1 Reyes 20:1 - Qullan Arunaca

¹ Siria marcanquir Ben-adad reyisti, take ejercitopwa tantacht'äna, uqhamarac quimsa tunca payan reyinacampi jupar jakcattata, caballeriapampi, uqhamarac nuwasiñataqui carronacapampi, ucatjja Samaria marcaru sarasinjja muyuntasinwa nuwantapjjäna.

Aymar Bibliia 1986

¹ Siria marcanquir Ben-adad reyisti, take ejercitopwa tantacht'äna, uqhamarac quimsa tunca payan reyinacampi jupar jakcattata, caballeriapampi, uqhamarac nuwasiñataqui carronacapampi, ucatjja Samaria marcaru sarasinjja muyuntasinwa nuwantapjjäna.

Qullan Arunaka DC

¹ Siria markankir Ben-adad reyix, taqpach ejercitoparuw tantacht'äna, ukhamarak kimsa tunka payan jupar jaqkattat reyinakampiru, jupanakasti caballonakapampi, nuwasïwir sarañ carronakapampi apanipxäna. Ukatsti Samaria markakamaw sarapxäna, uka markarusti muyuntasin katuntapxarakïna.

1 Reyes 20:1 Jak'a apnaqawi uñst'ayäwi

1 Reyes 15:18

Ucatsti Asajj Tatitun templopana, uqhamarac reyin palaciopan imatäqui ucan take korinaca, kollkenacwa apjjarüna, ucatsti yanapirinacap tokewa apayäna Siria ucan Ben-adad reyipan ucaru, jupasti Tabrimón chachan yokapänwa, uqhamarac Hezión ucan allchhiparaqui, jupasti Damasco marcanwa jacäna. Uqhamaraquiw aca yatiyäwi apayäna:

1 Reyes 15:20

Ben-adad reyisti iyaw sänwa Asa reyin arunacaparojja, ucatsti qhitänwa ejercitopan jilïrinacaparu Israelan marcanacaparu nuwantiri. Uqhamatwa catuntasïna Ijón, Dan, Abel-bet-Maaca chekanaca, uqhamarac take Cineret, ucatsti Neftalí take orakpacha.

1 Reyes 16:24

Jupasti Semer chachatwa alasïna Samaria kollu, sojjta tunca sojjtani kilo kollkempi; ucanwa mä marca sayt'ayäna nuwasiñataqui suma lurata, ucarusti Samaria sasaw sutichäna, uca kollun nayrïri utjir jakejj Semer satätap laycu.

1 Reyes 20:16

Jupanacasti chica uruwa mistupjjäna, cunapachatejj Ben-adad reyejj jupar jakcattata quimsa tunca payan reyinacampi machasipcäna jupanacan chhujlla lurasitanacapana ucqha.

1 Reyes 20:2

Uca pachpa horasanaracwa yatiyirinaca qhitapjjäna aca marcaru, Israelan Acab reyiparu yatiyanipjjañapataqui, aqham sasa: “Ben-adad reyejj siwa: ‘Kamir cancañamajj nayaruw wact'itu, warminacamasa, uqhamarac suma wawanacamasa’ ” sasa.

1 Reyes 20:24

Jichhajj acwa juma jach'a reyejj lurañamajja, reyinacaru konüñapata apakasinjja, oficialanacaruw jupanac lantejj uchañama;

1 Reyes 22:31

Ucampis Sirianquir reyejja nuwasiñatac carronacjjaru quimsa tunca payan capitananacaparojj sataynawa: “Janiwa qhitirus nuwjapjjätati, jan ucasti Israelan reyiparuquiwa nuwapjjäta” sasa.

2 Reyes 6:8

Siria marcanquir reyisti Israel marcampiwa guerrancäna, ucatsti oficialanacapampi mä suma parlt'asïwipansti, amtänwa cawqha chekarus campamentopajj utjnoktcani uca.

2 Reyes 8:5

Giezi chachajj reyirojj parlascänwa cunjämtï Eliseojj mä warmin wawapar jactaycäna, uca pachpa horasanwa uca warmejj reyin ucar purinïna, uta, orakenacapa cutsuyasjjañataqui. Ucatsti Giezi chachajj reyirojj sänwa: “Rey, acapï uca warmejja, uqhamarac acaraquiw uca wawapajja qhitirutejj Eliseojj jactaycäna ucajja” sasa.

Esdras 7:12

“Artajerjes jach'a reyejj Esdras chacharuwa arunti, qhititejj sacerdotëqui, uqhamarac alajjpachanquiri Diosan leyipanjama suma yatichatäqui ucaru.

Éxodo 14:7

Egiptonquir carronacatsti sojjta pataca suma carronacwa ajlliwayapjje, ucatwa sapa mayni capitanajj mä carrota sarapjjäna.

Isaías 10:8

Saraquiwa: ‘Take reyinacasti nayan apnakatcamaquiwa.

Isaías 37:24

Juman yanapirinacamampiraquiw Tatiturojj jisc'achtajja, saractawa: ‘Guerrar sarir walja carronacajjampiraquiw wali alto kollunacaru maqhatjjä, Líbano jach'a kollu ilaymiparus maqhataractwa, ucansti cedro maderanacapsa suma pinonacapsa, qhuchhuraractwa. Wali alto kollunacapcamapuniwa purtjja, pankar yapur uñtat ch'uminacaparusa.

Jeremías 49:27

Damasco marcan perkanacaparusti ninampiw naqhantayä, uca ninasti Ben-adad sat reyin palaciopsa naqhantaraquiniwa.”

Ezequiel 26:7

“Naya Tatitusti saractwa: Amsta toketjja, Babilonianquiri Nabucodonosor reyiruw jutayaraquëjja, wali ch'amani reyiwa, Tiro marcaruw nuwantaraquini. Caballonacampi, carronacampi, caballeriampi, walja soldadonacampi uqham jutani.

Daniel (hebreo) 2:37

Juma, jach'a reyiw, take reyinacat sipansa wali jach'a reyïtajja, alajjpachanquiri Diosaw aca marca apnakaña uqhamarac munañanïña, ch'amsa take jach'añchañäwinacsa churaractamjja;

Levítico 26:25

Jumanacjjarusti mä guerra jutayaraquëjja, ucaw jumanacarojj juchanacam uñt'asiyapjjätam nayan arust'äwi arunacajj p'aquintapjjatanacamatjja, jumanacasti marcanacamaru imantasiriw jaltjjapjjäta; ucampis nayajj jumanacjjarojj usunacwa apayanipjjäma, jumanacasti uñisiriman amparaparuw jalt'apjjaraquïta.

Amós 1:4

Ucatwa ninampi phichcatäjja Hazael reyin utaparojja, uca ninasti k'al naqhantaraquini Ben-Hadadan palaciopsa.

Deuteronomio 20:1

“Cunapachatejj jumanacajj uñisirinacamampi nuwasiñatac mistuwayapjjäta, ucatsti uñjapjjäta jupanacarojj soldadonacapa caballonacar lat'jjatata, nuwasiñ carronacani, uqhamaraqui ejercitopas jumanacat sipansa juc'ampi waljani, ucapachajj jan jupanacaru ajjsarapjjamti; Egipto marcat irpsunipctam uca Tatitu Diosamaw jumanacampïsqui.

Deuteronomio 28:52

“Take marcanacamaruw muyuntasina t'unjapjjaraquini, jach'a alto perkanacap tincuñapcama, cawqhanacarutejj jumanacajj iyawsañ uchapcäyat ucanaca, uqhamaraquiw muyuntapjjani, t'unjapjjaraquini take cawquïri oraktejj churctam ucanacan marcanacaparusa.

Jueces 1:7

Ucatsti Adonisedec chachajj saraquïnwa: “Nayrasti nayajja pakallko tunca reyinacaruwa amparanacatsa, cayunacatsa tayca luc'ananaca qhuchhurta, ucatsti mesajja manqhatwa jilt'a t'ant'a t'unanaca pallasiyta. Jichhasti Diosajj nayarojj cunjämtejj jupanacaru lurcäyäta uqhamaracwa lurayaraquitu” sasa. Ucatsti Jerusalén marcaruw apjjapjjäna, ucanwa jiwjjänjja.

Jueces 4:3

Jabín sat reyisti llätunca pataca fierrot lurata carronacanïnwa. Uca laycusti pä tunca maranacawa israelitanacarojj t'akhesiyapjjäna. Uqham t'akhesiñana jicjjatasisajja israelitanacajja Diosaruw arnakasjjapjjäna yanapt'añapataqui.

1 Samuel 13:5

Filisteonacasti mä toketjja tantacht'asipjjaraquïnwa, israelitanacampi nuwasiñataqui. Quimsa tunca waranka guerrar sarir carronacanïpjjänwa, sojjta waranka caballería soldadonacani, uqhamarac infantería soldadonacapasa jan jact'caya sinti waljapunïnwa, kota iramankir ch'allar uñtata. Ucatsti janc'aquiw Micmas sisqui uca chekaru sartapjjäna; campamentopjja ucaruw waquichasipjjäna, Bet-avén sisqui ucqhata inti jalsu tokeru.