1 Reyes 7:15 - Qullan Arunaca

¹⁵ Bronceta umatatayasawa pä sayirinaca luräna, altorusti quimsakallko metronïnwa, morok'orusti pheska metro chicataniraquïnwa.

Aymar Bibliia 1986

¹⁵ Bronceta umatatayasawa pä sayirinaca luräna, altorusti quimsakallko metronïnwa, morok'orusti pheska metro chicataniraquïnwa.

Qullan Arunaka DC

¹⁵ Bronce umatatayasin pä sayirinak luräna, amsta tuqirux kimsaqallqu metroni, muytarusti phisqa metro chikatani.

1 Reyes 7:15 Jak'a apnaqawi uñst'ayäwi

1 Reyes 7:16

Luraraquïnwa bronceta pä capitelenaca uca sayirinaca patjjaru uchañataqui. Sapa maya capitelesti altorojj pä metro pä tunca pheskani centimetronïnwa.

1 Reyes 7:21

Hiram chachasti aca pä sayirinacjja templo puncuruwa uchäna. Ucatjja cunapachatï uchcäna ucqhasti, cupi tokenquir sayirïqui ucarusti Jaquín sasaw sutichäna, ch'eka tokenquir sayirirusti Boaz sasaraquiw suticharaquïna.

1 Reyes 7:41

Ucanacasti pä sayirinacänwa, uca patjjansti morok'o capiteles ucanacampi uchatänwa, uqhamarac paypach rejillanacaraqui capitelenacaru imjjatañataqui.

2 Reyes 25:13

Caldeo jakenacasti jisc'a jisc'wa tucjapjjäna templona bronceta lurata yänacajj utjcäna ucanaca: sayirinaca, tacnokañanacapa, uqhamarac uma uchaña jach'a pilaraqui, ucatsti take uca broncenacjja Babiloniaruwa apasjjapjjäna.

1 Crónicas 18:8

Uqhamaraquiw catuntasïna walja broncenaca, ucasti Tibhat, uqhamarac Cun sat uca marcanacatänwa, Hadad-ezer ucan marcanacapänwa. Uca broncempiwa Salomonajj lurayäna jach'a pila, sayirinaca, uqhamarac templopataqui bronceta lurata yänaca.

Jeremías 27:19

“Cunapachatejj Nabucodonosor reyejj Joacim jaken Jeconías yokaparu Judá oraken reyiparu apjjäna, ucatsti Babiloniaruw apanucüna Judá orakenquiri, uqhamaraqui Jerusalén marcan take jilïri jakenacaparu, ucapachasti janiw uca jach'a pilaranaca saycän ucjja apascänti, uqhamaraqui cawquïri jach'a pilatejj broncet lurata utjcaraquïna, ucsa cunanacatejj templon yänacajj utjcän ucanacsa janiw apascaraquïnti. Take ch'amani Tatitusti uca yänaca toketjja, cawquïrinacatejj Jerusalenansa Judá oraken reyipan palacionacapansa jilt'cän uca yänacatjja aqham siwa:

Jeremías 52:13

Ninampiw templo phichhantaraquïna, reyin palaciopsa, uqhamarac marcan take utanacsa, nayrakatjja jach'a jilïri jakenacan utanacapjja k'alwa naqhantayaraquïna.

Jeremías 52:17

Caldeonacasti k'alwa jisc'a jisc'a t'unjapjjaraquïnjja cunanacatejj templon utjcäna uca yänacjja: postenaca, pilaranaca, uqhamaraqui cuna jach'a pilatejj umataqui utjcän ucsa, ucat take uca broncenacsti Babiloniaruw apasipjjäna.

Jeremías 52:21

Uca paya jach'a pilaranacasti sapa maynejj amstarojj quimsakallko metronïnwa, pheska metro chicataniraquïnwa thururojja; mankhajja aleka phusaquïnwa, uca broncesti pakallko centímetro ucqha thururaquïnwa.

Ezequiel 40:49

Ucanquiri utasti anchorojj tunca metroniraqui, mankharusti sojjta metroraqui, ucarusti mä gradanjama maqhatañaraquïnwa, ucansti tunca gradanacaw utjaraquïna. Sapa pilarampi chicasti mä jach'a thuru pilaraw utjaraquïna.