1 Reyes 5:1 - Qullan Arunaca

¹ Tironquiri Hiram reyejj cunapachatï yatïna Salomonaru reyit utt'ayapjjatapa, David awquipa lanti ucqhajja, yatiyirinacapwa qhitäna Salomonan ucaru, Hiram reyejj Davidarojj munapunïnwa uca laycu.

Aymar Bibliia 1986

¹ Tironquiri Hiram reyejj cunapachatï yatïna Salomonaru reyit utt'ayapjjatapa, David awquipa lanti ucqhajja, yatiyirinacapwa qhitäna Salomonan ucaru, Hiram reyejj Davidarojj munapunïnwa uca laycu.

Qullan Arunaka DC

¹ 1 (15) Tironkir Hiram sat reyix, Salomonar David awkip lanti reyit utt'ayapxatap yatisinxa, yatiyirinakap Salomonan ukar khithäna, Hiram reyix munasiñ chuymampipuniw Davidar uñjirïtayna.

1 Reyes 5:1 Jak'a apnaqawi uñst'ayäwi

Génesis 15:18

Uca pachpa ururaquiw Tatitojj Abramampejj mä amtäwiru mantäna, saraquïnwa: —Aca orakjja wawanacamaruw churä, Egipto jawirata, Eufrates sata jach'a jawircama.

2 Samuel 5:11

Ucatwa Tiro marcan Hiram reyipajj, Davidan ucarojj mayni qhitanacwa qhitaniraquïna; carpinteronacampi, kala ch'iyiri jakenacampi, ucanacasti cedro maderanac apt'ataw jutapjjaraquïna, jupanacasti David reyin palaciopwa utachapjjaraquïna.

2 Samuel 8:10

Joram yokaparuw qhitanïna, kollketa, korita, bronceta yänac apt'ata, rey Davidaru aruntañapataqui uqhamaraqui walicpun atipjtajj sañapataqui Hadad-ezer sat reyerojja, cunjämtejj Toi reyejj jupampejj guerrancaraquitaynawa.

1 Reyes 10:25

Ucatsti jupataquejj takeniwa mä wajjt'äwi sapa mara aparapipjjerïna: kollketa, korita yänaca, isinaca, armanaca, k'apquir kollanaca, caballonaca, uqhamarac mulanaca.

1 Reyes 5:10

Ucatjja Hiram sat reyejja Salomonarojj churänwa cuntejj muncäna uca maderanaca, cedro, pino ucanaca.

1 Reyes 5:13

Salomón reyisti mä leyi mistuyäna, ucasti jakenaca apthapïna lurapjjañapataqui take Israel marcpachata, uca jakenaca apthapiñansti quimsa tunca waranka chachanacawa tantasipjjäna,

1 Crónicas 14:1

Tiro ucanquiri Hiram sat reyejja Davidan ucarojja qhithanacwa qhithäna, uqhamarac albañilanaca, carpinteronaca, jupanacasti cedro madera apapjjäna palacio lurañataqui.

2 Crónicas 17:11

Jan ucasti filisteonacata yakhep jakenacajj Josafat reyitaquejja churäwinacwa apanipjjäna, uqhamarac kollke impuesto pagañataqui, ucatsti árabe jakenacajj apapjjaraquïnwa pakallk waranka pakallk patacani ovejanaca, cabritonacatjja yakha ucqharaqui.

2 Crónicas 2:3

Ucatsti Salomonajj Tironquir Hiram reyirojj yatiyänwa qhitanacap tokejja, aqham sasa: “Jumajj cunjämtï David awquejjampejja lurcäyätajja uqhama luraraquim, jumajj awquejjarojj cedro madera apayanïyätajja, reyi utap lurayascän ucapachajja.

2 Crónicas 9:26

Ucatsti Salomonajj wali munañani reyïnwa, take reyinacat sipana, Eufrates jawirata kalltasina, filisteonacana orakepcama, uqhamarac Egipto korpacamaraqui.

Esdras 4:20

Ucatsti yatisiraquiwa Jerusalenana ch'amani reyinaca utjatapa; jupanacajj Eufrates sat jawirata inti jalanta token provincianacaru apnakatapa, ucatsti uca reyinacarojj pagapjjänwa impuestonaca, uqhamarac cuna churañanacapatejj wact'cäna ucanac churasa.

Salmos 45:12

Tiro marcanquir reyin phuchapa, kamir marcanacajj churäwinacampiw suma chuymam jicjjatañ munapjje.

Salmos 72:8

Maysa lamar kotat maysa lamar kotcam apnakpan, Eufrates jawirat kalltasa, aca orak tucuscama.

Salmos 80:12

¿Cunatarac muyuntat perkanacap tincunucuytasti? ¿Cunatarac thac saririnacamp uva alinac jiq'iraytasti?

Éxodo 34:24

Nayasti jumanacan nayrakatanacamatsti yakha marcanacjja alisnucüwa, uqhamatwa jumanacan orakenacama yapjjatas jach'aptayäjja. Ucampis janiw qhitisa orakenacamjja catuscaniti cunapachatejj Tatitu Diosamaru maran quimsa cuti uñstir sarcäta ucqhajja.

Isaías 23:1

Tiro marca toke profecía arunaca. Tarsisanquir barconaca, aykopjjam, puertonacan t'unjatätap laycu. Chipret puriniña puertosti k'ala t'unjatawa.

Ezequiel 19:11

Layminacapasti wali thurunacaw jilantjjäna, reyinacan thujruparaquiw tucuraqui, uqham jilatapampisti kenayanaccamaw puriraqui. Wali jach'aw tucüna, laphinacapas waliraquiw jilantäna jayat uñtcayaw tucüna.

Amós 1:9

Aqham siw Tatitojja: “Tiro marcanquir jakenacajj wali ñankhanacpuni lurapjje, ucasti janiw jan mutuyatäpcaspati; mä marcpacharu esclavot Edom marcaru aljantapjjatapata, cawquïr marcanacampitejj jilapurjam jacañatac arust'äwejj utjcäna ucaru jan phokhasa.

Números 24:7

Israelasti walja umaniraquïniwa umt'añataqui, uqhamarac yapunacap carpañataquisa. Reyipasa Agag reyirojj atipjaraquiniwa. Jach'a ch'amampiw apnakaraquini.

Lucas 7:5

jupajj marcasar muniriwa, jupa quicparaquiw jiwasan sinagogasa lurayaraqui —sasa.

Deuteronomio 20:11

ucatsti uca marcanquir jakenacatejj sumancaña munapjjani, marcarusa mantayapjjaraquïtam ucapachasti jupanacarojj wali ch'ama irnakañanac lurayasaw sirviyasipjjäta.

1 Samuel 10:27

Ucampisa utjaraquïnwa jan wali parliri jakenacajja, aqham sasaw sapjjaraquïna: “¿Acat khespiyistaspasti?” sasa. Ucat jisc'achapjjaraquïnwa, janiraquiw cunjämatejj mä reyir suma uñjañajj waquisqui uqhamar uñjapcänti; ucampisa Saúl waynajj jan uñjiriw tucuraquïna.