1 Reyes 7:21 - Qullan Arunaca

²¹ Hiram chachasti aca pä sayirinacjja templo puncuruwa uchäna. Ucatjja cunapachatï uchcäna ucqhasti, cupi tokenquir sayirïqui ucarusti Jaquín sasaw sutichäna, ch'eka tokenquir sayirirusti Boaz sasaraquiw suticharaquïna.

Aymar Bibliia 1986

²¹ Hiram chachasti aca pä sayirinacjja templo puncuruwa uchäna. Ucatjja cunapachatï uchcäna ucqhasti, cupi tokenquir sayirïqui ucarusti Jaquín sasaw sutichäna, ch'eka tokenquir sayirirusti Boaz sasaraquiw suticharaquïna.

Qullan Arunaka DC

²¹ Hiram chachax uka pä sayirinakxa, Tatitun utapar mantañäkis ukaruw uchäna. Uchxasinsti, kupi tuqinkir sayirirux Jaquín sasaw sutichäna, ch'iqa tuqinkir sayirirusti Bóaz sasaw suticharakïna.

1 Reyes 7:21 Jak'a apnaqawi uñst'ayäwi

2 Samuel 7:12

cunapachatejj jacañamajj tucusjjani ucatsti jiwjjaraquïta, ucapachasti nayaw mayni juman wawamaru marcan reinopjjaru utt'ayaraquï.

1 Reyes 6:3

Templo nayräjjana uca mantañ puncusti largorojja llätunca metronïnwa, templojj anchorojj kawcch'äcäntejj uqhamaraqui, templo nayräjjasti anchorojja pusi metro chicatanïnwa.

1 Reyes 7:12

Jach'a patio muytarusti utjänwa quimsa seke kalanaca, uqhamarac mä seke cedro viga maderanacaraqui, uqhamaraquiquiw utjäna mankhëjja pationa, uqhamarac Tatitun templopar mantañansa.

1 Reyes 7:22

Sayirinaca patäjjapansti lirior uñtasitänwa. Uqhamawa sayirinaca lurañajja tucuyatäjjäna.

2 Crónicas 3:17

Uca pilaranacsti templon nayrakataparuw uchayäna, maysti cupi tokeruw uchayäna, maysti ch'eka tokeruraqui. Cupëjjancqui ucarusti Jaquín sasaw sutichäna, ch'ekajjäncqui ucarusti Boaz sasaw suticharaquïna.

2 Crónicas 4:13

pusi pataca granadanaca uca paya rejillanacataqui, sapa rejillataquijj pä seke, ucanacampiraquiw imjjatataraquïna uca paya pilaranaca patjjana paya morok'o capitelenacarojja;

Isaías 45:24

sapjjaraquiniwa: ‘Tatitunacwa atipjañasa, ch'amasa utji’ sasa. Take qhitinacatejj uñisipquitu ucanacajj jisc'achataw uñjasipjjani.

Isaías 9:7

Davidan tronopanwa kont'asiraquini, jupan reyïñ ch'amapasti take chekancaraquiniwa, suman sarnakasiñasti janipuniw tucuscaniti. Jupan reinopasti suma utjnokatäniwa, cheka asqui cancañjjaru, uqhamaraqui cunatejj chekapäqui ucjjaru utt'ayataraquïniwa, jichhüruta wiñaycama. Acsti take ch'aman Tatitun sinti jach'a munasiñapaw uqhamjja lurani.

Mateo 16:18

Nayasti saracsmawa, jumajj Pedrötawa, nayasti aca kaljjaruw iglesiajj sayt'ayasï, ucarusti janiraquiw jiwañan munañapas atipcaniti.

Gálatas 2:9

Ucatwa Santiagompi, Pedrompi, Juanampejj jilïrinacäsinjja uñjapjje Diosajj nayaru aca luräwi churquitu ucjja. Ucatsti ampara churapjjetu nayaru uqhamaraqui Bernabearu cuna. Acjja lurapjjänwa mayaquïctansa uca amtäwimpi, jan judiöpquis uca taypin nanacan irnakañajj-jja: “Waliquiw” sapjjaraquiwa, jupanacasti judionac taypin irnakapjjañaparaquïnwa.

Apocalipsis 3:12

Qhitinacatejj atipjapcani ucanacarojj nayajj Dios Awquejjan templopan catjjäsir perkanacapäcaspas uqhamwa tucuyä. Ucatsti janiraquiw mayampsa ucatjja mistcjjapjjaniti. Ucanacaruraquiw Diosajjan sutipsa kellkäjja, uqhamarac Diosajjan marcapan sutipsa, ucasti alajjpachat sarakaniri machak Jerusalenawa. Ucanacarusti machak sutejjsa kellkaraquïwa.

Rut 2:19

Noemí warmisti Rut warmirojj jisct'änwa: —¿Cawqhansa jichhürojj irnakta? ¿Cawqhataraqui walja cebada puyanac apthapinta? ¡Bendicitäpan cawquïri jaketejj uqham yanapctam ucajja! —sasa. Rut warmejj yatiyänwa taycch'iparojj cawquïri jakempitejj irnakcäna uca. Jupasti saraquïnwa: —Cawquïr jakempitejj irnakcta ucajja, Booz satawa —sasa.