1 Reyes 20:12 - Qullan Arunaca

¹² Cunapachatï Ben-adad reyejj yatiyäwi catokäna ucqhajja, machascänwa reyinacamp chica, chhujllanaca lurasipcäna ucanacana. Ucatsti oficialanacaparojj sänwa: “¡Nuwantapjjam!” sasa. Ucatsti takeniwa waquichasipjjäna marcar nuwantañataqui.

Aymar Bibliia 1986

¹² Cunapachatï Ben-adad reyejj yatiyäwi catokäna ucqhajja, machascänwa reyinacamp chica, chhujllanaca lurasipcäna ucanacana. Ucatsti oficialanacaparojj sänwa: “¡Nuwantapjjam!” sasa. Ucatsti takeniwa waquichasipjjäna marcar nuwantañataqui.

Qullan Arunaka DC

¹² Kunapachatix Ben-adad reyix yatiyäwi katuqkäna ukkhasti, maynïr reyinakamp chikaw machaskäna, wakichapkatayna uka chhujllanak manqhina. Ukat Ben-adad reyix jaqinakapar säna: “¡Nuwantañäni!” sasa. Ukatsti taqiniw markar katuntañatak wakichasipxäna.

1 Reyes 20:12 Jak'a apnaqawi uñst'ayäwi

2 Samuel 13:28

uywatanacaparusti saraquitaynawa: “Walpun amuyapjjäta, cunapachatejj Amnonajj vinompi niya machantasjjani, ucapachasti nayaw sapjjäma: ‘Jiwayapjjam’ sasa, ucatsti jumanacajj jiwayapjjätawa. Jan jupar jiwayañjja ajjsarapjjamti, nayan arunacajjawa. Uqhamasti ch'amañcht'asipjjam, jan ajjsarapjjamti” sasaw Absalonajj säna.

1 Reyes 16:9

Ucampisa Zimri oficialapaw jupa contra tucüna, juparuw catuyatäna ejercitopana mä chicata nuwasiñ carronacapa. Mä urojj Ela reyejj Tirsa marcana, Arsa sat mayordomopan utapanccasinwa machjasiñcama umäna.

1 Reyes 20:16

Jupanacasti chica uruwa mistupjjäna, cunapachatejj Ben-adad reyejj jupar jakcattata quimsa tunca payan reyinacampi machasipcäna jupanacan chhujlla lurasitanacapana ucqha.

Jeremías 43:10

Jupanacarusti saraquim: ‘Take ch'amani Israelan Tatitu Diosapasti aqham siwa: Nayasti Nabucodonosor sirvirejjwa irptayanï, Babilonia marcan reyiparu, ucatsti konuñapsa uqhamaraqui carpanacapsa cawqharutejj uca kalanaca imantcta uca patjjaruw utt'ayaraquï.

Daniel (hebreo) 5:2

Umatäjjasinsti, reyejj mayiraquïnwa, cuna korit lurata jarronaca, uqhamaraqui kori copanactejj Nabucodonosor awquipajj Jerusalén templota apsuwaycataynajj ucanac aptanipjjañapataqui.

Daniel (hebreo) 5:30

Uca arumpacharaquiw Belsasar reyirojj jiwayjjapjjäna, jupasti caldeo jakenacan reyipänwa. Media marcanquiri Darioraquiw uca reino catuntasjjäna. Darío reyisti ucapachajj sojjta tunca payani maraniraquïnwa.

Lucas 21:34

“Amuyasipjjam, jan chuymanacamjja vicionacampi machañanacampi kalarayasipjjamti, uqhamarac aca jacañan llaquisiñanacampisa jan qhä urun jumanacajj acatjamat catjayasipjjañamataqui,

Efesios 5:18

Jan machjasipjjamti, machjasiñasti jiwañaruw api; antisas Kollan Ajayumpi phokt'atäpjjam.

1 Samuel 25:36

Abigail warmisti utapar cuttanjjän ucqhajj Nabal chachaparojj mä jach'a mank'äwi lurasquiri jicjjatäna. Uca jach'a mank'äwisti mä reyitacjamänwa. Uqhamarus wali c'uchiquiraquïnwa, wali machantataraqui. Ucat jupajj janiw cuns siscaraquïnti khepärmanthi alwacamajja.