1 Reyes 20:7 - Qullan Arunaca

⁷ Ucatsti Israelan reyipajja qhitänwa take jilïr awquinacaru jawsanipjjañapataqui, aqham sasa: —Jumanacajja ucanacatjja amuyasipjjasmawa, aca jakesti thakasquiwa nayar ñankha lurañataqui, nayajj janis “Janiw” siscta warminacajja, wawanacajja, kamir cancañanacajjsa churañataqui ucasa —sasa.

Aymar Bibliia 1986

⁷ Ucatsti Israelan reyipajja qhitänwa take jilïr awquinacaru jawsanipjjañapataqui, aqham sasa: —Jumanacajja ucanacatjja amuyasipjjasmawa, aca jakesti thakasquiwa nayar ñankha lurañataqui, nayajj janis “Janiw” siscta warminacajja, wawanacajja, kamir cancañanacajjsa churañataqui ucasa —sasa.

Qullan Arunaka DC

⁷ Ukat Israelan reyipax markan taqpach jilïrinakapar jawsayanïna, jupanakarusti sänwa: —Amuyapxam, aka jaqix nayar ñanqha lurañ thaqhaski. Jupax warminakaxa, wawanakaxa, qamir yänakax mayitu, nayasti uka mayitapar jaystwa —sasa.

1 Reyes 20:7 Jak'a apnaqawi uñst'ayäwi

1 Reyes 20:6

Ucjjarusti sascacsmawa, kharüru aca pachpa horasaruwa oficialanacajja qhitanëjja palacioma uñarañapataqui, uqhamarac yanapirinacaman utanacapsa, ucatjja cunanacatejj jupanacatac sumanacäcani ucanacwa catuntasipjjani’ ” sasa.

1 Reyes 20:8

Ucatjja jilïr awquinacasa, uqhamarac take jakenacasa sapjjänwa —jan ist'amti, ni lurcaraquimsa —sasa.

1 Reyes 21:8

Ucspachawa warmipajja cartanaca kellkäna Acab chachapan sutiparu, selljjatawayänwa reyin sellopampi cuna; ucatjja uca cartanacjja apayänwa Nabot chachan marcapan jacapqui ucan awquinacaru, uqhamarac jilïrinacarusa.

1 Reyes 8:1

Ucatsti Salomonajj Jerusalenanjja tantachänwa jupan nayrakatapana Israelanquir chuyman awquinacaru, tribunacan jilïrinacaparu, uqhamarac israelitanac taypina wali aytat jakenacaru, Tatituna sumancäwi arcapa apjjañataqui Davidana marcapata, ucajj Sión sataraquïnwa.

2 Reyes 5:7

Cunapachatï Israel reyejj carta leet'äna ucqhajja, isipwa ch'iyanokasïna llaquisiñapa uñacht'ayasina, aqham sasa: “¿Nayasti jacaña churiri, uqhamarac jacaña apakeri Diosättisti, jupan aca chacharu qhithaniñapataqui lepra usupata kollañajjataquisti? ¡Sum amuyapjjam, ucatsti uñjapjjaraquim cunjämsa naya contrajj jan walt'aña thakejja uca!”

1 Crónicas 13:1

Davidajj take jilïrinacaru, comandantenacaru, uqhamarac capitananacaruwa jisct'asïna,

1 Crónicas 28:1

Davidajj Jerusalén marcanjja Israelanquiri jilïri chachanacaruwa tantacht'äna, tribunacan jilïrinacaparu, reyin sirvirinacapäpqui uca take soldadonacan jilïrinacaparu, batallonanacan comandantenacaparu, compañíanacan jilïrinacaparu, take orakenacapa, uywanacapa, reyin wawanacapa uñjirinacarusa wali aytata chachanacaru, ejerciton take aytata oficialanacaparusa.

Job 15:35

Jupanacajj ñankha lurañampi wallk'eptatäpjjewa, ucatsti aynacht'añanacwa wawachapjjaraquini; cuntejj jupanacajj achupqui ucanacasti c'arinacaquiwa.”

Salmos 140:2

jan wali lurañanac chuymapan amtapjje, sapüruw nuwasiñanac utjayapjje.

Salmos 36:4

iquiñapan iquintataw jan wali lurañanac amti, ñankha lurañ thaquir chincatatawa, janiw ñankha lurañ apanucuñ munquiti.

Salmos 62:3

¿Cunapachcamarac nuwañatac arcnakapjjetätasti? ¿Cunapachcamarac tincuyañ munapjjetätasti? ¿Cunapachcamarac llojjesir perkarjam uñjapjjetätasti? ¿Cunapachcamarac tincuñampïsquir uyurjam uñjapjjetätasti?

Salmos 7:14

Ñankha lurir jaker uñtapjjam: wawachasir warmjamaw t'akhesisqui, ñankhamp wallk'eptatawa, c'ariruw wawacharaquini.

Proverbios 11:14

Marca apnakerinacatejj jan marcaru suma apnakcapqui ucasti aynacht'aniwa, ucampis walja amuyt'ayirinïqui uca marcasti jan cuna ajjsarasaw jacasiraqui.

Proverbios 11:27

Qhititejj asqui luraña thakqui ucajja, sumata uñjatäniwa, ucampis qhititï jan wali luraña thakqui ucajja jan walwa jicjjatani.

Proverbios 24:2

jupanacajj jan wali lurañanacatacwa lup'isipqui, ucatsti jan wali lurañanacatacwa parlapjjaraqui.

Proverbios 6:14

amuyupasti ñankha lurañampi chhaktayatawa, chuymapansti jan walinac lup'isaquiw sarnake, ch'ajjwañanac aptañanac lup'isaw sarnakaraqui.

Daniel (hebreo) 11:27

Ucapachasti panpacha reyiw purapat ñankha lurasiña amtäwimpiquipuni pachpa mesaru kont'asipjjani, ucatsti jupanaccamaw c'ari arunacampi c'arintasipjjani, ucampisa janiw maynis amtatanacapjja phokhapcaraquiniti, horasajj janïra purincatap laycu.