1 Reyes 22:16 - Qullan Arunaca

¹⁶ Ucjjarusti reyejj sänwa: —¿Kawkha cutis säma juramento luratajj laycu: ‘Cunatejj chekäqui uca yatiyita Tatitun sutipjjaru’ sasa?

Aymar Bibliia 1986

¹⁶ Ucjjarusti reyejj sänwa: —¿Kawkha cutis säma juramento luratajj laycu: “Cunatejj chekäqui uca yatiyita Tatitun sutipjjaru” sasa?

Qullan Arunaka DC

¹⁶ Ukxaruw reyix säna: —¿Qawqha kutirak säma, kunatix chiqäki uk Tatitun sutipxar nayar juramentompi yatiyañamatakisti? —sasa.

1 Reyes 22:16 Jak'a apnaqawi uñst'ayäwi

1 Reyes 22:15

Ucatsti jupajj reyin nayrakataparuw saräna, reyejj juparojj jisct'änwa: —Micaías, ¿nuwantir sarapjjeristti Galaadanquir Ramot marcarojja, janicha? —sasa. Ucjjarusti Micaiasajj sänwa: —Nuwasir sarascaquim, ucatsti atipjätawa, Tatitusti jumaruw catuyätamjja —sasa.

1 Reyes 22:17

Ucatsti Micaiasajj sänwa: —Uñjtwa take israelita jakenacaru kolluna ananucutäsquiri, jan awatirini ovejanacar uñtata. Ucatjja Tatitojj aqham siwa: ‘Acanacajj janiw awatirinïpquiti; sapa maynisa samarañanaqui utaparcama cutt'pan’ —sasa.

2 Crónicas 18:15

Ucampis reyejj ucjjarojj sänwa: —¿Cawkha cutisa nayajj jumarojj säma Tatitun sutip laycu juramento luratata chekaqui nayar parlañamjja? —sasa.

Jeremías 23:28

¡Mä profetatejj mä samca samcaschi ucapachajja khana sispan mä samcaquïtapa, ucampisa arunacajjtejj catokchejja, ucapachasti khana, chekaparu yatiyapjjpan! Janiw trigo jipimpi trigompejj mayaquïcaspati. Arunacajjajj ninjamawa, karkanac ch'iyjiri martilljamawa. Naya Tatituw ucjja arsta.

Jeremías 37:17

Sedequías reyisti Jeremiasarojj palacioru irpanipjjañapataquiw arsuraquïna; cunapachatejj Jeremiasajj reyin nayrakataparu uñstayatäcän ucqhasti, reyejj juparojj jamasatacwa jisct'äna: “¿Janiti Tatitun yatiyäwinacapajj utjqui? Jeremiasasti sänwa: “Jïsa, utjiwa; acanacaraquiwa: Juma, jach'a reyejj, Babilonianquir reyin amparaparuw purïta” sasa.

Jeremías 38:14

Sedequías reyisti saraquïnwa, Jeremiasarojj jupa nayrakataru irpapjjañapataqui, templona quimsïri puncüquis ucqharu. Ucanwa reyejj Jeremías chacharojj saraquïna: —Maya jumaru jisct'äma ucatsti uca jisct'arojj jaysitätawa —sasa.

Números 22:38

Ucapachasti Balaamajj sänwa: —Nayasti juma jac'ancasctwa, niyaw jumar uñjir jutta. Ucampisa nayajj janiw ch'amanïcti naya pachpa parlañataqui, cuntejj Diosajj sisquitani ucac parlaraquëjja —sasa.

Mateo 26:63

Jesusasti janiw cuns arscänti. Ucatwa sacerdotenacan jilïripajj juparojj säna: —Jacquiri Diosan sutiparuw juramentompi maysma chek arsuñamataqui. Sapjjeta: ¿Jumätati Diosan Yokapa Cristojja? —sasa.

Marcos 5:7

Ucatsti, jach'at juparojj art'äna: —¡Jesús, Alajjpachanquir Diosan Yokapa! ¿Cuna lurañamas nayamp utji? Diosan sutiparuw achict'assma, janiquiy t'akhesiyistati —sasa.

Hechos 19:13

Ucampis yakhep judionacaw utjäna, marcat marca sariri. Ucanacasti ñankha ajayunacwa jakenacat alissupjjerïna. Jupanacasti Tatit Jesusan sutip aytasisaw ñankha ajayunacar alissuñ munapjjäna, aqham sasa —“¡Qhitittï Pablojj parlqui uca Jesusan sutiparuw sapjjsma: Mistupjjam!” sasa.

Josué 6:26

Josué chachasti uca tiemponjja aca arunacwa Israel marcarojj arsuwayäna: “Diosasti maldispan cawquïri jaketï aca Jericó marca wastat sayt'ayani ucarojja; utan cimientopas jilïr yokap patjjaruraqui sayt'ayaspan, puncunacapasa sullca yokap pataruraqui sayt'ayaspan” sasa.

1 Samuel 14:24

Ucampisa israelita jakenacajj uca urojj wali karjtatäpjjänwa, janiraquiw qhitis cunsa mank'cänti, Saúl reyin juramentompi arsutap laycu, take jakenacaru aqham sasa: “Jiwayatäpan qhititejj janïr jayp'untquipan mä cunsa mank'antani ucajja, janïra nayan uñisirinacajjar phoksusquipana” sasa.