1 Reyes 8:23 - Qullan Arunaca

²³ “Israelan Tatit Diosapa, janiw alajjpachansa, ni aca orakensa jumjamajj yakha Diosajja utjquiti, jumasti phoktawa suma parlt'äwimjja, uqhamaraquiw qhuyapayasiractajja qhitinacatejj take chuymampi arcapctam ucanacarojja.

Aymar Bibliia 1986

²³ “Israelan Tatit Diosapa, janiw alajjpachansa, ni aca orakensa jumjamajj yakha Diosajja utjquiti, jumasti phoktawa suma parlt'äwimjja, uqhamaraquiw qhuyapayasiractajja qhitinacatejj take chuymampi arcapctam ucanacarojja.

Qullan Arunaka DC

²³ “Israelan Tatit Diosapa, janiw alaxpachansa, aka uraqinsa jumjam yaqha Diosax utjkiti, jumax arust'äwimar phuqtawa, taqi chuymampi jumar jaysirinakarux khuyapayasiñam uñacht'ayaraktaxa;

1 Reyes 8:23 Jak'a apnaqawi uñst'ayäwi

Génesis 17:1

Cunapachatejj Abramajj llätunc tunca llätuncani maranëjjan ucqhaw Tatitojj jupar uñstäna, ucatsti saraquïnwa: —Nayätwa take ch'amani Diosajja; jumasti nayan nayrakatajjanjja cheka asqui sarnakam,

Génesis 33:20

Ucjjarusti mä altar luraraquïna, El-Elohe-Israel sasaw suticharaquïna.

2 Samuel 7:22

Uca laycu, nayan Tatitojja, ¡cunja jach'ätas jumajja! Janiraquiw qhitis jumjamajj utjquiti, ni yakha diosas utjcaraquiti jumat sipanjja, cunjämtejj nanacajj take cuna ist'apjjta uqhamarjamajja.

1 Reyes 2:4

Uqhamaraqui Tatitojj phokhañapataqui cuna arsüwtejj nayampi lurcäna, cunapachatï wawanacajjajj sum sarnakapjjani, uqhamarac jupan nayrakatapana cheka cancañampi sarnakapjjani, take chuymampi, uqhamarac take jacañapampiraqui ucqhajja, janipuniw familiajj taypita tucuscaniti Israelan trononcañapajja.

1 Reyes 3:6

Salomonasti ucjjarojj sänwa: “Jumajj David awquejjarojj wali suma chuymampiwa uñjayätajja, jupajja sirvïyätamwa juman nayrakatamanjja jumampiwa sarnakäna cheka lurañampi, cheka chuymampi uca laycu. Ucataracwa jumajja wali suma chuymampiraqui juparu uñjaraquïyätajja, uqhamaraquiw mayni yokaparusa tronoparu kont'asiyaractajja, cunjämatejj jichhajja lurasqui uqhama.

1 Reyes 6:12

“Cawquïr templotejj lurascta ucatjja yatiyañwa munsma, jumatejj leyinacajjarjama, ewjjanacajjarjama sarnakäta ucqhajja, uqhamarac camachi arunacajjarusa phokharaquïta cuntï ucanacan siscta ucanac lurasina ucqhajj, nayajj phokhäwa cuntejj arscäyäta jumampi lurañataqui David awquimaru ucjja;

1 Reyes 8:24

Jumasti phokharactawa David awquejjaru arscäyäta ucjja, uqhamatwa jichhürunjja luräwimpisa arsutampisa phokhasi.

2 Reyes 20:3

“Nayajj achict'assmawa, Tatay, amtastati cunjämsa nayajja suma cheka chuymampi sirviyäsma uca, cunatejj jumataqui asquïqui ucanac lurasina” sasa. Ucatsti jupajj walipuniw jachäna.

Esdras 1:3

Uqhamasti jumanac taypina qhitinacatejj Tatitun marcapanquirïpcta ucanacarojja Dios yanappan, ucatsti sarjjaracpan Judá orakenquir Jerusalén marcaru Tatitun templopa luriri, jupasti Israelan Diosapawa, Jerusalén marcanaracwa jacaraqui.

Nehemías 1:5

Ucatsti sistwa: “Alajjpachanquir Dios Tata, jumajj jach'a ajjsarcaña Diosätawa, sumar mantäwimsa janiw armctati, qhuyapayasiractawa qhitinacatejj jumar munapctam uqhamaraqui camachi arunacamarusa phokhapqui ucanacataquejja.

Nehemías 9:32

“Uqhamasti nanacan jach'a Diosajja, take ch'amani uqhamarac ajjsarcañaraqui, ucatsti sumancäwir mantatamsa, munasiñamsa imtawa, jichhajja uñjamaya aca jan walt'añanacajja jutqui reyinacajjarusa, jilïrinacajjarusa, sacerdotenacajjarusa, profetanacajjarusa, uqhamarac nayra awquinacajjarusa, ucatsti take marcpacharusa, Asiriana reyinacapan urunacapatpacha jichha urucama.

Salmos 113:5

Janiw qhitis Tatit Diosasjamäquiti, jupajj reyi konuñapjjan kont'atawa.

Salmos 35:10

Takpach chuymajjampiw arsü: “Tatay, ¿qhitirac jumjam utjisti?, munañan jaket jan yäkat jaker arjjattajja, ch'am apjir jaket jan cunan jakeruw khespiytajja.”

Salmos 86:8

Tatay, janiw qhiti diosas jumjamajj utjquiti, janiraquiw luratanacamjamajj utjquiti.

Éxodo 15:11

Dios Tata, ¡janiw qhiti diosas jumampejj chicachascaspati! ¡Janiw qhitisa, jumjama Santo, uqhamarac jach'ajj utjquiti! Jumasti cunayman muspharcañanaca, uqhamarac ajjsarcañanacwa lurtajja. ¡Uca laycusti asquïtawa yupaychatäñataquejja!

Éxodo 3:15

Ucampis Diosajja Moisesarojj sascaquïnwa: —Israelitanacarojja aqham sätawa: ‘Abraham, Isaac, Jacob uca nayra awquinacaman Tatitu Diosapawa nayarojj jumanacan ucaru qhithanitu.’ —Jupajj siwa: —Acawa nayan wiñayatac amtasiña sutejjajja, uca sutejjawa takenitaquisa wiñayan wiñayapataquejja.

Isaías 40:18

¿Cunampirac jumanacasti Diosarusti tinct'ayapjjasmasti? ¿Cuna yakha diosampirac Diosarusti ‘Aqhamaw’ sapjjasmasti?

Isaías 40:25

Kollana Diosasti jisct'araquiwa: “¿Cunampis jumanacajj uñtasiyapjjetata? ¿Qhitis nayampi chicachasiraquispajja?”

Jeremías 10:16

¡Ucatsipana cunja jach'asa Israelan Diosapajja, juparaquiw take cunatejj utjqui ucanacsa ucharaqui! Juparaquiw Israelarojj jupataqui ajllisi; Take Ch'amani Tatitu, ucaw sutipajja. Profeta:

Jeremías 10:6

Tata, janiw jumjamajj qhitis utjquiti: Jumajj jach'ätawa, sutimas jach'awa, ch'amaniraquiwa.

Daniel (hebreo) 9:4

“Tatitu Diosajjaruw mayisiscäyäta, juparusti aqham sasaw arsuraquïyäta: ‘Tata, jumajj jach'a ch'amani Diosätawa, arsutanacamarojj phokhapuntawa, qhitinacatejj camachi arunacam phokqui ucanacarusa munasiñamjja uñacht'ayaractawa.

Lucas 1:72

Awquinacasata qhuyapayasisa, janiraquiw armt'ascänti kollan arsutanacapatjja.

Deuteronomio 7:12

“Jumanacatejj uca arsutanacap ist'asina phokhapjjäta, uqhamaraqui uca leyinacarjama sarnakapjjäta ucqhajja, Tatitu Diosajj munasiñampiw phokhani cawquïri suma arust'äwinacarutï jumanacan awquinacamampi mantawayqui ucanacjja.

Deuteronomio 7:9

Yatipjjam, Tatitu Diosasti jupa sapaquiwa cheka Diosajja, jupaquiraquiwa take suma arust'äwinacapsa munasiñampi wawanacapan wawanacapampi phokharaqui, qhitinacatï take munasiñ chuymampi munapqui uqhamaraqui camachi arunacapsa phokhapcaraqui ucanacaru.

1 Samuel 2:2

¡Janiw jumjam kollanajj qhitis utjquiti, Tatitu! ¡Janiw jumat juc'ampejj qhitis utjquiti!