1 Reyes 21:2 - Qullan Arunaca

² Mä uruwa Acab reyejj Nabot chacharu säna: —Churjjeta uva yapuma, ucaru nayan mä huerto lurasiñajjataqui, palaciojja jac'ancatap laycu. Uca lantejj churjjämawa juc'amp suma mä uva yapu; jan ucajj jumatejj munsta ucajja alapata kollkwa pagjjäma —sasa.

Aymar Bibliia 1986

² Mä uruwa Acab reyejj Nabot chacharu säna: —Churjjeta uva yapuma, ucaru nayan mä huerto lurasiñajjataqui, palaciojja jac'ancatap laycu. Uca lantejj churjjämawa juc'amp suma mä uva yapu; jan ucajj jumatejj munsta ucajja alapata kollkwa pagjjäma —sasa.

Qullan Arunaka DC

² Mä urusti, Ahab reyix Nabot chacharuw säna: —Uva yapum churxita, ukar mä huerta lurasiñaxataki, utax jak'ankatap layku. Uka lantisti juk'amp suma uva yapu churxäma; jan ukax, jumatix munsta ukax, qawqhäkitix alapax uk churxäma —sasa.

1 Reyes 21:2 Jak'a apnaqawi uñst'ayäwi

Génesis 16:6

Abramasti warmiparojj saraquïnwa: —Acajjay esclavamajj amparamanquiwa, cuns munta uc jupampejj lurascaquim —sasa. Sarai warmisti esclavaparojj sinti jan walpun uñj-jjäna, uqhamïpansti Agarajj jaltjjänwa.

Génesis 3:6

Warmisti uca kokan achupajj mankt'añataquisa uqhamaraqui yatiñanïñataquisa sumätapwa uñcatäna. Uqhamasti mä achu apakasinjja mank'antänwa. Ucatsti chachaparuraquiw churäna, jupasti mank'antaraquïnwa.

1 Reyes 21:3

Ucampis Nabot chachajj Acab reyirojj sänwa: —Jan Diosajj munpati jumar churjjañajja, cuntï nayajj awquinacajjata herencia catokcta ucjja —sasa.

1 Reyes 21:6

Acab reyisti sänwa: —Jezreel, ucanquir Nabot chachampiwa parlta uva yapupa nayar alj-jjañapataqui; jan ucajj munaspa ucajja yakha uva yapu uca lanti churjjañaraqui. Ucampis jupajj janiw churañ munquituti —sasa.

2 Reyes 9:27

Judá marcanquiri Ocozías reyejj uqham uñjasinjja Bet-hagan tokeruwa jaltjjäna. Ucampis Jehú capitanajj arctasinjja sänwa: “¡Juparus jiwayapjjaraquiquim!” sasa. Ucatsti carrop pachparuwa usuchjapjjäna Gur sat alayana, Ibleam sat jac'ana, ucampis jupajj Meguido sat chekacama jaltjjasinwa ucan jiwjjäna.

Éxodo 20:17

“Janiw munapayätati jake masimana utapsa, ni warmipsa, ni sirvirinacapsa, ni vacapsa, ni asnopsa, ni cunanacapatejj utjqui ucanacsa.”

Eclesiastés 2:5

Ucjjarusti yapunaca, pankar yapunacaraqui lurasta, ucanacaru achu alinaca ayrusiracta.

Cantar de los cantares 4:15

Pankar yapunquir jalsu umasti mä phuch'u uma jalsquiriwa, Líbano kollutpachwa sarakani.

Jeremías 22:17

“Ucampis juma sapaquiw llaquistajja take cunsa jan wali lurañanacampi jicjjatatanacamata; jan juchanirojj jiwayaractawa, marcamarusti, t'akhesiyaractawa wali ch'ama lurañanacampi.”

Lucas 12:15

Uqhamaraquiw säna: —Amuyasipjjam jumanacataquic take cuns munañjjata; jaken jacañapasti janiw cunatejj utjarapqui uca walja yänacapancquiti —sasa.

Deuteronomio 11:10

Cawquïri oraktï jumanacajj catuntapcäta ucajj janiw Egipto orakjamäquiti, cawqhattï jumanacajj mistunipcta. Qhä orakenjja jumanacajj yapuchapjjäyätawa, ucatsti cayumpiraquiw karpapjjäyäta, cunjämatï huertanacan lurasqui uqhama.

Deuteronomio 5:21

‘Janiw jake masiman warmip munapayätati; janiraquiw munätati utapsa, ni orakenacapsa, ni sirviripsa, ni uywatapsa, uywanacapsa, ni asnopsa, ni cunatejj jupancqui ucanacsa.’

1 Timoteo 6:9

Qhitinacatejj kamir cancaña thakapjje ucanacajja, janiw yant'anacarojj atipjapquiti, ucatsti take casta lokhe amtäwinacan sipitaparuw jalantapjje, ucatsti jan waliruw puripjje, jakenacarusti jiwañaru t'unjañaruw puriyaraqui.

1 Samuel 29:6

Uqhamasti Aquis reyejj Davidaruw jawsayäna, ucatsti saraquïnwa: —¡Chekpachansa, Tatitojj jacasquiwa, jumasti cheka jakepunïtawa! Aca campamenton sarnakatamasti chuymajjar purquiriwa. Cuna urutejj nayan jac'ajjaru jutcta ucat jichhürcamajj janiraquiw cuna jan walsa jumanjja jicjjatcti. Ucampisa filisteonacan jilïrinacapajja janiw jumaru uñjañ munapctamti.

1 Samuel 8:14

Jumanacan suma orakenacamwa catuntasini, uqhamarac suma uva yapunacamsa, olivo yapunacamsa, ucatsti ucanacjja qhitinacatejj palaciopan sirvipqui ucanacaruw churaraquini.

1 Samuel 8:6

Samuelosti uqham mä rey marcar apnakañapataqui mayipjjatapatjja wali mayjt'ataw Tatitut oracionan mayïna.