1 Reyes 21:21 - Qullan Arunaca

²¹ Uca luratamatsti Tatitojj aqham siwa: ‘Jumjjarojja jan walt'añwa apayanëjja, ucatsti juman take wawanacamaruwa tucjäjja; uqhamaraqui Israelana familianacamajj utjqui take uca chachanacarusa tucjaraquïwa.

Aymar Bibliia 1986

²¹ Uca luratamatsti Tatitojj aqham siwa: “Jumjjarojja jan walt'añwa apayanëjja, ucatsti juman take wawanacamaruwa tucjäjja; uqhamaraqui Israelana familianacamajj utjqui take uca chachanacarusa tucjaraquïwa.

Qullan Arunaka DC

²¹ Uka luratamatsti Tatitux akham siwa: ‘Jumxarux jan walt'añ apayanï, ukatsti jumat saraqiri wawanakamarux tukjäwa; Israel taypin utjir jumat saraqir yuqall wawanakarux taqiniruw tukjä.

1 Reyes 21:21 Jak'a apnaqawi uñst'ayäwi

1 Reyes 14:10

Ucatwa jichhajj jan walt'añanaca juman familiamjjarojj apayanëjja: Nayajj Israelanjja jiwayäwa juman familiamata chachanacaru; janiwa qhitisa kheparcaniti. Juman familiamjja k'alwa pichanucöjja, cunjämatï guanojj pichanucutäqui uqhama.

1 Reyes 15:30

Acasti lurasïnwa Jeroboam reyin jucha luratanacapampi israelitanacar jucha luraycäna ucata, uqhamata Israelan Tatit Diosapar colerayasina.

1 Reyes 16:3

Ucatpï jumarojj, Baasa, tucjaraquïmajja, uqhamarac familiamarusa nayajj tucjäraquëjja cunjämtï lurcta Nabat chachan Jeroboam yokapan familiapampejja uqhamaraqui.

2 Reyes 10:17

Jehú reyisti Samaria marcar mantasinjja Acab reyin take familianacaparuwa jiwarayäna, qhitinacatejj jacasquiri kheparasipcäna ucanacaru. Jan mayninwa tucjäna, cunjämtï Tatitojj arscäna Elías toke uqhamaru.

2 Reyes 10:30

Tatitusti Jehú reyirojj sänwa: “Jumajja nayan nayrakatajjana asqui luratamata, uqhamarac chekaparu, uñjatamata Acab reyin familiapampi, cunjämtï nayajj muncäyäta uqhamaru, Israelan tronopanjja jumat sarakeri wawanacamaw kont'asipjjani pusïr wawaman wawapcama” sasa.

2 Reyes 14:26

Tatitusti amuyänwa Israel marcan wali t'akhesiñancatapata, ucanacatsti janiw qhitis jaltcänti, Israelanjja janipuniw qhitis utjcänti jupanacar yanapt'añataquejja.

2 Reyes 21:13

Jerusalén marcarojj tupt'äwa Samaria marcaru tupt'ta, uqhamarac Acab reyin familiaparus tupt'ta uca pachpa tupuñampi; k'omachäwa, cunjämatï mä platoru k'omachasina c'umpt'atajja uqhama.

Isaías 3:11

¡Ay ñankha jaketaqui, take cunas jupataquejj janiw walt'caniti! Tatitu Diosasti luratanacapatjamwa churaraquini.

Deuteronomio 32:36

“Diosaw marcapat arjjatiri mistsuni, cunapachatejj jan ch'amanëjjani ucqhajja; Diosaraquiw wawanacapatjja qhuyapayasini cunapachatejj jan t'uqha jakenaca ni ch'aman jakenaca utjcani ucapacha.

1 Samuel 25:22

Ucatwa mä juramento luräna: “¡Diosajj nayarojj wali mutuyitpan, janitejj arumanthcama jupan familianacapat take chachanac jiwaraycä ucajja!” sasa.

1 Samuel 25:34

Ucampisa Israelan Tatitu Diosapan sutipjjaruw arsta, qhititejj nayaru uca ñankha lurañat khespiyquitus ucan sutipjjaruraqui. Janitejj jumajj nayan ucar jutañataquejj janc'achasincasamän ucapachajja, arumanthi alwajj Nabal chicäqui uca chachanacajj janiw maynis jaccjjasapänti —sasa.