1 Reyes 5:9 - Qullan Arunaca

⁹ Sirvirinacajjasti Líbano ucatjja kotacamawa apakanipjjani, ucqhatsti balsar uñtat apayanëjja cawqhacamatejj apañajja muncäta ucqhacama. Ucatjja uca balsanaca jararasinjja, jumajj maderanacjja apthapisjjätawa. Jumasti phokharaquïtawa nayan mayitajjaru, ucatsti mank'añanacwa churitäta familiajjataqui” sasa.

Aymar Bibliia 1986

⁹ Sirvirinacajjasti Líbano ucatjja kotacamawa apakanipjjani, ucqhatsti balsar uñtat apayanëjja cawqhacamatejj apañajja muncäta ucqhacama. Ucatjja uca balsanaca jararasinjja, jumajj maderanacjja apthapisjjätawa. Jumasti phokharaquïtawa nayan mayitajjaru, ucatsti mank'añanacwa churitäta familiajjataqui” sasa.

Qullan Arunaka DC

⁹ 9 (23) Yanapirinakaxaw Líbano qullut qutakam apaqanini, uka chiqatsti yampunakar uñtat ñach'antat apayanïma, kawkhakamatix apañaxa munkäta ukkhakama. Ukawjan uka yampunak jaratatasin lawanak aptasxäta. Jumasti uka lantix, manq'añanak utaxankirinakatak churitäta” sasa.

1 Reyes 5:9 Jak'a apnaqawi uñst'ayäwi

1 Reyes 3:12

Nayajj phokhäwa cuntï mayquista ucjja. Nayajj chursmawa yatiñ cancaña, ch'iqhi cancaña, uqhamjja jumat nayrjja janiw qhitis yatiñanïcänti, ni jumjjarusa yatiñanïcaniti.

1 Reyes 4:20

Judá uqhamarac Israel ucan jakenacapajja jan jact'cayänwa, cunjämatï kota lacana walja ch'allajj utjquejja uqhama. Jilarquiriw utjäna mank'añasa, umañasa, ucatsti cusisiñawa jilancäna.

1 Reyes 5:10

Ucatjja Hiram sat reyejja Salomonarojj churänwa cuntejj muncäna uca maderanaca, cedro, pino ucanaca.

1 Reyes 5:8

Ucatsti Hiram reyejj Salomonarojj yatiyayjjänwa: “Apayanquista uca arunacjja catoktwa, ucatsti mayitamarojja phokhämawa cedro, pino uca maderanaca churasina.

1 Reyes 9:27

Hiram reyisti uca barconacarojj qhitänwa oficialanacaparu, kota toketa sum yatir jakenaca, uqhamarac kotsa suma uñt'irinaca Salomonan oficialanacapamp chica.

2 Crónicas 1:15

Reyejj Jerusalenanjja utjayänwa walja kollkenaca, uqhamarac korinaca kalanacar uñtata; ucatsti utjayaraquïnwa walja cedro lawanaca, cunjämatï higo alinacajj pampana utjquejja uqhama.

2 Crónicas 2:16

Uccañcamasti nanacajj Líbano kollunjja maderanacjja qhuchhusipcäwa, kawktï jumajj muncäta ucqha, ucatsti nanacajj aparapipjjaraquïmawa balsanacata jach'a kotanjama, Jope marcacama. Ucqhatsti jumaw apayasjjäta Jerusalén marcacama” sasa.

2 Crónicas 9:22

Salomón reyisti aca orakenquir take reyinacarojja atipänwa kamir cancañana, uqhamarac yatiñ cancañansa.

Esdras 3:7

Ucatsti uta luririnacaru, carpinteronacarojja kollkwa churapjjäna, uqhamarac Tiro marcanquirinacarusa, Sidón marcanquirinacarusa mank'aña, umaña, aceite, jupanacajj Líbano kollutjja cedro madera apapjjañapataqui kotanjama Jope chekacama, cunjämatï Persia marcanquir Ciro reyejj arup churcäna uqhamaru.

Job 32:8

Mä toketsti take jakew amuyt'anejja, take ch'amani Diosasti takeniruw amuyt'a churaraquejja.

Eclesiastés 1:16

Ucatsti nayajj chuymajjanjja sistwa: “Acajj nayajj jach'aruw tucta, uqhamarac qhitinacatejj Jerusalén marcana nayat nayra reyïpcäna ucanacat sipansa, juc'amp yatiñaniraquïtwa; ucatsti takew catuyasiracta juc'amp yatiñanïñataqui, uñt'irïñataquisa, uqhamarac pisi amuyt'anïñataqui, ucatsti pisi amuyt'anjama parlañataqui, take ucanacasti amuyatajjatjja thayarusa catthapï siscsna uqhamaquiwa” sasa.

Ezequiel 27:17

Judá marcasa, Israel marcasa jumampejj alaquipjja luraraquiquïnwa, ucatsti Minit sisqui uca chekan pokori trigompiw pagapjjaraquïyätamjja, uqhamaraqui pastelanaca, misq'i, aceite, bálsamo sisqui ucanacamp cuna.

Hechos 12:20

Rey Herodesasti wali coleratänwa Tironquirinacataqui, uqhamaraqui Sidonanquirinacataquisa, ucampis jupanacajj mä amtañaniquiw reyin uc jutapjjäna. Jupanacasti Herodesan orakenacapan achquis ucanacampiw jacapjjäna. Janïra Herodesampi jiquiscasajja Blasto chachar sumachasinwa jupa tok sumancañ mayipjjäna. Blastosti rey Herodesan utapanjja mä jilïrïnwa.

Deuteronomio 3:25

Jumaruwa achict'asma nayan maqhatañajjataqui qhursa Jordán jawira tokeru, nayasti uñjañ munta qhä suma orake, uqhamarac qhä suma kollunacsa, Líbano sat oraksa’ sasa.