1 Reyes 6:5 - Qullan Arunaca

⁵ Temploru muytqui uca perkarojja utanacwa lurayäna, chicachica utaru muytata, uqhamarac patäjja utarusa, ucatsti lurayaraquïnwa uca muytarojja jisc'a utanacaraqui.

Aymar Bibliia 1986

⁵ Temploru muytqui uca perkarojja utanacwa lurayäna, chicachica utaru muytata, uqhamarac patäjja utarusa, ucatsti lurayaraquïnwa uca muytarojja jisc'a utanacaraqui.

Qullan Arunaka DC

⁵ Ukatsti utanak lurayäna, utar muytki uka pirqa jak'aru, chikachika utaru muytata, ukhamarak patäxa utarusa, ukatsti uka muytarux jisk'a utanak lurayarakïna.

1 Reyes 6:5 Jak'a apnaqawi uñst'ayäwi

1 Reyes 6:16

Templo mantañ uñcatasirojja wact'ayänwa Kollana Lugaräñapataqui llätunca metroni, ucarusti amstata aynachcamajja cedro tablanacampiw ucharaquïna.

1 Reyes 6:31

Kollana Chekaru mantañ puncunacsti olivo maderatwa lurayäna, ucatsti umbralampi postenacampejja pheska esquinanïnwa.

1 Reyes 6:6

Aynacha utasti anchorojja pä metro pä tunca pheskani centimetronïnwa. Chicachicanquir utasti pä metro pakallk tunca centimetronïnwa, patäjja utasti quimsa metro tunca pheskani centimetroni; ankäjjatjja templon medidanacapajja menost'ayatäjjänwa, jan viganaca templo perkaru uchañataqui.

1 Crónicas 23:28

ucatsti jupanacajj jaysapjjañanacapänwa Aarón chachat jutir sacerdote wawanacaparu, templona sirviñanacana, uta ankäjjanacansa, utanacansa, kollan yänaca k'omachañansa, uqhamarac templona yakha lurañanacana uchasipjjañapataqui.

1 Crónicas 28:11

Ucatsti Davidajj Salomón yokaparojj plano churäna, templon puncupata, utanacapata, imaña utanacata, utanacapata, patäjja utanacapatsa, mankhëjja utanacapatsa, uqhamarac Sinti Kollana utatsa.

1 Crónicas 9:26

Levita castata pusi jilïri puncu uñjirinacasti jan sarakasaw uñjapjjerïna, utanaca sum uñjasa, uqhamarac Diosan utapancqui uca suma yänaca imatanacäqui ucanacsa sum uñjasaraqui.

2 Crónicas 31:11

Uqhamätapatsti, Ezequiasajj imaña utanacwa Tatitun templopana lurayäna. Tucuyatäjjepansti,

2 Crónicas 4:20

Korit lurat candelabronaca lamparanacapamppacha, ucasti kollanansa Kollanapa Cheka nayrakatancänwa, cunjämatejj satäcäna uqhamar nactayañataqui;

2 Crónicas 5:7

Ucatjja sacerdotenacajja Tatitun arust'äwiru mantat arcapjja apjjapjjänwa, templo mankhëjjaru, kollanansa Kollanapa Chekaru, chhekhaninaca mankharu.

2 Crónicas 5:9

Uca lawa callañanacapasti wali jach'anacänwa, puntanacapasti Kollana Chekatpachwa uñstäna, kollanansa Kollanapa Chekar nayräjjata, ankäjjatjja janis uñstcchïna ucasa; uqhamawa kheparawayi jichhürcama.

Nehemías 10:37

Uqhamaraquiw amtasipjjaracta apañataqui Diosasan templopan pirwanacaparu sacerdotenacaru churañataqui, sumïri jac'unacata, take kokanacan achunacapata, nayrïri vinota, uqhamarac aceitetsa. Ucatsti levitanacan ucaru apaña cosechanacasata tuncat mayïrïqui uca, jupanacawa catokerïpjjejja take yapunacasata tuncat mayïrïqui ucjja.

Nehemías 12:44

Qhaya urunacataquisti utt'ayasipjjänwa cawquïr chachanacatejj uñjapjjañapäqui kollke imaña pirwanaca, ofrendanaca, nayrïri achunaca, uqhamarac diezmonaca uchañanacaraqui, ucarcama jupanacajj imapjjañapataqui, leyir phokhasa cunanacatejj sapa marcan orakenacapata purincäna sacerdotenacataqui, uqhamarac levitanacataqui ucanaca; Judänquir jakenacasti cusisitäpjjänwa sirvipcäna uca sacerdotenacampi uqhamarac levitanacampisa uca laycu.

Salmos 28:2

Yanap mayiscsma ucapachajj arnakasitajjarojj ist'aquimaya, amparanacajj kollan utam uñcatat aytancta ucapachajj jaysaquitaya.

Éxodo 25:22

Ucanwa jumampejj jiquisiñäni. Nayajja suma arust'äwi arca patjjancqui uca pä querubines sat angelanac taypitwa israelitanacataquejj arunacajja churanïma.

Cantar de los cantares 1:4

¡Janc'aqui jumamp chica irpita! ¡Oh, rey, utamar irpita! Jumampejj wali cusisitäñäniwa; munasiñamatsti vinot sipansa juc'ampwa amtasiñäni. ¡Ucatpï warminacajj munapjjaractamjja!

Jeremías 35:2

“Recabita jakenacan ucaru saram ucatsti jupanacampi parlaraquim. Templon utjquis ucanacat mä utaru irpantaraquim take jupanacaru, ucansti vino umarayaraquim” sasa.

Jeremías 35:4

Ucatsti temploruw jupanacarojj irparacta, Hanán sat jaken yokanacapan utaparuw irpantta, uca Hanán jakesti Igdalías sat jaken yokaparaquiwa, cawquïritejj Diosaru wali catuyataraqui. Uca utasti, templon jilïripäquis ucanacan utap jac'ancänwa, Salum jaken Maasías sat yokapan utap patana, qhititejj templo uñjiricän uca.

Ezequiel 40:17

Ucatsti uca jakejj ankäjja uta mantañaruw irparaquitu. Uca ankäjja uta mantañasti kalanacampi suc'sutänwa, quimsa tunca utanacaw ucaru muytata utjaraquïna.

Ezequiel 40:44

Mankha tokenquir uta ankäjjata, mankha tokenquir puncunacatsti yakhajja, pä utanacaw utjaraquïna, mayajja amsta tokenquiri mankha puncunsti aynach toker uñtata, mayasti aynach tokenquiri mankha tokenquir puncumpi chica, amsta toke uñtataraqui.

Ezequiel 41:4

Ucat uca mankhanquiri uta tupt'araqui, ucasti take tokerusa tunca metroncamänwa. Ucat nayarojj saraquitu: “Aca chekajj sinti kollanawa” sasa.

Levítico 16:2

Ucat Tatitojj Moisesarojj aqham saraquïnwa: “Aarón jilamarojj saraquim, jan cuna horasasa mantacpati cawquïri kollan chekantejj velo khepäjjan utjqui uca chekarojja, uqhamaraqui cawquïri tapatejj arca khophitäqui juchat pampachatäñataqui uca nayrakatarusa, jan jiwarapjjañapataqui; nayasti mä kenayanwa uñstaraquï uca juchat pampachatäñäqui uca tapa patjjana.

Números 7:89

Cunapachatï Moisesajj mantcäna Tatitumpi Jiquisiñ Carparu, Tatitumpi parlañataqui, ist'änwa Tatitu Diosan juparu parlascatapa, suma Arust'äwiru Mantañ Arca imañ patata, uca pä chhekhan angelanac taypita.