1 Reyes 2:26 - Qullan Arunaca

²⁶ Ucjjarusti Abiatar sacerdoterojja saraquïnwa: “¡Anatot orakemaru sarjjam! Jumarojj jiwayañawa waquisejja, ucampis janiw jichhajj jiwaycämati, jumajj Tatitun arcapa apatam laycu David awquejjan nayrakatapana, uqhamarac t'akhesiractajja pachpa t'akhesiñanaca jupjamaraqui uca laycu” sasa.

Aymar Bibliia 1986

²⁶ Ucjjarusti Abiatar sacerdoterojja saraquïnwa: “¡Anatot orakemaru sarjjam! Jumarojj jiwayañawa waquisejja, ucampis janiw jichhajj jiwaycämati, jumajj Tatitun arcapa apatam laycu David awquejjan nayrakatapana, uqhamarac t'akhesiractajja pachpa t'akhesiñanaca jupjamaraqui uca laycu” sasa.

Qullan Arunaka DC

²⁶ Ukxarusti reyix Abiatar sacerdoteruw sarakïna: “¡Anatot uraqimar sarxam! Jumarux jiwayañaw wakisi, ukampis janiw jichhax jiwaykämati, David awkixan nayraqatapan Tatitun arcap apatam layku, jupjamaraki pachpa t'aqhisiñanak t'aqhisitam layku” sasa.

1 Reyes 2:26 Jak'a apnaqawi uñst'ayäwi

2 Samuel 12:5

Davidasti uca jake contrajj walpun colerasïna, Natanarusti saraquïnwa: —¡Diosan sutipjjaruw arsta, cawquïri jaketejj uc lurqui ucajj jiwañapawa!

1 Reyes 1:25

Jupasti sarasinjja qhaririwa orko vacanaca, vaca kallunaca, uqhamarac walja ovejanacaraqui, ucatsti juma jach'a reyin yokanacamarusa jawsayaraqui, uqhamarac ejerciton jilïrinacaparu, ucatsti Abiatar sacerdoterusa. Ucatjja ucanwa mank'asipqui, umasipqui jupampi, ucatsti arnakasipjjaraquiwa: ‘¡Jach'achatäpan Adonías reyejja!’ sasa.

1 Reyes 1:7

Ucatsti mä suma amtäwiruw mantapjjäna Sarvia ucan Joab yokapampi, uqhamarac Abiatar sat sacerdotempi, jupanacasti Adoniasarojj yanapapjjänwa.

1 Reyes 2:35

Ucjjarusti reyejj Benaía chacharojj ejerciton jilïripatwa uchäna Joab lanti, uqhamarac Abiatar sacerdote lantjja Sadoc sacerdoteruraquiwa ucharaquïna.

Isaías 10:30

¡Bat-Galim marcasti wal arnakasi! ¡Laisasti ist'araquiwa! ¡Anatotasti jaysaraquiwa!

Jeremías 1:1

Jeremiasan arsüwinacapampi, luräwinacapampi: jupasti Hilcías jaken yokaparaquïnwa. Jeremiasajj sacerdotenac familiat jutirïnwa, jupanacasti Anatot sisqui uca marcan jacasipjjaraquïna, Benjamín tribun orakepana.

Mateo 10:42

Qhititejj aca jisc'anacat mayniru mä vaso ch'uch'u umacsa wajjt'anejja nayar arcatap laycu ucajja, chekapuniw uqham luratapat churäwi catokani.”

Lucas 22:28

“Jumanacajj nayamp chicäsipcapuntawa t'akhesiñanacajjanjja.

Gálatas 3:4

¿Ucatak t'akhesitanacamajj inamayaquëjjeti? ¡Añchaquit mä cunataquis asquicaspa!

Josué 21:18

Anatot, uqhamaraqui Almón marcanaca churapjjäna. Takpachanisti pusi marcanaca sapakat maynis uywa awatisiñ orakenacan cuna.

1 Samuel 2:32

Cuna asquinactejj Israel marcaru lurcä ucjja llaquisiñampi envidiasiñampiraquiw uñch'uquïtajja, janipuniw jichhajj familiamatjja maynis chuymancama jaccaniti.

1 Samuel 26:16

Luratamajj janiw walïquiti. Nayasti Tatitun sutipjjaruw juramentompi arsta: jumanacajj jiwarayatäpjjañamaw waquisejja, jumanacasti janiw Tatitun ajllita reyiparojj sum uñjapctati. ¡Jichhajj lanzapampi, uma wacullapampi thaktam, cunanacatejj ch'ijmañapanccäna ucanaca, inach jicjjatäta! —sasa.