1 Reyes 4:25 - Qullan Arunaca

²⁵ Salomón reyejj jaccäna ucqhajja Judá, Israel jakenacajja, Dan ucata Beerseba ucqhacamajja samarataquiw jacapjjäna uva alinac thiyana, uqhamarac higo alinac thiyana.

Aymar Bibliia 1986

²⁵ Salomón reyejj jaccäna ucqhajja Judá, Israel jakenacajja, Dan ucata Beerseba ucqhacamajja samarataquiw jacapjjäna uva alinac thiyana, uqhamarac higo alinac thiyana.

Qullan Arunaka DC

²⁵ 25 (5) Salomón reyin jakañapkamax Judá markankir jaqinakampi, Israel markankir jaqinakampix sumakiw jakasipxäna, Dan uraqit qalltasina Beerseba uraqkama. Jupanakax uva yapunaka, higo yapunak yapuchasipxäna.

1 Reyes 4:25 Jak'a apnaqawi uñst'ayäwi

2 Samuel 17:11

Jichhasti nayajj amuyt'ayirismawa take israelitanacajj tantacht'asipjjpan jumampi Dan sisqui uca chekata Beerseba sisqui uca chekacama; uca jakenacasti kota irananquiri ch'allar uñtasitawa jan jact'cayaraqui, ucatsti juma quipca nuwasiñanjja jupanacaru sarayañama.

2 Samuel 24:15

Uqhamasti Tatitojj mä jach'a usu apayanïna take Israel marcaru, ucärmanthi alwat kalltasina, cunürutejj tucusiñapäcäna ucacama, uqhamasti Dan sisqui uca marcata, Beerseba marcacamasti pakallko tunca waranka jakenacaw jiwarapjjaraquitaynajja.

2 Reyes 18:31

Ucampis jumanacajj jan jupar ist'apjjamti. Asirianquiri reyejj qhitanituwa jumanacaru yatiyañajjataqui: ‘Jumanacajj nayampi sumaru mantañäni, ucatsti nayar jumanacajj catuyasjjapjjam, ucatjja jumanacajj sapa mayniwa uva yapumata mank'asisipcäta, uqhamarac higo yapumatsa, phuch'umatsa umsa umasisipcaraquïta.’

1 Crónicas 22:9

Ucampis jumajj mä yokall wawanïyätawa, jupasti suman jaquirïniwa; ucjjarusti nayaraquiw uñisirinacaparojj suma chuyma churaraquï, wact'ayaraquï take chekansa samarata sarnakayañapataqui. Ucatwa sutipajj Salomón satäni. Horasaparuwa Israel marcarojj samaraña, sumancaña churaraquï.

Isaías 36:16

jan juparojj ist'apjjamti. Asirianquir reyejj qhitanipjjetuwa, jumanacajj jupampi sumar mantapjjañamataqui. Catuyasjjapjjam, ucatsti sapa maynis uva yapupatjja mank'asiscaniwa, higo yapupatsa uqhamaraqui, sapa mayniraquiw pachpa uma phuch'upat umasiscani.

Isaías 60:18

Orakemansti janipuniw ch'ajjwañanacajj mayampis ist'ascjjaniti, uqhamaraqui orakemansa janiw t'unjatäñajj, aynacht'añas utjcjjaniti, jan ucasti perkanacamarojj: ‘Khespiyasiña’ sasaw sutichäta, puncunacamarusti: ‘Yupaychaña’ sasaraqui.

Ezequiel 38:11

Ucatsti saraquïtawa: ‘Mä pisi ch'ama marcar nuwjiriw sarä, cawqhantejj jakenacapajj c'uchiqui uqhamaraqui samarata jacasisipqui, take cawquïri marcanacatejj jan perkanacampi muyuntayatäqui, puncunacanïcaraquisa, trancanacapas utjcaraquiti ucanacaruw nuwjä.’

Ezequiel 39:26

Nayaw jupanacarojj wasitat yakha marcanacat tantachthapjjaraquëjja, uqhamaraqui uñisirinacan marcapäqui ucanacatsa; ucapachaw pachpa orakenacapan c'uchiqui jacasjjapjjani, janiraquiw qhitis jupanacarojj sustjcaniti. Uqhamatwa nayajj k'oma cancañajj uñacht'ayaraquëjja, walja marcanacaw ucjja uñjapjjaraquini. Israelitanacasti t'akhesipjjaraquiniwa jupanacar jisc'achañampi uñjatäpjjatapjja, nayar jan take chuyma arcapjjatap laycu.

Miqueas 4:4

Ucapachasti takenis jan ajjsarasaw jacasipjjani, sapa mayniraquiw samart'asiraquini uva, uqhamarac higo alin ch'iwipana. ¡Aca arunacasti take ch'amani Diosan quipca arunacapawa!

Zacarías 3:10

Cunapachatï uca urojj purinjjani ucapachajj jumanacajj maynit maynicamaw suman kamart'añataqui jawsayasipjjäta uva alinacan higo kokanacan ch'iwipana. Naya take ch'aman Tatituw arstjja.’ ”

Jueces 20:1

Ucatsti take israelitanacajj Dan, Beerseba, Galaad sat chekanquirinacajj mayaquiw tantacht'asipjjäna Mizpa sat chekana Diosan nayrakatapana.

1 Samuel 3:20

Israelita jakenacasti takeniraquiw Dan sat ucata Beerseba sisqui ucacama yatipjjäna Samuelojj chekpachansa Tatitun profetapätapa.