1 Reyes 2:2 - Qullan Arunaca

² “Nayasti sarjjäwa, cunjämatï take jakenacas aca oraket sarjjapjje uqhama. Jumajj ch'amañchasim, chachjamaraqui sarnakam.

Aymar Bibliia 1986

² “Nayasti sarjjäwa, cunjämatï take jakenacas aca oraket sarjjapjje uqhama. Jumajj ch'amañchasim, chachjamaraqui sarnakam.

Qullan Arunaka DC

² “Nayax sarxäwa, kunjämatix taqi jaqinakas aka uraqit sarxapki ukhama. Jumax ch'amañchasim, chachjamarak sarnaqam.

1 Reyes 2:2 Jak'a apnaqawi uñst'ayäwi

2 Samuel 10:12

Ch'am catjjatam, jan ajjsaramti, marcasar arjjatañ laycusti jan ajjsarasaraquiw nuwasiñäni, Diosasan marcanacapätap laycu. Ucjjarusti Tatituraqui cunatejj jupataquejj sumäqui uc lurpan” sasa.

2 Samuel 12:23

Ucampis jichhajj jiwatäjjewa, ¿cunatarac jichhasti ayunascästi? Janejjay uca wawajj jactcchinitejja. ¡Nayaw uca wawampi jiquisirejj sarä, ucampis jupajj janiw nayampi jiquisirejj jutcaniti! —sasa.

1 Reyes 3:7

Juma Tatit Diosajjawa reyita uchistajja David awquejj lanti, nayajj mä wawa waynaquïctsa jan yatiñani ucasa.

1 Crónicas 22:13

Take cunasa asquiruw sararapïtam, cuntejj Tatitojj Israel marcataqui Moisesar churcäna uca leyinacapa, uqhamarac ewjjanacapa phokhäta ucqhajja. ¡Ch'amañchasim, sumarac sayt'araquim; janipuni mayjt'asimti, ni ajjsararaquimsa!

1 Crónicas 28:10

Jichhasti sum amtasim Tatituw jumarojj ajllistam jupataqui mä templo lurayañamataqui, ucaw jupan kollan utapäni. Ucatsti, ¡ch'amañchasim, uqhamarac jichhajj luraraquim!” sasa.

1 Crónicas 28:20

Ucatsti Davidajj Salomonarojj sänwa: “¡Ch'amañchasim, janirac mayjt'asimti, uqhamarac jichhajj lurañaru uscusim! ¡Janipun ch'am thayjtayasimti, ni ajjsaramsa, Tatitu Diosajjasti jumampïscatap laycu! Jupasti janiw jaytanuccätamti, ni apanuccätamsa, take lurañanacajj Tatitur sirviñataqui templona tucusiñapcama.

Job 16:22

Juc'a maranacaquiw jacañajjataquejj utj-jje, ucanacasti janc'aquiw pasawayjjaraqui, ucatsti janc'aquiraquiw jan mayampi cuttaniñataqui sarawayjjäjja.

Job 30:23

Yatiractwa jumajj nayarojj jiwañaru apañ munatama, cawqharutejj take jakejj puriñapäqui ucaru.

Salmos 89:48

Janiw qhitis wiñay jaccaspati, janiw qhitis jiwan ch'amapat khespcaspati.

Eclesiastés 12:13

Parlañajj tucuyjjewa. Takewa parlatäjje. Diosar yupaycham, ucatsti camachi arunacapa phokham, take ucanacajj jaketaquïtap laycu.

1 Corintios 16:13

Suyapjjapunim, iyawsañanacamansti ch'aman sayt'apjjam, chachjama sarnakapjjam, ch'amañchasipjjaraquim.

Efesios 6:10

Jichhajj jilatanaca, ch'amañchasipjjam Tatitumpi, uqhamarac jach'a ch'amapampisa.

Deuteronomio 31:23

Josué sat Nun chachan yokaparojja Tatitojj aca ewjjanacwa churaraqui: “Ch'amañcht'asim, sayt'asiraquim, jumaw israelitanacar puriyäta, cawquïri oraktï arojjampi arsusin churä siscta ucaru, nayaraquiw jumampïscä” sasa.

1 Timoteo 4:12

Waynätam laycojj jan jisc'achayasimti, jan ucasti, iyawsirinacampi mä suma uñtcañ sarnakam parläwimana, sum sarnakañana, munasiñana, Cristor arquirin jacañana, iyawsäwina, k'oma cancañan jacasa.

2 Timoteo 2:1

Jumasti wawajja, Cristo Jesusampi mayaru tucutas laycu bendicionas utjquistu ucampi ch'amañchasim.

Hebreos 9:27

Cunjämatejj take maynins mä cuti jiwañapäquejja, ucjjarusti taripäwiw jutaraqui.

Josué 23:14

“Nayasti niyaw jiwjjä, ucampis muntwa jumanacan amtasiñanacama take chuymanacamampi, uqhamaraqui take jacañanacamampiraqui. Diosasti take suma arunacapwa jumanacampi phokhe, cunjämtï jupajj arsüna uqhama. Janiw cuna arunacapas jan phokhasisajj pasawayquiti.