1 Reyes 8:44 - Qullan Arunaca

⁴⁴ “Cunapachatï marcamajj uñisirinacapampi nuwasir sarcani, cawqharutejj jumajj qhitcäta; ucqhatpach jumarojj oracionan mayisïtam marcam toke uñtata, uqhamarac nayajj jumataqui templo lurcta uca uñtataraqui ucqhajja,

Aymar Bibliia 1986

⁴⁴ “Cunapachatï marcamajj uñisirinacapampi nuwasir sarcani, cawqharutejj jumajj qhitcäta; ucqhatpach jumarojj oracionan mayisïtam marcam toke uñtata, uqhamarac nayajj jumataqui templo lurcta uca uñtataraqui ucqhajja,

Qullan Arunaka DC

⁴⁴ “Kunapachatix markamax uñisirinakapampi nuwasir sarkani, ukatsti kawkharutix jumax khitkäta ukkhatpach jumar mayisïtam, ajlliskta uka markam tuqi uñtata, nayax jumatak lurkta uka uta tuqi uñtata mayisirakïtam ukapachaxa,

1 Reyes 8:44 Jak'a apnaqawi uñst'ayäwi

2 Samuel 5:19

Ucatwa Davidajj Tatituru yanapa mayiraquïna, jisct'asiraquïnwa: —¿Filisteo jakenacarojj nuwantiristti? ¿Jupanacarojj atipjayitätati? —sasa. Tatitusti juparojj saraquïnwa: —Jïsa, nuwantascaquim, nayaw jumarojj jupanacjjaru atipjaña churäma —sasa.

2 Samuel 5:23

Uqhamasti Tatituruw Davidajj wasitat sarasin jisct'asiraquïna, Tatitusti juparojj saraquïnwa: —Jani nayräjjatjja nuwantamti jan ucasti cunapachatejj bálsamo sat kokanacäquis uca chekaru purisinsti khepäjjata jupanacarojj muyuntam, ucatsti nuwantam.

1 Reyes 8:16

‘Cunürutejj Israel marcajjaru Egipto marcata apsuncta ucqhatjja, janiw nayajj chhijllascti yakha marcaru Israelan take tribunacapatjja, ucana mä templo lurasiñapataqui, sutejjasa ucancañapataquiraqui. Ucampis ajllistwa Davidaru Israel marcajjaru apnakañapataqui’ sasa.

1 Reyes 8:45

jumajj ist'am oracionapsa mayisitapsa alajjpachatpacha, ucatsti jumajj arjjataraquim.

2 Crónicas 18:31

Cunapachatï carronacan capitänanacapajj Josafat reyiru ujapjjäna ucqhajja, amuyapjjänwa jupätapa Israelan reyipajja, ucatjja muyuntapjjänwa nuwañataqui. Ucatsti Josafat reyejj jach'at art'asinwa yanapa mayïna, ucatjja Tatitojj juparojj yanapänwa, Diosasti jupatjja uca jakenacjja jithektayaraquïnwa,

2 Crónicas 20:5

Josafat reyisti Judá chekanquiri jakenacajj Jerusalenana tantachasipcäna uca taypiruwa sayt'asïna, Tatitun templopa machaka uta ankäjja nayrakatana,

2 Crónicas 32:20

Uqham ujasisinsti, Ezequías reyimpi, Amoz chachan Isaías yokap profetampisti, oracionwa lurapjjäna alajjpachata yanapa mayisina.

2 Crónicas 6:34

“Cunapachatï marcamajja uñisirinacapampi nuwasir sarcani, cawqharutejj jumajj qhitcäta ucqhajja, ucatsti marcamajj oración lurani, jumajj ajlliscta aca marcamar uñtanisa, uqhamarac jumataqui aca templo luraycta ucar uñtataraqui ucajja.

Daniel (hebreo) 6:10

Daniel chachasti, uca arsüwi uqham luratätap yatïn ucapachasti, utaparuw saräna, uta ventananacapa jist'arasïna, uca ventananacasti Jerusalén marca toker uñtanitänwa, quillt'asisinwa Diosat mayisïna, uqhamaraqui yupaycharaquïna. Ucsti Daniel chachajj quimsa cutiw ucjja urunjja luräna, cunjämatejj luriricän uqhamarjama.

Jueces 4:6

Mä urusti Débora sat warmejj qhitänwa jawsiri Barac sat chacharu jupasti Abinoam satan yokapawa. Aca Barac sat chachasti Cedes sat marcanjja Neftalí sat tribu taypinwa jacäna. Ucampis jawsayanisajj sänwa: —Israel marcan Diosapasti jumarojj aqham sasaw sistamjja: ‘Saram Tabor sat kolluru ucansti tunca waranka chachanaca tantacht'am Neftalí, Zabulón sat tribunkirinacata.

Jueces 6:14

Diosasti uñcatasinjja sänwa: —Kawkhatejj ch'amamajj utjqui ucampi israelitanac khespiyir saram madianitanacan t'akhesiyatäñata. Nayawa jumarojj qhithascsma —sasa.

1 Samuel 15:18

Jichhajj Tatitutejj jumaru uca ñankha jucharar amalecita jakenacaru k'ala t'unjaniñamataqui qhitchhïyätamjja,

1 Samuel 15:3

Uca laycu, jichhajj saram ucatsti t'akhesiyaraquim; jupanacarusa uqhamarac yänacapsa takpach t'unjaniraquim, janiraqui jupanacatjja qhuyapt'ayasimti. Chachanacsa, warminacsa, wawanacsa, asu wawanacsa, uqhamarac vacanacsa, ovejanacsa, camellonacsa, asnonacsa takpach jiwarayanim’ —sasa.

1 Samuel 30:8

Davidasti Tatituruw jisct'asiraquïna: —¿Uca lunthata jakenacarojj arctañajjati? ¿Jupanacarojj jicjjatiristti? —sasa. Tatitusti saraquïnwa: —Arctascaquim, jicjjatätawa, ucatsti preso apata jakenacsa aparanjjaraquïtawa —sasa.