1 Reyes 7:23 - Qullan Arunaca

²³ Hiram chachasti ucjjarojj luraraquïnwa bronceta mä jach'a uma uchaña. Ucasti morok'önwa, ucatjja mä thiyata mä thiyacamajja pusi metro chicatanïnwa. Altorusti pä metro pä tunca pheskani centimetronïnwa, morok'orusti tunca quimsani metro chicataniraquïnwa.

Aymar Bibliia 1986

²³ Hiram chachasti ucjjarojj luraraquïnwa bronceta mä jach'a uma uchaña. Ucasti morok'önwa, ucatjja mä thiyata mä thiyacamajja pusi metro chicatanïnwa. Altorusti pä metro pä tunca pheskani centimetronïnwa, morok'orusti tunca quimsani metro chicataniraquïnwa.

Qullan Arunaka DC

²³ Ukxarusti Hiram chachax uma uchañatakix mä jach'a laman lurarakïna. Ukasti muruq'ünwa, mä thiyat mä thiyakamax pusi metro chikatanïnwa. Alayarusti pä metro pä tunka phisqan centimetroni, muytarusti tunka kimsani metro chikatanirakïnwa.

1 Reyes 7:23 Jak'a apnaqawi uñst'ayäwi

1 Reyes 7:22

Sayirinaca patäjjapansti lirior uñtasitänwa. Uqhamawa sayirinaca lurañajja tucuyatäjjäna.

1 Reyes 7:44

Jach'a uma uchañäquis uca, tunca payani toronaca aynacharu uchatäquis ucanacamppacha,

2 Reyes 16:15

Ucatsti Urías sacerdoterojj yatiyänwa, jach'a altarana alwa nact'at loktäwi naqhantayañapataqui, uqhamarac jayp'u granonacat ofrendanacsa, uqhamarac nact'ayat loktäwinacsa, reyin granonacat ofrendapamppacha, uqhamaraqui granonacat vino toket loktäwinacsa take jakenacataqui. Ucjjarusti yatiyaraquïnwa uca altar patjjaru naqhantat sacrificionacan take wilanacapa warjjatañataqui, ucampis broncet lurat altarajj jupana Tatitumpi parlañaquïtapa yatiyäna.

2 Reyes 16:17

Ucjjarusti Acaz reyejj aynacha uchañana telapjja qhuchhuränwa, ucatsti catjjäsqui uca bronceta lurata toronacan patjjapancqui uca jach'a pilapjja apakänwa, ucatjja kala suc'suta patjjaruwa uchäna.

2 Reyes 25:13

Caldeo jakenacasti jisc'a jisc'wa tucjapjjäna templona bronceta lurata yänacajj utjcäna ucanaca: sayirinaca, tacnokañanacapa, uqhamarac uma uchaña jach'a pilaraqui, ucatsti take uca broncenacjja Babiloniaruwa apasjjapjjäna.

1 Crónicas 18:8

Uqhamaraquiw catuntasïna walja broncenaca, ucasti Tibhat, uqhamarac Cun sat uca marcanacatänwa, Hadad-ezer ucan marcanacapänwa. Uca broncempiwa Salomonajj lurayäna jach'a pila, sayirinaca, uqhamarac templopataqui bronceta lurata yänaca.

2 Crónicas 4:2

Ucatsti bronceta mä jach'a pila umataqui lurayaraquïna. Ucasti muyünwa, mä thiyata mä thiyacamajja pusi metro chicatanïnwa. Altorusti pä metro pä tunca pheskani centimetronïnwa, muytatarusti tunca quimsani metro chicatanïnwa.

Éxodo 30:17

Diosasti, Moisesar parlasinjja sänwa:

Éxodo 38:8

Bezaleel chachasti luraraquïnwa bronceta, mä tinaja, uqhamaraqui uchañapamppacha. Tatitumpi Jiquisiñ Carpa puncun sirvir warminacan espejonacapatwa, uca tinäj-jja luräna.

Jeremías 27:19

“Cunapachatejj Nabucodonosor reyejj Joacim jaken Jeconías yokaparu Judá oraken reyiparu apjjäna, ucatsti Babiloniaruw apanucüna Judá orakenquiri, uqhamaraqui Jerusalén marcan take jilïri jakenacaparu, ucapachasti janiw uca jach'a pilaranaca saycän ucjja apascänti, uqhamaraqui cawquïri jach'a pilatejj broncet lurata utjcaraquïna, ucsa cunanacatejj templon yänacajj utjcän ucanacsa janiw apascaraquïnti. Take ch'amani Tatitusti uca yänaca toketjja, cawquïrinacatejj Jerusalenansa Judá oraken reyipan palacionacapansa jilt'cän uca yänacatjja aqham siwa:

Jeremías 52:17

Caldeonacasti k'alwa jisc'a jisc'a t'unjapjjaraquïnjja cunanacatejj templon utjcäna uca yänacjja: postenaca, pilaranaca, uqhamaraqui cuna jach'a pilatejj umataqui utjcän ucsa, ucat take uca broncenacsti Babiloniaruw apasipjjäna.

Jeremías 52:20

Uca pä jach'a pilaranacajj sayascäna, uqhamaraqui uca jach'a pilasa, broncet lurat uca tunca payani orko vacanacasa cawquïrinacatejj uca pila k'epjjäsipcän ucanaca, uqhamaraqui cuna cayunactejj Salomón reyejj Tatitun templopataqui luraycatayna ucanacan pisopasti janiw tantiyañjamäcänti.