1 Reyes 5:8 - Qullan Arunaca

⁸ Ucatsti Hiram reyejj Salomonarojj yatiyayjjänwa: “Apayanquista uca arunacjja catoktwa, ucatsti mayitamarojja phokhämawa cedro, pino uca maderanaca churasina.

Aymar Bibliia 1986

⁸ Ucatsti Hiram reyejj Salomonarojj yatiyayjjänwa: “Apayanquista uca arunacjja catoktwa, ucatsti mayitamarojja phokhämawa cedro, pino uca maderanaca churasina.

Qullan Arunaka DC

⁸ 8 (22) Ukatsti Hiram reyix Salomonar yatiyxarakïnwa akham sasa: “Iwxankista uka arunak katuqtwa, mayitamarusti phuqhämawa, nayaw cedro lawanaka, pino lawanak churäma.

1 Reyes 5:8 Jak'a apnaqawi uñst'ayäwi

2 Samuel 6:5

Ucañcamasti Davidampi take israelitanacampisti, Diosan nayräjjapa sarapjjaraquïna, take ch'amanacapampi k'ocht'asisa, uqhamarac thokt'asisa, arpanacajj toct'apcäna ucarjama, salterionaca, panderonaca, castañuelas, uqhamarac platillos sata ucanacat toct'asisa.

1 Reyes 5:7

Cunapachatï Hiram reyejj Salomonan arunacapa ist'äna ucqhajja, wali cusisitaw jicjjatasïna, ucatsti arsünwa: “¡Bendicitäpan jichhürojj Tatitojja, Davidaru wali yatiñan mä wawa churatapata, uca jach'a marca apnakañapataqui uca laycu!” sasa.

1 Reyes 5:9

Sirvirinacajjasti Líbano ucatjja kotacamawa apakanipjjani, ucqhatsti balsar uñtat apayanëjja cawqhacamatejj apañajja muncäta ucqhacama. Ucatjja uca balsanaca jararasinjja, jumajj maderanacjja apthapisjjätawa. Jumasti phokharaquïtawa nayan mayitajjaru, ucatsti mank'añanacwa churitäta familiajjataqui” sasa.

1 Reyes 6:15

Templon mankhëjja perkanacapjja cedro tablanacampiwa uchäna. Amstata aynachcamawa tablanacampi uchäna, uqhamarac pisorusa pino tablanacampi ucharaquïna.

1 Reyes 6:34

Paypach puncunacasti pino maderata luratänwa, paypach puncunacaraquiw muyjtirïpjjäna.

2 Crónicas 2:16

Uccañcamasti nanacajj Líbano kollunjja maderanacjja qhuchhusipcäwa, kawktï jumajj muncäta ucqha, ucatsti nanacajj aparapipjjaraquïmawa balsanacata jach'a kotanjama, Jope marcacama. Ucqhatsti jumaw apayasjjäta Jerusalén marcacama” sasa.

2 Crónicas 3:5

ucatsti pachpa templo mankhjja pinot lurata tablanacampiw apaquipäna, ucatsti suma korimpiraquiw ucar lip'suyaraquïna, ucatsti palmeranacampi, cadenanacampiraquiw suma c'achacht'araquïna.