1 Reyes 3:13 - Qullan Arunaca

¹³ Uqhamaraquiw churaracsma kamir cancañanaca, uqhamarac jach'a cancaña, ucanacsti janiw jumajj mayquistati, jumjama yakha reyejja take jacañamanjja janiw utjcaniti.

Aymar Bibliia 1986

¹³ Uqhamaraquiw churaracsma kamir cancañanaca, uqhamarac jach'a cancaña, ucanacsti janiw jumajj mayquistati, jumjama yakha reyejja take jacañamanjja janiw utjcaniti.

Qullan Arunaka DC

¹³ Ukhamarusa, qamir yänakampi, jach'a kankañamp churaraksma, ukanaksti janiw jumax maykistati. Jakañamkamax, jumjam wali qamiri, wali aytat yaqha reyix janiw utjkaniti.

1 Reyes 3:13 Jak'a apnaqawi uñst'ayäwi

1 Reyes 10:14

Salomonan sapa mara kori catokatapasti purt'änwa niya pä tunca payani waranka kilonaca,

1 Crónicas 29:25

Tatitojj Salomonarojj take jach'a cancañwa churäna Israel jakenaca nayrakatana, reinoparojja suma cancañaracwa churäna, uqhamsti janiw qhiti reyis Israel marcanjja churatäcänti.

2 Crónicas 9:22

Salomón reyisti aca orakenquir take reyinacarojja atipänwa kamir cancañana, uqhamarac yatiñ cancañansa.

Nehemías 13:26

“¡Israel marcan Salomón reyin uqham luratapawa juchänjja! Janis jupjamajja yakha reyejj walja marcanaca taypina utjchïna ucasa, uqhamarac Diosas juparojj muncchïna, uqhamarac uchcchïna Israel marcan reyipata ucasa, yakha marcanquir warminacawa juparojj juch lurayäna.

Proverbios 3:16

Cupi amparampisti walja maranac jacañwa churi, ch'eka amparampisti kamirïñampi, jach'achatäñampwa churaraqui.

Proverbios 4:9

¡p'ekemarojj suma muncañwa c'achachätam, ucampiw mä suma coronjama churaraquïtam!”

Eclesiastés 6:2

Yakheparojj Diosajj walja jilarquiri suma yänaca churi, ucatsti cunanactejj munapqui ucanacajja janiw jupanacar pist'quiti; ucampis Diosajj janiw take ucanacatjja cusisiyquiti, jan ucasti yakhanacaw ucatjja cusisipjje. Acasti chekpachana wali llaquiscaña inamayaquiraquiwa.

Mateo 6:33

Uqhamasti, nayrakatajj Diosan reinopa munapjjam, uqhamarac cunatejj chekäqui jupan nayrakatapanjja ucanaca, ucatsti take aca yänacajja jumanacarojj churataquïpjjätawa.

Romanos 8:32

Diosajj janiw Wawaparus perdonquiti, ucatpï Wawaparojj jiwañaru catuyejja jiwasanacan juchanacas laycu. Uqhamasti ¿janiquit take cuns churquistani Wawapamp chicjja?

Efesios 3:20

Jichhajj Diosajj jach'añchatäpan, jupajj ch'amaniwa cuntejj mayctan, lup'caractan ucanacata juc'ampi lurañataqui, ch'amap toke jiwasanac taypina luratapata.