäna ucasti?” sasa.

Deuteronomio 29:23

Ucatsti uñjapjjaraquiniw take orakejj azufreru, jayuru, naqhantat lak'aru tucutätapa. Janiraquiw cunsa uca orakerojj satañ puedipcaniti, ni cunas achcaniti; janiraquiwa mä jisc'a koras jilcaraquiniti, cunjämatï t'unjasïnjja Sodoma, Gomorra, Adma, Zeboim sat marcanacajja, cawquïrtï Diosajj t'unjäna jach'a ajjsarcañ colerasiñapampi uqhama.