1 Reyes 3:3 - Qullan Arunaca

³ Salomonajj Tatituruwa munäna, uqhamaraqui David awquipan leyinaca utt'ayätaqui ucanacsa phokharaquïnwa, jupa pachpasa alto kollu patanacana sacrificionaca, inciensonaca loktcchïna ucasa.

Aymar Bibliia 1986

³ Salomonajj Tatituruwa munäna, uqhamaraqui David awquipan leyinaca utt'ayätaqui ucanacsa phokharaquïnwa, jupa pachpasa alto kollu patanacana sacrificionaca, inciensonaca loktcchïna ucasa.

Qullan Arunaka DC

³ Salomonax Tatitur munasïnwa, David awkipan utt'ayat kamachinakarjamaw phuqharakïna, jupasa qullu patanakaruw wilañchanak luqtiri, incienso nakt'ayir saräna.

1 Reyes 3:3 Jak'a apnaqawi uñst'ayäwi

1 Reyes 11:34

Ucampisa janiw takpach reino apakcäti, jan ucasti apnakayascaquïwa jacañapcama, David sirvirejjaru qhuyapayasitajj laycu, Davidarojj nayawa ajllista, jupasti phokhewa camachi arunacajjaru, uqhamarac leyinacajjarusa.

1 Reyes 11:38

Jumatejj ist'itäta take cuntejj luram siscäma ucanaca, uqhamarac luratanacamas nayan nayrakatajjana chekapäni, ucatsti phokharaquïta leyinacajjsa, camachi arunacajjsa, cunjämatï David sirvirejjajj lurquejja uqhama, nayajja jumampïyäwa, uqhamaraqui familiamsa ch'aman sayt'ayäjja, cunjämatï Davidaru lurcta uqhama; ucatsti Israeljja jumaruwa catuyäma.

1 Reyes 11:4

Cunapachatï Salomonajj awquëjjäna ucqhasti, warminacapajj chuymapjja yakha diosanac tokeruw uñtayapjjäna, Salomonasti janiw take chuyma Tatit Diosapar loktascataynati David awquipjama uca laycu.

1 Reyes 11:6

Uqhamawa Salomonana luratanacapajj jan walïcänti Tatitun nayrakatapana, jupasti janiw chekpacha chuymampi Tatiturojj David awquipjama arccänti uca laycu.

1 Reyes 14:23

Jupanacasti yakha diosanacataquiwa santuario utanaca lurayapjjäna, ucatsti lurapjjänwa kalanacata, lawanacata diosanaca take alto kollunacana, uqhamarac walja laphinacani kokanacan cayunacaparusa.

1 Reyes 14:8

Nayaw Davidan familiapata reino apakta jumar churañataqui. Ucampis jumajj janiw David sirvirejj-jjamäctati, jupasti camachi arunacajjarojja phokhawayiwa, uqhamarac take chuymaw arcaraquitäna, jupan luratanacapasti chekapänwa nayan nayrakatajjanjja;

1 Reyes 15:11

Asa reyin luratanacapasti asquïnwa Tatitun nayrakatapana, David nayra awquipjama.

1 Reyes 15:14

Janisa c'ari diosanacana santuario utanacapa apanucutäcchïna ucasa, Asajj Tatitumpejja suma asquinwa saräna.

1 Reyes 15:3

Abiam reyisti cunjämtï awquipajj jupat nayra juchanac lurcäna uca pachpa juchanacwa luraraquïna, chuymapasti janiw chekäcänti Tatitu Diosapataquejja, cunjämäcäntejj David nayra awquipana uqhamjja.

1 Reyes 15:5

Davidasti Tatitutaquejja suma asquinwa sarnakäna, jacañapanjja janipuniw sarakcänti cuntï Tatitojj lurañataqui churcäna ucatjja, jan ucasti Urías hititampi luräwipanacwa sarakänjja.

1 Reyes 22:43

Josafat reyisti take sarnakäwipanjja cunansa chekapapuniw jacäna, Asa sat awquipjama. Jupan luratanacapasti Tatitun nayrakatapanjja chekapänwa. Ucampis yakha diosanacan santuario utanacapajja, cawqhantejj jakenacajj uca yakha diosanacaru sacrificionaca loktapjjerïna, uqhamarac inciensonacsa naqhantayapjjerïna ucanacasti, janiw apakatäcänti.

1 Reyes 22:44

Josafat reyisti sumancäwiruw mantäna Israelan reyipampi.

1 Reyes 3:14

Jumatejj nayan munañajja luräta, uqhamarac leyinacajjsa, camachi arunacajjsa phokharaquïta, cunjämatï David awquimajja lurcäna uqhama, ucatjja jaya maranaca jacañwa churäma” —sasa.

1 Reyes 3:6

Salomonasti ucjjarojj sänwa: “Jumajj David awquejjarojj wali suma chuymampiwa uñjayätajja, jupajja sirvïyätamwa juman nayrakatamanjja jumampiwa sarnakäna cheka lurañampi, cheka chuymampi uca laycu. Ucataracwa jumajja wali suma chuymampiraqui juparu uñjaraquïyätajja, uqhamaraquiw mayni yokaparusa tronoparu kont'asiyaractajja, cunjämatejj jichhajja lurasqui uqhama.

1 Reyes 8:25

Jichhasti Israelana Tatit Diosapa, phokharaquimaya cuntejj arscäyäta David awquejja sirvirimaru aqham sasa: ‘Janiw faltcätamti mä wawamasa nayan nayrakatajjanjja Israelan tronoparu kont'asiñataqui, wawanacamatejj thaquejjana sarnakapjjani, uqhamarac nayan nayrakatajjansa asquina sarnakapjjaraquini, cunjämatejj jumajj nayan nayrakatajjana sarnakta uqhama ucajja’ sasa.

1 Reyes 8:61

Ucampis jumanacajj Tatit Diosasampejj chekapäpjjam, ucatsti leyinacapjja phokhapjjam, uqhamarac camachi arunacaparusa ist'apjjaraquim cunjämatï jichhürunjama” sasa.

1 Reyes 9:4

Jichhasti jumatejj sarnakäta nayrakatajjana, cunjämatejj David awquimajj sarnakcäna uqhama, jan jucha lurasa cheka chuymamampi, uqhamarac luraraquïta cunanactejj siscsma lurañamataqui, ucatsti leyinacajjarusa, arsüwinacajjarusa ist'araquïta ucajja,

2 Reyes 12:3

Ucampis janiw apanucutäcänti alto chekan yakha diosanacan santuarionacapjja, jan ucasti marcajj ucanacanjja loktasipcaquïnwa, sacrificionaca, uqhamarac inciensonacsa naqhayasipcaquïnwa.

2 Reyes 12:4

Mä urusti Joasajj sacerdotenacarojj sänwa: “Jumanacajj apthapipjjam Tatitun temploparu apanipqui uca take ofrenda kollkenaca, sapa maynita cutsuyata kollkenaca cunjämatï mayitäcäna ucar phokhasa, uqhamarac sapa maynisa chuymaparjama Tatitun utaparu take kollke apanqui ucanacaraqui. Ucatsti imata kollkenaca apnakerinacar mayipjjam, templona take cunanacatejj waquisqui asquichaña ucanac lurayapjjañapataqui.

2 Reyes 14:3

Amasías reyin luratanacapasti Tatitun nayrakatapanjja chekapänwa, ucampis janiw David nayra awquipjamäcänti. Jupasti luränwa Joás awquipjama.

2 Reyes 14:4

Janiraquiw apakcänti alto chekan yakha diosanacar yupaychañ santuarionacjja, cawqhantejj jakenacajj sacrificionaca loktasipcaquïna, uqhamarac inciensonacsa naqhayasipcaquiraquïna.

2 Reyes 15:35

Jupasti lurayänwa Tatitun templopana patäjja puncupa. Ucampis janiw apakatäcänti alto chekan yakha diosanacan santuarionacapajja, ucansti jakenacajj sacrificionaca loktasipcaquïnwa, uqhamarac inciensonacsa naqhayasipcaquïnwa.

2 Reyes 15:4

Ucampis janiw apakatäcänti alto chekan yakha diosanacan santuarionacapajja, jakenacasti ucanjja sacrificionacjja loktasipcaquïnwa, uqhamarac inciensonacsa naqhayasipcaquïnwa.

2 Reyes 18:22

Jumanacatejj sapjjetasma: ‘Nanacajj Tatit Diosajjaruwa iyawsapjjta’ sasinjja. ¿Janiti Ezequías reyisti apanucqui alto cheka kollunacan yupaychañanaca, uca Diosan altaranacapsa, uqhamarac Judá orakenquiri jakenacaru, Jerusalenanquirinacarusa arsquejja Jerusalén altar sapanaqui Tatitur yupaychañjja?

2 Reyes 18:4

Jupawa yakha diosanacar sirviñ alto chekan santuarionaca apakayäna, ajjsarata kalanacsa jisc'a jisc'a tucjayäna, Asera diosan lantinacapsa p'aquirayäna, uqhamarac Moisesajj bronceta mä catari lurcäna Nehustán sata ucsa tucjaraquïnwa. Israelitanacasti uca urunacanjja inciensonacjja uca catarir yupaychasinwa naqhayapjjäna.

2 Crónicas 15:17

Israel marcanjja janis yakha diosanacan santuarionacapajj takpach apanucutäcchïna ucasa, Asa reyejj take chuymaw Tatitur arcäna.

Salmos 145:20

Tatitojj jupar munirinacarojj imiwa, ñankha luririnacarusti t'unjiwa.

Salmos 31:23

Tatitur iyawsirinaca, jupar munasipjjam: Tatitojj asqui arquirinacaparojj imiwa, jach'a jach'a tucurinacarusti lurataparjamaruw juchañchi.

Levítico 17:5

Acasti Israelita jakenacan Tatituru loktapjjañapataquiwa, cawquïri uywanactejj pampana jiwayapqui ucanaca. Ucatsti sacerdoten nayrakataparu apjjañapataquiraqui, Tatitumpi Jiquisiñ Carpäquisa uca nayrakataru uscuñapataqui, uqhamat sacerdotejj ucanacjja uca jaketaqui, sumancthapiña sacrificiönacapsa loktjjañapataqui.

Mateo 22:37

Jesusasti juparojj sänwa: —‘Tatit Diosamaruw munäta take chuymamampi, take almamampi, take amuyumampiraqui.’

Juan 14:15

“Jumanacatejj munapjjchistajja, camachinacajj phokhapjjam.

Juan 14:21

Qhititejj camachinacajj yatquejja, uqhamarac phokcaraqui ucajja, uñacht'ayiwa chekpach nayar munatapa. Awquejjasti munasiraquiniwa qhititejj nayar munasquitu ucarojja, nayasti juparojj munasiraquïwa, ucatsti uñacht'ayasiraquïwa.”

Romanos 8:28

Yatiractanwa Diosajj jupar munirinacarojj take cunsa asquitaquiw waquicharapi qhitinacatejj jupan amtataparjam jawsatäpqui ucanacataquejja.

1 Corintios 8:3

Ucampis maynitejj Diosar munchejja, Diosajj juparojj uñt'araquiwa.

Deuteronomio 10:12

“Jichhasti israelit jakenaca, ¿cunsa Tatitu Diosamajj jumanacat mayipjjtamjja? Juparu jach'añchañanacama, jupan thaquipanjam arcañanacama muni, ucatsti munaraquiwa juparu munapjjañanacama, yupaychapjjañama take chuymampi, take jacañamampi,

Deuteronomio 10:13

uqhamaraqui camachi arunacaparjam, leyinacaparjama sum sarnakapjjañamataqui.

Deuteronomio 11:13

“Jumanacatï Diosan camachi arunacapa jichha uruna churapcsma ucanaca phokhapjjäta, ucatsti Tatitu Diosamaru munapjjaraquïta, take chuymampi yupaychapjjaraquïta take jacañamampi ucqhajj,

Deuteronomio 30:16

Jumanacatï ist'apjjäta, cawquïri ewjjanactejj jichhüruna churapcsma ucaru, Diosamarusa munapjjaraquïta, thaquipansa arcapjjäta, uqhamaraqui camachi aruparusa leyiparusa, arsutaparusa phokhapjjaraquïta, ucapachajj walja maranacaw jacapjjäta, walja wawanacanïpjjaraquiyätawa, ucatsti Diosamajj bendicïtamwa cawquïri oraktejj catcäta ucanjja.

Deuteronomio 30:20

Tatitu Diosamarusti munapjjam, ist'apjjaraquim, suma iyawsañampi arcapjjaraquim, jacañajj jupat jutatap laycu, jumanacan walja maranac jacapjjañamataqui, cawquïri oraktï Tatitu Diosajj arupampi arsusin Abrahamaru, Isaacaru, uqhamarac Jacob awquinacamaru churä siscatayna ucanjja.”

Deuteronomio 30:6

Tatituw jumanacan chuymanacamaru uca suma arust'äwin chimpu uchapjjätam, uqhamarac khepa wawanacamarusa, jumanacan take chuymampi, almamampi munapjjañamataqui, uqhamat walja maranac jacapjjañamataqui.

Deuteronomio 6:5

“Tatitu Diosamarusti take chuymamampi, take jacañamampi, take ch'amamampi munam.

Santiago 1:12

Cusisiñaniwa qhititejj yant'anacjja llamp'u chuymampi catokqui ucanacajja. Uca yant'ar atipjas misturinacasti churäwi catokapjjani mä coronar uñtata, uca churäwisti cuntejj Diosajj jupar munirinacaru jacañ churaña arscänjja ucawa.

Santiago 2:5

Munat jilatanacajja, ist'apjjam aca arunaca: Diosajj aca oraken pobrenacaruw ajlli, jupanacajj iyawsañanacapanjja kamirïpjjañapataqui, uqhamarac Diosan reinopsa herenciat catokapjjañapataqui, cuntejj jupajj churapjjämaw sisqui jupar munirinacarojj ucanacataqui.

1 Samuel 9:12

Tawakonacasti sapjjaraquïnwa: —Jïsa, ucancasquiwa uñjirejja, janc'aqui sarapjjam. Jichhürojj jupajj marcaruw juti, santuarion sacrificiojj loktasitap laycu.