1 Reyes 22:11 - Qullan Arunaca

¹¹ Quenaana sat chachan Sedequías sat yokapasti, hierrotwa mä kawkha wajjranaca lurasïna, ucatsti jach'atwa säna: —Aqham siwa Tatitojja: “Aca wajjranacampiwa sirionacaru nuwantir saräta k'al tucjañcama” sasa.

Aymar Bibliia 1986

¹¹ Quenaana sat chachan Sedequías sat yokapasti, hierrotwa mä kawkha wajjranaca lurasïna, ucatsti jach'atwa säna: —Aqham siwa Tatitojja: “Aca wajjranacampiwa sirionacaru nuwantir saräta k'al tucjañcama” sasa.

Qullan Arunaka DC

¹¹ Quenaaná chachan Sedequías yuqapasti, hierrot mä waxranak lurasitayna, ukatsti jach'at säna: “¡Tatitux akham siwa: ‘Aka waxranakampiw sirionakarux tukjañkam nuwantäta!’” sasa.

1 Reyes 22:11 Jak'a apnaqawi uñst'ayäwi

1 Reyes 22:12

Take profetanacajj quipcaquiw sapjjaraquïna. Reyirojj sapjjänwa: “Galaadanquir Ramot ucar nuwantir saram, ucatsti atipjätawa, Tatitojj uca marcjja jumaruw catuyätamjja” sasa.

1 Reyes 22:24

Ucatsti Quenaana sat chachan Sedequías yokapajj Micaías profetar jac'achasisinjja may t'ajjllisinwa aqham säna: —¿Cawquinjamas Tatitun ajayupajj nayat sarakawayi jumar uqham parlañapataquejja? —sasa.

Jeremías 23:16

Take ch'amani Tatitusti siwa: “Israelitanaca, cuntejj profetanacajj parlapjje ucanacarojja jan ist'apjjamti; parlatanacapasti c'ari arunacaquiwa. Jupanacan amtata arunacacwa parlapjje, janiraquiw nayajj jupanacaru cuna arunacsa churcti.

Jeremías 23:17

Arunacajjaru jisc'achirinacarusti sapjjaraquiwa: ‘Take cunas waliquïscaniwa’ sasa. Qhitinacatejj chuymanacapan jan wali amtatanacaparuqui arcapjje ucanacarusti sapjjaraquiwa: ‘Janiw cuna jan walis jutcätamti’ ” sasa.

Jeremías 23:25

“Uca c'ari profetanacan parlatanacapjja nayajj ist'twa, jupanacajj nayan sutejjaruw parlañ munapjje, samcanacap toksa nayampis parlapcaspa uqhamwa parlapjje.

Jeremías 23:31

Nayajj cawquïri profetanacatejj jupanacan waquichata arunacapa nayan arunacajjäcaspas uqhama parlapjje ucanac tokew sayt'ta.

Jeremías 27:2

saraquïnwa: “Mä lazonac lurasim, uqhamaraqui mä yugompi, ucanacsti takpacha cuncamaru uchasiraquim.

Jeremías 29:21

“Colaías jaken yokapa Acab toketjja, Maasías jaken Sedequías yokapampitjja, Israelan Diosapa take ch'amani Tatitojj aqham siwa: ‘Qhitinacatejj jumanacaru, Tatitun sutipjjaru c'ari arunaca parljjayapjjtam, jupanacarojj Babilonia orakenquiri Nabucodonosor reyin amparaparuw catuyaraquï; uca reyisti jumanacan uñjcataraquiw pachpa jumanac nayrakatan jupanacarojj jiwarayani.

Daniel (hebreo) 8:4

Uca orko ovejasti wajjranacapampiw mokenokascäna, inti jalanta tokeru, amstaru, aynacharu, uqhama janiraquiw cawquïri animalas uca ovejampi jiquintasirejj utjcänti, ni cawquïri animalas mokesiñapat jaltirejj utjcaraquïnti. Uca ovejasti cuntejj muncäna ucwa luraraquïna, sapa cutiw juc'ampi ch'amani tucjjäna.

Miqueas 3:11

Marcanquir juesanacasti kollke chilltayasipjjaraquejja, sacerdotenacasti kollke laycuquiraquiw yatichapjje, profetanacasti profecía arunacapjja aljapjjaraquiwa; ucatsti parlapjjaraquiwa Tatitojj jupanacampïcaspa uqhama, sapjjaraquiwa: ‘Tatituw jiwasampïsqui, janiw cuna jan walis pasquistaspati’ sasa.

Hechos 21:11

Jupasti nanacar uñjiriw jutatayna. Ucatsti Pablon cinturonap catusinjja, cayunacap uqhamarac amparanacap ñach'antasisinwa säna: —Kollan Ajayojj aqham siwa: ‘Jerusalenanjja judionacajj aqhamwa ñach'antapjjani aca cinturonajj qhitinquitï ucarojja. Jan judío jakenacaruraquiw catuyapjjani’ —sasa.

Deuteronomio 33:17

Jilïri vaca kalljam muncañaraquiwa, búfalo sat wali ch'amani animaljama, take marcanacaruwa wajjrantani, aca orake tucuscama. Uqhamaw Efraín tribun walja jakenacapajja, uqhamaraquiw Manasés tribun waranka waranka jakenacapasa” sasa.

2 Timoteo 3:8

Cunjämatejj Janes, uqhamarac Jambres jan wali jakenacajj Moisés contra sayt'apjjäna, uca pachparaquiw uca jakenacajj Tatitun arunacapataqui sayt'apjje. Aca jakenacajj chuymatpach jan wali amtani jakenacäpjjewa, iyawsäwi toketjja apanucutäpjjewa.