1 Reyes 7:14 - Qullan Arunaca

¹⁴ jupasti Neftalí tributa mä ijma warmin yokapänwa, Tiro chekan utjasiriraqui jupasti bronceta suma luraña yatiri chachan yokaparaquïnwa. Hiram chachasti wali yatiñani ch'iqhïnwa, jupajj sum uñt'äna bronceta cuna lurañanacsa, ucatjja jupajj Salomón reyin nayrakataparu uñstasinjja, take lurañanacapwa luräna.

Aymar Bibliia 1986

¹⁴ jupasti Neftalí tributa mä ijma warmin yokapänwa, Tiro chekan utjasiriraqui jupasti bronceta suma luraña yatiri chachan yokaparaquïnwa. Hiram chachasti wali yatiñani ch'iqhïnwa, jupajj sum uñt'äna bronceta cuna lurañanacsa, ucatjja jupajj Salomón reyin nayrakataparu uñstasinjja, take lurañanacapwa luräna.

Qullan Arunaka DC

¹⁴ Hiram chachax Neftalí ayllunkir mä ijma warmin yuqapänwa, awkipasti Tiro markankirïnwa, jupasti bronce yänak suma lurañ yatïna. Hiram chachax wali yatiñan ch'ikhi jaqïnwa, jupax sum uñt'äna broncet kunayman yänak lurañanaksa; ukhamasti jupax Salomón reyin nayraqatapar uñstasinxa, taqi lurañanakap luräna.

1 Reyes 7:14 Jak'a apnaqawi uñst'ayäwi

2 Crónicas 2:14

Jupasti Dan tributa saraker warmin wawapawa, uqhamarac awquipajja Tironquiriraqui. Jupasti yatiwa luraña korita, kollketa, bronceta, hierrota, kalata, maderata, púrpura telata, uqhamarac wila morada telata, linot luratatsa, uqhamarac wila telatsa, uqhamaraquiw yatiraqui take casta figuranaca tallaña, uqhamaraquiw luraña yatiraqui cunayman amtäwinaca waquichaña, juman yatir chachanacamasa mayipcani ucanacataquisa.

2 Crónicas 2:6

Ucampis ¿qhitis mä templo lurayañar uchasispajja, alajjpachatejj jach'ätap laycujj jan catjjäsirjamäcchi ucajja? ¿Qhitïtsa nayajj mä templo lurayañataqui, jupar jach'achañataqui incienso naqhayañataquiquisa lurayirista ucasa?

2 Crónicas 4:11

Hiram chachasti ucjjarojj luraraquïnwa phuqhunaca, lampanaca, uqhamarac jach'a chatunaca, uqhamawa Salomonataqui lurañanacjja tucuyäna Diosan templopana.

2 Crónicas 4:16

ucjjarusti phuqhunaca, lampanaca, uqhamarac tenedoranaca. Hiram lurirejj Salomón reyitaqui take yänaca Tatitun templopataqui lurcäna ucanacasti, suma bronceta luratänwa.

Éxodo 28:3

Jumasti parlam yatiñani ch'iqhi, uqhamarac suma isinac lurir take jakenacampi, jupanacarusti nayawa churta yatiña, ch'iqhi cancaña suma isinaca Aaronatac lurapjjañapataqui, uqhamatwa Aaronajj nayaru suma loktasit sacerdotëjjanejja.

Éxodo 35:30

Moisesasti israelitanacarojj sänwa: “Uñjapjjam, Tatitusti Judá tributa Bezaleel sat chacharuw ajlli, jupasti Uri sat chachan yokapawa, uqhamarac Hur sat chachan allchhiparaqui.

Éxodo 35:31

Diosajj Ajayupampiw phokt'i yatiñanïñapataqui, suma amuyt'anïñapataqui take cunanac yatirïñapataqui, uqhamarac take cunanac lurirïñapataqui.

Éxodo 35:35

Ucat jupanacarusti take cunanac lurañ amuyumpiw phokt'i planonac lurañanacampi azul telaru, wila morado telaru, wila telaru, lino sat suma fino hilompi bordañanaca, uqhamarac yakha suma yänacampi lurañanaca.

Éxodo 36:1

Uqhamasti Bezaleel, Aholiab sat chachanacaru, uqhamarac take suma amuyt'an chachanacaruw Tatitojj take casta luraña yatiñanaca, amuyunaca churi, uqhamata Tatitumpi Jiquisiñ Kollana sat chekataqui cunanacatejj munasqui ucanaca lurapjjañapataqui, cunjämtejj Tatitojj siscäna uqhamarjama.”

Éxodo 36:8

Qhitinacatejj mayninacat sipansa juc'ampi suma lurañanac yatipcäna ucanacajja Tatitumpi Jiquisiñ Carpwa lurapjjäna. Jupanacasti lurapjjänwa tunca cortinanaca lino sat hilota azul tela, wila morado tela, wila tela, ucatsti ucanacaruw bordapjjäna pä angelanaca.

Isaías 28:26

Diosaw juparojj yatichi cunjäma lurañapäquitejj ucjja.