1 Reyes 7:16 - Qullan Arunaca

¹⁶ Luraraquïnwa bronceta pä capitelenaca uca sayirinaca patjjaru uchañataqui. Sapa maya capitelesti altorojj pä metro pä tunca pheskani centimetronïnwa.

Aymar Bibliia 1986

¹⁶ Luraraquïnwa bronceta pä capitelenaca uca sayirinaca patjjaru uchañataqui. Sapa maya capitelesti altorojj pä metro pä tunca pheskani centimetronïnwa.

Qullan Arunaka DC

¹⁶ Ukatsti lirio panqarar uñtat broncet pä k'achacht'añ lurarakïna, uka sayirinak patxar uchañataki. Sapa maya k'achachañasti amsta tuqirux pä metro pä tunka phisqani centimetronïnwa.

1 Reyes 7:16 Jak'a apnaqawi uñst'ayäwi

1 Reyes 7:15

Bronceta umatatayasawa pä sayirinaca luräna, altorusti quimsakallko metronïnwa, morok'orusti pheska metro chicataniraquïnwa.

1 Reyes 7:17

Uqhamaraquiw luraraquïna c'anata pä rejillanaca, cadenanacar uñtata, uca sayirinaca patjjancqui uca capitelenacar uchañataqui; mä rejillasti mä capiteletaquïnwa.

Éxodo 36:38

Ucatsti luraraquïnwa pheska postenacjja ganchonacapampi, uqhamarac pheska broncet lurat planchanacapampi, ucatsti korimpiw poste amstjja anillonacapamppacharu lip'suyäna.

Éxodo 38:17

Poste lawanacan tacnokañanacapasti broncet luratänwa, postenacan ganchonacapasa anillonacapasa kollketaraqui; uqhamarac poste lawanacan amsta tokerusti kollkempi lip'suyataraquïnwa. Takpach pationa poste lawanacapasa, anillonacapasa kollketa luratcamaquïnwa.

Éxodo 38:19

Uca puncutaquisti lurapjjaraquïnwa pusi poste lawanaca, uqhamarac poste lawanacan tacnokañanacapasa broncet luratänwa, ganchonacapasa, anillonacapasa kollketaraqui; poste lawanacan amsta tokerusti kollkempi lip'suyataraquïnwa.

Éxodo 38:28

Uqhamarac cuna kollktejj israelitanacajj apthapipcäna ucanacatsti Bezaleel chachajj posten ganchonacapwa luräna, poste lawanacan amsta tokeparus lip'suyaraquïna, uca quipcarac anillonacapsa luraraquïna.

Jeremías 52:22

Sapa maya piläraraquiw p'eke tokerojj broncen apjjatatäna, uca broncesti niya pä metronjamänwa, uca muytatasti broncet lurata mä c'anaw utjaraquïna, ucasti granadas sat ucanacampi c'achachataraquïnwa. Uca paypacha pilaranacasti quipcaquiraquïnwa.