1 Reyes 2:6 - Qullan Arunaca

⁶ Jichhasti jumajj luram yatiñamarjama, janiw mä suma jiwa jiwañapacjja munätati.

Aymar Bibliia 1986

⁶ Jichhasti jumajj luram yatiñamarjama, janiw mä suma jiwa jiwañapacjja munätati.

Qullan Arunaka DC

⁶ Jichhasti, jumax wali amuyt'ampi luram, janiw mä suman jiwañapakxa munätati.

1 Reyes 2:6 Jak'a apnaqawi uñst'ayäwi

Génesis 42:38

Jacobosti saraquïnwa: —Wawajjajj janiw jumanacampi sarcaniti. José jilapajj jiwjjewa, jichhasti jupa sapaquiw jacjjaraquejja. Cuna jan walt'añasa thaquin utjaspajja, jumanacaw juchanïpjjasma aca awquin llaquisiñat jiwañapataquejja —sasa.

Génesis 9:5

Nayaraquiw cuenta mayëjja sapakat jakeru, uqhamarac animalanacarusa, jumanacan wilanacamatjja. Sapakat jakeruw cuenta mayëjja jake masipan wilapatjja.

Génesis 9:6

“Maynitejj mä jakeru jiwayanejja, juparojj yakha jakew jiwayaraquini, jakesti Diosar uñtasita luratätap laycu.

2 Samuel 3:39

Ucatwa nayajj Diosan ajllita reyïcasinsa, wali ajjsarañajjaw utjitu uqham sinti jan wali Sarvia jaken yokanacapan luratanacapatjja. ¡Jichhajj Tatitojj churpan cunatejj waquisqui uca, qhititejj aca jan wali lurqui ucarojja!” sasa.

1 Reyes 2:7

Ucampis Galaad ucanquir Barzilai jaken yokanacaparusti suma chuymampiraquiw uñjäta, uqhamarac mank'añamatsa mank'ayaraquïtawa, jupanacasti imapjjetuwa cunapachatï nayajj Absalón jilamata jaltjjäyäta ucqhajja.

1 Reyes 2:9

Jumasti janiw perdonätati. Ch'iqhïtawa, ucatsti jumaw yatïta jupampi cunjäm lurañsa. Ucampis wact'ayjjätaw jiwañapajj janc'aquïñapataqui.”

1 Reyes 3:12

Nayajj phokhäwa cuntï mayquista ucjja. Nayajj chursmawa yatiñ cancaña, ch'iqhi cancaña, uqhamjja jumat nayrjja janiw qhitis yatiñanïcänti, ni jumjjarusa yatiñanïcaniti.

2 Reyes 22:20

Uca laycu nayajj cusisitaqui jiwjjañamwa waquiyta, nayra awquinacamampi jiquisiñataqui, janiw uñjcätati cuna jan walt'añtï nayajj aca chekataqui apayancä ucjja’ ” sasa. Reyin qhitatanacapasti cuttjjapjjänwa reyiru uca arunaca yatiyiri.

Salmos 37:37

Asqui jaker uñtam, suma jaker uñjam: jutir jacañapajj sumancañ jacañäniwa;

Proverbios 20:26

Yatiñan reyejj jan ist'asiri ñankha jakenacarojja jupa nayrakatatjja jakonucuwa, ucatsti jupanacarojja mä ruedampiwa tacjjatayi.

Proverbios 28:17

Qhititejj jake jiwaycani ucajja, jiwañcamaw imantasiñatac jalnakascani. ¡Uca jakerojj jan qhitis jarc'panti!

Eclesiastés 8:11

Jan wali luratanacapata jan jucha uñt'ayatajja, jakenacarojj jan walinaca luraña juc'amp yatichi.

Isaías 48:22

Ucampisa, “ñankha jakenacataquejj janiw sumancañajj utjquiti.” Uqham siwa Tatitojja.

Isaías 57:2

samarañaru mantjjapjjatapatjja. Cheka thacwa jupanacajj sarapjjäna, jichhasti sepulturanacapan samarasipqui.

Isaías 57:21

“Ñankha jakenacataquejj janiw sumancañajj utjquiti.” Diosaw uqhamjja arsu.

Isaías 65:20

Ucanjja wawanacas janiraquiw jisc'pacha jiwarapcaniti, janiraquiw chuymani jakenacas janïra maranacap phokcasajj jiwapcaniti. Patac marani jiwañasti waynpacha jiwañäniwa, uca patac marar jan purjjañasti mä maldicionaraquïniwa.

Números 35:33

“Jan cuna jake jiwayañampis k'añuchapjjamti, cawquïri marcantejj jacapcta ucarojja, jake jiwayañajj marcar k'añuchatap laycu, ucatsti janiw cunampi cuttsuyasiñas mä jake jiwayatatjja utjquiti, jan ucasti jiwayirejj jiwañapapuniwa.