1 Reyes 8:43 - Qullan Arunaca

⁴³ jumajj alajjpachatpachjja ist'anim, cawqhantejj jactajj ucqhatpacha, ucatsti churaraquim cuntï mayctam ucjja, uqhamata aca orakenquir take marcanacajj jumar uñt'apjjañapataqui uqhamarac jach'añchapjjañapataqui cunjämatï Israel marcamajj lurqui uqhama, ucatsti sutimajja aca templo jumataqui lurcta ucana aytatätap yatipjjañapataqui.

Aymar Bibliia 1986

⁴³ jumajj alajjpachatpachjja ist'anim, cawqhantejj jactajj ucqhatpacha, ucatsti churaraquim cuntï mayctam ucjja, uqhamata aca orakenquir take marcanacajj jumar uñt'apjjañapataqui uqhamarac jach'añchapjjañapataqui cunjämatï Israel marcamajj lurqui uqhama, ucatsti sutimajja aca templo jumataqui lurcta ucana aytatätap yatipjjañapataqui.

Qullan Arunaka DC

⁴³ jumax alaxpachatpach ist'animaya, kawkhantix jaktaxa ukkhatpacha, ukatsti kuntix maykätam uk churarakim, ukhamat aka uraqinkir taqpach markanakan juman sutim uñt'añapataki, jach'añchañapatakiraki, kunjämatix Israel markamax lurki ukhama, ukatsti sutimax aka uta jumatak lurkta ukan aytatätap yatipxañapataki.

1 Reyes 8:43 Jak'a apnaqawi uñst'ayäwi

1 Reyes 18:36

Naqhantayas loktañ horasajja, Elías profetajj jac'achasisinjja art'änwa: “¡Tatay, Abrahamana, Isaacana, uqhamarac Israelan Diosapa: uñacht'ayasim jichhüruna jumajj Israelana Diosapätama, nayasti juman sirvirimätajjaraqui, uqhamarac take acanacjja lurctwa juman arumarjama!

1 Reyes 8:60

Uqhamatwa aca orakenquir take marcanacajj yatipjjani Tatitojj Diosätapa, jan yakhajj utjatapata.

2 Reyes 19:19

Jichhasti, Tatitu, nanacan Diosajja, jumasti khespiyapjjetaya Senaquerib reyin ch'amapatjja, uqhamata aca orakenquir marcanacajj yatipjjañapataqui juma Tatitu Diosaqui utjatapa” sasa.

1 Crónicas 16:8

“¡Tatitur yuspagarapjjam! ¡Sutipa yatiyapjjam! Yatiyapjjam marcanacarojj luratanacapata.

2 Crónicas 6:33

jumajj alajjpachatpacha ist'amaya, cawqhantejj jumajj jactajja ucqhatpacha, ucatsti churamaya cuntï mayctam ucjja, uqhamata aca orakena take marcanacajj jumar uñt'apjjañapataqui, ucatsti Israel marcamjamaraqui jumar jach'achapjjañapataqui, ucatjja jupanacajj amuyapjjañapataqui aca templo jumataqui luraycta ucana sutimajja aytatätapa.

Salmos 102:15

Takpach marcanacaw Tatitun khapak sutip wakaychapjjani, acapach reyinacasa, aytat cancañamataquiw ajjsarthapipjjani,

Salmos 22:27

Takpach jakenaca, takpach marcanaca, acapach tucuscam jaquir jakenaca: Tatitut amtasipjjam, jupar maqhatjjapjjam; nayrakatapar konkort'asipjjam.

Salmos 33:14

acapachan takpach jaquir jakenacarojj utjäwipatpach uñch'uquisinqui,

Salmos 67:2

orakenquirinacajj thaquim uñt'apjjpan, take marcanacasti munañamampi, khespiyäwimamp uñt'apjjaracpan.

Salmos 86:9

Tatay, jumaw takpach marcanac utjaytajja, jupanacasti nayrakatamaruw jutapjjani, jumar yupaychiri, sutimar jach'añchiri.

Isaías 11:9

Nayan kollan kollojjansti janiw qhiti cuna ñankha luriris utjcaniti, cunjämatejj umajj k'al phokhantejja uqhamaraquiw Tatitun yatiñapajj take marcpacharu phokhantani.

Jeremías 25:29

Jichhasti mutuyäwinacajj apayanï cawquïri marcatejj nayataqui yakhachatäcäna uca marcjjarojja. ¿Jumanacasti amuyapjjtati jan mutuyataqui kheparañjja? Janiw uqhamaqui jumanacajj kheparapcätati, guerran nuwasiñsti take acapachanquir jakenacjjaruw apayanï. Naya Tatituw ucjja arsta.’

Deuteronomio 26:15

Uñtanimay alajjpachatpacha, uca kollana jacäwimata, ucatsti bendicim Israel marcamaru, cawquïri oraktejj churapquista ucarusa, cawqhantejj leches misq'is umjam jalasqui, cunjämatejj awquinacajjaru arumampi arsuwaycäyäta uqhama’ sasa.

Josué 4:23

ucatsti cunjämsa Tatitu Diosamajj Jordán jawir wañt'ayatayna, jumanacan pasañanacamataqui, cunjämtejj nayrajj Mar Rojo sat kotjja wañt'aycatayna jiwasan pasañasataqui.

Josué 4:24

Uqhamatwa take acapachan jaquir jakenacajj yatipjjani cunja ch'amanïquitï Dios Tatitojj uca, ucatsti jumanacajj ajjsarapjjapunim Dios Tatitumarojja” sasa.

Apocalipsis 11:15

Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.

1 Samuel 17:46

Jichhajj Tatitojj jumarojj amparajjaruw catuyitani, ucatsti jichhpachaw jiwt'ayäma, p'ekemsa apakaraquïmawa. Uqhamarac filisteonacan janchipsa alajjpach jamach'inacaruw mank'añanacapataqui churä, pampanquir animalanacaw mank'apjjaraquini. Uqhamatwa take jakenacajj yatipjjani, Israelanjja mä Diosajj utjatapa.