1 Reyes 4:21 - Qullan Arunaca

²¹ Salomón reyiw take marcanacjjaru apnakäna Eufrates sat uca jawirata filisteonacana orakepcama, uqhamarac Egipto korpacama. Jupanacasti impuestonacwa pagapjjäna, ucatsti Salomón reyiruwa jaysapjjäna jupan jacañapcama.

Aymar Bibliia 1986

²¹ Salomón reyiw take marcanacjjaru apnakäna Eufrates sat uca jawirata filisteonacana orakepcama, uqhamarac Egipto korpacama. Jupanacasti impuestonacwa pagapjjäna, ucatsti Salomón reyiruwa jaysapjjäna jupan jacañapcama.

Qullan Arunaka DC

²¹ 21 (22) Salomón reyix taqpach markanak apnaqäna, Éufrates jawirata, filisteonakan uraqipkama, Egipto uraqimpi qurpäki ukkhakama. Salomón reyin jakañapkamasti, taqi uka markanakax qullqi juparux churapxäna, juparurakiw jaysapxäna.

1 Reyes 4:21 Jak'a apnaqawi uñst'ayäwi

Génesis 15:18

Uca pachpa ururaquiw Tatitojj Abramampejj mä amtäwiru mantäna, saraquïnwa: —Aca orakjja wawanacamaruw churä, Egipto jawirata, Eufrates sata jach'a jawircama.

2 Samuel 8:2

Moabita jakenacarusti atipjaraquïnwa, jupanacarusti orakeruw liwirtayaraquïna, uqhamat mä ch'anqhampi tupt'asa. Qhitinacatejj pä ch'anqha taypincapcäna ucanacarusti jiwarayatäñataqui juchañchatäpjjänwa, cawquirinacatejj mä ch'anqha taypincapcäna ucanacasti perdonatäpjjaraquïnwa. Uqhamaw moabita jakenacajj Davidan apnakatäpjjäna, impuestonacsa pagapjjaraquïna.

2 Samuel 8:6

Ucatsti Davidajj janc'aquiw Damasco marcarojj guardianaca uscuraquïnjja Siria tokena, sirio jakenacasti Davidan apnakataw uñjasipjjäna, uqhamaraqui impuestonacsa pagapjjaraquïna. Uqhamaw Tatitojj Davidarojj atipjañ churäna, cawqharutejj sarcäna uca chekanacanjja.

1 Reyes 12:4

—Juman awquimasti nanacampejja wali khorünwa; jichhasti jumajj uca ch'ama sirviñatjja mä juc'a apakt'apjjeta, uqhamarac jupajj wali t'akhesiñampi lurañanaca phokhañanaca churapquitu ucsa, ucatsti nanacajj sirvisipcämawa —sasa.

1 Reyes 3:13

Uqhamaraquiw churaracsma kamir cancañanaca, uqhamarac jach'a cancaña, ucanacsti janiw jumajj mayquistati, jumjama yakha reyejja take jacañamanjja janiw utjcaniti.

1 Reyes 4:22

Salomón reyin sapüru mank'aña waquichayañapanjja sojjta waranka sojjta patacani kilo sumïri jac'u, uqhamarac tunca quimsani waranka pä patacani kilo jac'u,

1 Reyes 4:24

Salomonasti apnakänwa Eufrates ucata inti jalsu toke orakenaca, Tifsa ucata Gaza chekacama, uqhamarac uca orakenquir reyinacarusa, ucatsti sumancañwa utjayaraquïna uca muytpacha orakenacaru.

2 Reyes 17:3

Ucatjja Oseas reyirojj Asirianquir Salmanasar sat reyiw jutasina nuwantäna; Oseasasti jupar jaysasajj impuestonacwa jupar pagäna.

2 Crónicas 17:5

Ucatwa Tatitojj sum utt'ayäna marcapa jupan apnakañapataqui. Juparusti take Judá orakenquiri jakenacawa wajjt'äwinaca churapjjäna, uqhamatsti wali kamir cancañanïnwa, uqhamarac jach'achataraquïnwa.

2 Crónicas 32:23

Ucatjja waljaniwa Jerusalenaru Tatitutaqui ofrenda apapjjäna, uqhamarac wali jila alani churäwinacsa apapjjäna Judá oraken Ezequías reyitaquisa. Ucqhat qhuysarusti jupan jach'a cancañapajja juc'ampiwa jiljjatäna yakha marcanacan nayrakatapana.

Esdras 4:20

Ucatsti yatisiraquiwa Jerusalenana ch'amani reyinaca utjatapa; jupanacajj Eufrates sat jawirata inti jalanta token provincianacaru apnakatapa, ucatsti uca reyinacarojj pagapjjänwa impuestonaca, uqhamarac cuna churañanacapatejj wact'cäna ucanac churasa.

Salmos 68:29

Jerusalenanquir utamaruw reyinacajj churäwinac apanipjje, ucawjatpachay jumajj,

Salmos 76:11

Tatitutac arsupjjam, phokhapjjaraquim, jupan jakenacapa, ajjsarcañ Diosar loktäwinac churapjjam.

Éxodo 23:31

Catuscäta uca orakeman korpapajja aqhamäniwa: Mar Rojo sat kotata filisteonacan Mar Mediterráneo sat jach'a kotapcama, ucqhatsti Arabia ucsa wasarata Eufrates sat jawircama. Ucampis nayajja amparamaruw catuysma uca orakenacan jaquir jakenacarojja jumawa ucatjja alisnucütajja jan jac'amancapjjañapataqui.

Eclesiastés 2:25

Jan jupäspa ucasti, ¿qhitirac mank'aspa, cusisiraquispasti?

Lamentaciones 1:1

¡Walja jakenacani marcajj cunja sapaquis uñjasjje! Marcanacan jilïripa marcajja mä ijma warmir uñtataquëjjewa. Ch'ama irnacañanacampi t'akhesiyataw jichhajj uñjasi, uñtcañ suma marcajja.

Ezequiel 16:13

Korita, kollket lurat yänacampi c'achachquipataw uñjasjjäyäta; isinacamas linot lurataraquïnwa, wali suma sawuta suma color telanacat lurataraqui. Suma t'ant'a, misq'i, olivot apsut aceite mank'araquïyätajja. Sinti muncaña mä reinar uñtataw tucuraquïyätajja.

Deuteronomio 11:24

Cawqharutï jumanacan cayunacamajj tact'ani ucanacajj jumanacancaniwa. Orakenacaman korpasïwinacapajj lokatatasiniw wasara chekata Líbano sat chekacama; ucatsti Eufrates sat jawirata Mar Mediterráneo sat jach'a kotacama.

Josué 1:4

Nayasti orakjja churapjjämawa wasara lugaratpacha, uqhamaraqui Líbano kollunaca, jach'a Eufrates sat jawircama, uqhamaraquiw churapjjäma hitita jakenacan take orakenacapa, intis jalantqui ucsa Mediterráneo sat jach'a kotcama.

1 Samuel 10:27

Ucampisa utjaraquïnwa jan wali parliri jakenacajja, aqham sasaw sapjjaraquïna: “¿Acat khespiyistaspasti?” sasa. Ucat jisc'achapjjaraquïnwa, janiraquiw cunjämatejj mä reyir suma uñjañajj waquisqui uqhamar uñjapcänti; ucampisa Saúl waynajj jan uñjiriw tucuraquïna.