1 Reyes 21:4 - Qullan Arunaca

⁴ Acab reyisti utaparojj wali llaquita, colerataraquiwa sarjjäna, Nabot chachan uqham satapata, juparojj sataynawa: “Janiw churquirismati cuntï awquinacajjata herencia catokcta ucjja” sasa. Purisinsti perka uñtatawa iquintjjäna, ucatsti janiraquiw mank'añsa muncaraquïnti.

Aymar Bibliia 1986

⁴ Acab reyisti utaparojj wali llaquita, colerataraquiwa sarjjäna, Nabot chachan uqham satapata, juparojj sataynawa: “Janiw churquirismati cuntï awquinacajjata herencia catokcta ucjja” sasa. Purisinsti perka uñtatawa iquintjjäna, ucatsti janiraquiw mank'añsa muncaraquïnti.

Qullan Arunaka DC

⁴ Ahab reyisti Nabot chachan ukham satapat wali llakt'ata, mayjt'atarakiw reyi utapar sarxäna, juparusti akham satayna: “Janiw nayax kuntix awkinakaxat katuqkta ukxa churkirismati” sasa. Purisinsti pirqar uñkatataw ikintxäna, janiw manq'añsa munkänti.

1 Reyes 21:4 Jak'a apnaqawi uñst'ayäwi

2 Samuel 13:2

uqhama munapayasasti usuntaraquitaynawa. Tamar cullacapasti janiraquiw ucacamajj chachjja uñt'cataynati ni chachanacampi sarnakañsa yatcaraquitaynati; ucatwa Amnón jakejj cullacaparojj jan cun lurañsa puedcaraquïnti.

2 Samuel 13:4

Ucatwa Jonadab jakejj jisct'äna Amnón jakerojja: —¿Cunas camachtam, jach'a jilïri? ¿Cunatsa uqham urut ururu juc'ampi aynacht'ata uñjasta? ¿Janit nayar yatiyquitasma? —sasa. Amnón jakesti saraquïnwa: —Absalón jilajjan Tamar cullacaparuw walipun munta —sasa.

1 Reyes 20:43

Ucatjja Israelan reyipajja Samaria marcaruwa sarjjäna, llaquita, uqhamarac colerataraqui, ucatjja palacioparuwa mantjjäna.

1 Reyes 21:1

Ucat mä kawkha tiemponacarusti aqhamaw lurasïna, Jezreel chekanquir mä chachawa Nabot sat sutini mä uva yapunïna uca pachpa marcana Samarianquir Acab reyin palaciopa jac'ana.

1 Reyes 21:3

Ucampis Nabot chachajj Acab reyirojj sänwa: —Jan Diosajj munpati jumar churjjañajja, cuntï nayajj awquinacajjata herencia catokcta ucjja —sasa.

1 Reyes 21:5

Ucatjja Jezabel warmipawa jupar jac'achasisina jisct'äna: —¿Cunatsa wali llaquitäta, mank'añsa janiraquis munctatejja? —sasa.

Ester (hebreo) 5:13

Ucampis cunapachatejj uñjcta Mardoqueo sat judioru palacio puncuna kont'at ucqhajja take ucanacajja inamayaquiwa nayataquejja —sasa.

Job 5:2

Chuyma usuyasiñasa, uqhamaraqui uñisisiñasa jakerojj jiwañaruquiw apjje.

Eclesiastés 6:9

Asquiwa nayrampi uñjañajja, uñjaña munañata sipansa. Ucampis ucajja inamayaraquiquiwa, thayarusa catthapï siscsna uqhamawa.

Jonás 4:1

Jonasataquejj janiw walïcänti cuntejj Diosajj lurcän ucajja, jupasti walipuniw mayjt'asïna.

Jonás 4:4

Ucatsti Tatitojj saraquïnwa: —¿Waliquïsquiti jumataquejja uqham wali colerasitamajja? —sasa.

Jonás 4:8

Cunapachatejj intejj jalsjjäna ucqhajj Diosajj waquicharaquïnwa mä junt'u thaya inti jalsu toket thayt'aniñapataqui, intejj wali ch'amampiw Jonasan p'ekepjjaru lupjjatäna, jupasti amuyasjjänwa ch'amapajj thayjtjjatapa, jiwjjañacwa munjjäna: —Jacañat sipana jiwañaw sumajj —sasa.

Jonás 4:9

Diosasti juparojj saraquïnwa: —¿Waliquïsquiti ricino ali pharsjjatapat colerasitamajja? — sasa. —Jïsa, waliquïsquiwa, coleratwa nayajj jiwascta —sasaw Jonasajj arsusi.

Efesios 4:27

Janirac Supayarus jac'achayasipjjamti.

Santiago 1:14

Ucampis cunapachatejj maynejj uca jan wali amtatanacapampi atipjayasisquejja, ucqhaw tentacionarojj purejja.

1 Samuel 28:23

Saúl reyisti janiw mank'añ muncänti. Ucampisa uca jach'a jilïri oficialanacapampi, warmimpisti wali rogt'apjjäna. Ucat Saúl reyejj jaysaraquïna. Ucat ucspachaw oraket konthapïna. Mä iquiñjjaruraquiw kont'asïna.