1 Reyes 2:32 - Qullan Arunaca

³² Tatituwa jupana jiwatapatjja juchañchascani, Joab chachasti jan awquejjaru yatiyasawa, jupat sipansa juc'ampi pä asqui suma chachanacaru cuchillompi chhokhontasina jiwayäna: Ner jaken Abner yokaparu, jupasti Israelan ejercitopan jilïripänwa, Jeter ucan Amasa yokaparuraqui, jupasti Judá ejerciton jilïriparaquïnwa.

Aymar Bibliia 1986

³² Tatituwa jupana jiwatapatjja juchañchascani, Joab chachasti jan awquejjaru yatiyasawa, jupat sipansa juc'ampi pä asqui suma chachanacaru cuchillompi chhokhontasina jiwayäna: Ner jaken Abner yokaparu, jupasti Israelan ejercitopan jilïripänwa, Jeter ucan Amasa yokaparuraqui, jupasti Judá ejerciton jilïriparaquïnwa.

Qullan Arunaka DC

³² Tatituw jiwatapat jupa pachpar juchañchaskani, pä aski chiqa chachanakar cuchillompi chhuqhuntas jiwayatapata, uksti janiw David awkixax yatkänti. Ner jaqin Abner yuqaparuw jiwayi, jupasti israelita ejerciton jilïripänwa, Jéter chachan Amasá yuqaparux jiwayarakiwa, jupasti Judá ejerciton jilïripänwa.

1 Reyes 2:32 Jak'a apnaqawi uñst'ayäwi

Génesis 4:11

Ucat jichhajj jumajj maldicitäyätawa, jilaman wilapas wartasqui uca oraketsa jakonucutaraquïyätawa, jumaw jilamarojj jiwaytajja.

Génesis 42:22

Ucjjarusti Rubenajj saraquïnwa: —Nayajj sasipcapunsmajjaya: ‘Jan cuns lurapjjamti’ sasajja, ucampis jumanacajj janiw nayarojj ist'apcäyästatejja, jichhasti jiwatapat phokhañasaw wact'istojja —sasa.

Génesis 9:6

“Maynitejj mä jakeru jiwayanejja, juparojj yakha jakew jiwayaraquini, jakesti Diosar uñtasita luratätap laycu.

2 Samuel 1:16

Davidasti ucatjja saraquïnwa: —Jumapachaw jiwatamat juchanïsctajja, jumapacharaquiw juchamsa arsusiscaractajja, Tatitun ajllit reyiparu jiwayatamjja —sasa.

2 Samuel 17:25

Absalonasti, Joab lantjja Amasa jakeruw take ejerciton sarayiripatjja uscuraquitayna. Amasa jakesti mayni ismaelita jaken yokaparaquïnwa, uca jakesti Itra sataraquïnwa, jupasti Abigail sat warmimpiw sarnakaraquitayna, uca warmisti Nahas sat jaken phuchapänwa, Sarvian cullacapa, cawquïritejj Joab chachan taycapäcän uca.

2 Samuel 3:29

Take juchasti Joab jaken p'ekepjjaru puriscpan, uqhamaraqui take familiapjjarusa, utapansti utjaquipunpan maynisa wila apa usunejja, lepra usunisa, jan ucajj cojosa, jan ucasa jaken jiwayatasa, mank'ata pist'ayasiñasa” sasa.

2 Samuel 3:37

Uca urusti israelit jakenacajj sumwa amuyjjapjjäna, Davidajj jan cuna luratapas utjcänti Ner jaken Abner yokapan jiwatapampejja.

2 Samuel 3:39

Ucatwa nayajj Diosan ajllita reyïcasinsa, wali ajjsarañajjaw utjitu uqham sinti jan wali Sarvia jaken yokanacapan luratanacapatjja. ¡Jichhajj Tatitojj churpan cunatejj waquisqui uca, qhititejj aca jan wali lurqui ucarojja!” sasa.

2 Samuel 4:11

¡Jichhajj ucat sipansa juc'ampwa jumanacampejj luraraquëjja, jan wali jakenaca, jumanacajj mä jan juchan jakeruw jiwayapjjtajja, jupan utapan iquisquiriruw jiwayapjjtajja! Uca laycu, jichhajj nayaw jumanacarojj uca jucham uñt'asiyapjjäma. ¡Jumanacarojj k'alwa aca oraket chhactayapjjäma! —sasa.

1 Reyes 2:44

Jumajj sumwa yattajja cuna jan waltejj David awquejjaru lurctajja ucjja. Ucatwa Tatitojj wact'ayi cuna jan waltejj lurctajj ucjja juma pachpa catokañamataqui.

1 Reyes 2:5

“Jumajja yattawa cuntï Sarvia jaken Joab yokapajja lurquitäna ucjja, cunjämtï lurcäna Israelana ejercitopana pani generalanacapampi: Ner jaken Abner yokapampi, uqhamarac Jeter jaken Amasa yokapampisa, jupanacarusti sumancañ horasanwa jiwayäna, guerran jiwayatanacat cutsuyasiñataqui, uca jiwayatanacata nayar jucha jakosina.

1 Reyes 8:32

jumajja alajjpachatpacha ist'anim, ucatsti luraraquïm, uywatanacamarusti chekaparuraqui uñjam. Juchanirusti juchañcharaquim, jan juchanirusti chekaparuraqui uñjaraquim cunjämatï wact'qui uqhamaru.

2 Crónicas 21:13

jan ucasti Israel reyinacan sarnakäwiparuwa sarnaktajja, ucatsti jumaraquiw juchanïtajja Judá orakenquiri, Jerusalenanquiri jakenacana jan Tatitump sum sarnakapjjañapataquejja, cunjämtï Acab familiajj jacapcäna uqhama. Ucjjarusti jumajj jilanacamarojj jiwarayaractawa, jupanacasti jumat sipansa juc'amp asquinacäpjjänwa.

2 Crónicas 21:14

Ucatwa Tatitojj mutuyani marcamarusa, wawanacamarusa, warminacamarusa, uqhamarac orakenacamarusa mä jach'a jan walt'añampi.

Ester (hebreo) 1:19

Uqhamasti, reyitaqui waliquïchi ucajja, mä ley mistpana yatipjjañapataqui, uqhamarac uca decretojj Persia, Media uca marcanquir leyinacaparu kellkantataraquïpana, jani qhitins apsutäñapataqui: ‘Reina Vastisti janipuniw mayampis reyin ucarojj jutañapäcjjeti, jan ucasti reina sutejja yakha asqui warmiru churatäjjpan’ sasa.

Salmos 7:16

¡Ñankha luratanacapajj p'ekepjjaruw cutjjatani, khoru cancañapajj p'eke ch'aqhapjjaruw jaljjattani!

Salmos 7:17

Nayasti, Tatituruw chekapar uñjatapat jach'añchä, alajjpachanquir Tatitun sutiparuw k'ochunac k'ochü.

Ezequiel 17:19

“Naya Tatituw jacañajj laycu juramentompi arsta: Jupajj cuna juramenttejja nayampi lurcän ucanacatjja sawcasiwa, cuna arust'äwinacarutejj mantapcta ucanacatsa phiscasiraquiwa jan phokhasa, ucatpï jichhajj juparojj luratapatjja wayt'äjja.

Números 32:23

Ucampisa janitejj uqham lurapcäta ucqhajj Tatitu contraw jucha lurasipcta, ucatsti mä uruw uca juchanacatjja mutuyäwejj purinini.

Jueces 9:24

Uqhamata Abimelec chachajja Jerobaal awquipan pakallk tunca yokanacapa jiwarayatapat pago catokañapataqui, uqhamarac Siquem marcanquirinacasa pago catokapjjañapataqui yanapapjjatap laycu.

Jueces 9:57

Uqhamarac Diosajj mutuyaraquïnwa Siquem marcanquir jakenacarojj jan wali luratanacapatjja. Uqhamaw Jotam sata Jerobaal chachan yokapan maldicitapajj phokhasïna.

1 Samuel 15:28

Ucat Samuelojj Saúl reyirojj saraquïna: —Cunjämtejj ch'iyakquistajja uqhamaracwa jumarojj Tatitojj Israelan tronopatjja ch'iyakjjaractamjja. Juman mayni marca masimar catuyjjañataquiw apakjjtam, cawquïritejj jumat sipansa juc'ampi wali asquïqui ucaru.