1 Reyes 8:11 - Qullan Arunaca

¹¹ Uca kenaya laycusti sacerdotenacajj janiw kheparcjjapjjänti culto lurañataqui, Diosan jach'a cancañapajj temploparu phokt'atap laycu.

Aymar Bibliia 1986

¹¹ Uca kenaya laycusti sacerdotenacajj janiw kheparcjjapjjänti culto lurañataqui, Diosan jach'a cancañapajj temploparu phokt'atap laycu.

Qullan Arunaka DC

¹¹ uka qinayïpan sacerdotenakax yupaychäwi lurañatak jan qhiparkxapxänti, Tatit Diosan qhapaq kankañapax utaparu phuqhantatap layku.

1 Reyes 8:11 Jak'a apnaqawi uñst'ayäwi

1 Reyes 8:10

Kollan Chekata sacerdotenacajj mistunipcäna ucqhajja, kenayawa Tatitun temploparu phokt'äna.

1 Reyes 8:12

Ucatsti Salomonajj sänwa: “Jumajj Tata, sistawa ‘Nayajj ch'amacanwa jacta’ sasa.

2 Crónicas 5:14

Uca kenaya phokhantatap laycusti sacerdotenacajja, janiw juc'amp kheparañ muncjjapjjänti Tatitur yupaychañataqui, Tatitun jach'a cancañapajj templor phokt'atap laycu.

Salmos 90:16

Uywatanacamajj luratanacam uñjapjjpan, wawanacapasti khapak cancañam uñt'apjjaracpan.

Éxodo 29:43

Uqhamarac uca chekanwa nayajj israelitanacampi jiquisëjja, uca chekajj k'omachatäniwa nayan ucancatajj laycu.

Éxodo 40:34

Mä kenayaw Tatitumpi Jiquisiñ Carpa patjjarojj urpjjatäna, ucatsti uca carparojj Tatitun jach'a cancañapaw phokt'äna.

Éxodo 40:35

Ucampis Moisesajj tantachasiña chekarojj janiw mantaña puedcänti, kenayawa uca patjjarojj urpjjatäna, uqhamarac Tatitun jach'a cancañapaw uca carparojj phokhantaraquïna uca laycu.

Isaías 6:1

Rey Uziasajj jiwjjän uca marajja, Tatituruw uñjta mä jach'a alto tronon kont'ata; mantopan puntanacapaquiraquiw templorojj phokhantäna.

Ezequiel 10:4

Tatitun c'ajquiri khanapasti uca chhekhani angelanac patatwa sartawayäna, ucatsti templor mantañäquis ucsa tokeruw sararaquïna; kenayasti temploruw phokhantaraquïna, uta ankäjjasti Tatitun c'ajquiri khanapampi phokhantataraquïnwa.

Ezequiel 43:2

ucansti uñjaractwa Israelan Diosapan khanapajj inti jalsu toket jutasquiri. Ucampi chicasti mä jach'a ojjoñaw ist'asiraquïna, mä jach'a walja umani jawiran saratapjama, orakesti uca khanampi phokhantataw uñjasiraqui.

Ezequiel 44:4

Ucat uca jakesti amsta tokenquiri mantañäqui ucsaruw irparaquitu, templo uñcatasiru. Ucansti uñjaractwa Tatitun c'ajquir khanapajj temploru phokhantatapa, ucat p'ekejja orakeru puriñcamaw alt'asta.

Levítico 9:23

Ucatwa Moisesampi, Aaronampejj Tatitumpi Jiquisiña Carpäquisa ucaruw mantapjjäna, ucat mistunjjasinsti Israelitanacaruw bendicipjjaraquïna. Ucatwa Tatitojj take jakenacaru uñstaraquïna jach'a c'ajquiri khanapampi;

Levítico 9:6

Ucat Moisesajj saraqui: “Tatituw acjja arsuwayi, jichhajj phokhapjjam, ucatsti Tatituw jumanacarojj jach'a khanapampi uñstapjjätam” sasa.

Hageo 2:7

Take marcanacwa qhathatiyaraquëjja, ucatsti kamir cancañanacapwa apanipjjani, nayan utajjasti c'ajquiriraquïniwa.” Take ch'amani Tatituw acjja arsta:

Juan 1:14

Qhä Arusti janchiruw tucu, jiwasanac taypinwa jacaraquïna. Jiwasanacajj uñjtanwa jach'a cancañapa, uca jach'a cancañasti alajjpach Awquin mä sap Yokapan jach'a cancañapänwa, munasiñampi asquimpi phokhantataraqui.

Hechos 7:55

Ucampis Estebanajj Kollan Ajayumpi phokt'atäsinwa alajjpachar uñtasina, Diosan jach'a cancañap uñjäna. Jesusarusti Diosan cupëjjapan sayt'atäsquiri uñjaraquïna.

Romanos 9:4

Jupanacajj israelitanacäpjjewa, jupanacarusti wawapatwa Diosajj catokasjje. Diosasti wali ch'aman cancañapanjja jupanac taypincaraquïnwa arust'äwinacsa Moisesan leyinacapsa churaraquïnwa, templon culto lurañsa uqhamarac arsutanacapsa.

2 Corintios 3:18

Ucatpï jiwasanacajja, ajanunacasajj jan uca velompi imantatäjjatap laycojj mä espejor uñtatjamaw Tatitun jach'a cancañapatjja c'ajtanjja. Uqhamaraquiw jiwasajj juc'ampi juc'ampi Cristjama tucusctan juc'ampi khanapajj jiwasancatap laycu. Ucwa Ajayüquis uca Tatitojj jiwasanacataquejj luri.

2 Corintios 4:6

Diosajj khanapjja ch'amacan khantaycäna, uca pachpa Diosaraquiw khanapjja chuymanacasan khanayi. Uca khanampisti Diosan c'ajquir cancañapajj Jesucriston ajanupan khanquis uc uñt'apjjañasataquiwa.

Apocalipsis 21:11

Uca marcasti Diosan khanapampiwa khanäna, mä suma kalan khanapjama, jaspe kalar uñtata, cristalar uñtataraqui.

Apocalipsis 21:23

Uca marcanjja janiw munascänti intisa ni phajjsi khanasa, pachpa Diosaw ucan khanäna, uqhamarac Corderowa khanaraquïna.