1 Reyes 2:15 - Qullan Arunaca

¹⁵ Adoniasajj sänwa —Jumajj yattawa, reyïñajja nayaruw wact'itäna, uqhamaraquiw take Israel marcpachasa suyascaraquïna nayana reyïñajja. Ucampis reyïñajja jilajjaru churatäjjewa, uqhamjja Tatituwa wact'ayäna jupan reyïñapataqui.

Aymar Bibliia 1986

¹⁵ Adoniasajj sänwa —Jumajj yattawa, reyïñajja nayaruw wact'itäna, uqhamaraquiw take Israel marcpachasa suyascaraquïna nayana reyïñajja. Ucampis reyïñajja jilajjaru churatäjjewa, uqhamjja Tatituwa wact'ayäna jupan reyïñapataqui.

Qullan Arunaka DC

¹⁵ Adoniasasti sänwa: —Jumax yattawa, Israel marka apnaqañax nayaruw wakt'itäna, taqi markpachaw nayan reyïñaxa suyaskarakïna. Ukampis jichhax Salomón jilaxaw reyit utt'atäxi, Tatituw ukhamäñap munatayna.

1 Reyes 2:15 Jak'a apnaqawi uñst'ayäwi

2 Samuel 12:24

Ucatsti Davidajj Betsabé warmiparojj chuymacharaquïnwa. Uñjiri sarasinsti, uca warmimpiw iquintäna, ucat uca warmejj mä yokall wawa wawachasïna, ucarusti Davidajj Salomón sasaw sutiyäna.

2 Samuel 15:13

Mä jakew Davidan ucaru yatiyiri sararaquitayna: “Israelita jakenacajj Absalonaruw jakccatjjapjje” sasa.

2 Samuel 15:6

Uqhamaw Absalonajj take qhitinacatejj reyin ucar cheka uñjäwi mayiri sarcän uca israelitanacarojj catokäna, uqhamat jupanacan chuymapa sallkjaraquïna.

2 Samuel 16:18

—Janiw nayajj sarquiristti, nayasti kheparäwa cawquïrirutejj Tatitojj uqhamaraqui Israel marcasa ajllisqui ucampi.

2 Samuel 3:3

ucjjarusti Quileab sataraquïnwa, ucasti Carmel token utjiri Nabal jaken ijmapa, Abigail warmin wawaparaquïnwa; ucjjaru, quimsïri wawapasti Absalón sataraquïnwa, Maaca warmin wawapa, uca warmisti Talmai jaken phuchapänwa, jupasti Gesur marcan reyiparaquïnwa.

2 Samuel 3:4

Pusïri yokapasti Adonías sataraquïnwa, Haguit warmin wawaparaqui. Pheskëri yokapasti Sefatías sataraquïnwa, Abital warmin wawaparaqui.

2 Samuel 7:12

cunapachatejj jacañamajj tucusjjani ucatsti jiwjjaraquïta, ucapachasti nayaw mayni juman wawamaru marcan reinopjjaru utt'ayaraquï.

1 Reyes 1:25

Jupasti sarasinjja qhaririwa orko vacanaca, vaca kallunaca, uqhamarac walja ovejanacaraqui, ucatsti juma jach'a reyin yokanacamarusa jawsayaraqui, uqhamarac ejerciton jilïrinacaparu, ucatsti Abiatar sacerdoterusa. Ucatjja ucanwa mank'asipqui, umasipqui jupampi, ucatsti arnakasipjjaraquiwa: ‘¡Jach'achatäpan Adonías reyejja!’ sasa.

1 Reyes 1:38

Ucatsti Sadoc sacerdotesa, Natán profetasa, Joiada ucan Benaía yokapasa, uqhamarac cereteonacasa, peleteonacasa sarapjjänwa, ucatsti Salomonarojja David reyin mulaparuwa lat'jjatayawayapjjäna, ucatsti Gihón chekaruw irpapjjäna.

1 Reyes 1:39

Sadoc sacerdotejj Tatitump Jiquisiñ Carpata mä keru aceite aptasinwa ucampi Salomonaru reyïñapataqui loktäna. Ucjjarusti phust'apjjänwa orko ovejan wajjrapata, ucatsti take jakenacawa jach'at art'apjjäna: ‘¡Salomonajj jach'achatäpan!’ sasa.

1 Reyes 1:5

Uccañcamasti Davidampina, Haguit warmipampina Adonías sat yokapasti, jupa toke sayt'asisinjja sänwa: “Nayaw reyëjjajja” sasa. Ucatsti waquicht'asïnwa nuwasiñ carronaca, caballería carronacsa, uqhamarac pheska tunca guardia jakenacaraqui jupar imapjjañapataqui.

1 Reyes 2:14

Ucatsti sascaquïnwa —Maywa sañ munäyäsma —sasa. Betsabé warmisti —Sascaquita —sänwa.

1 Reyes 2:16

Jichhasti maywa achict'asiña munsma, janiquiy “Janiw” sistati —sasa. Betsabé warmisti —Parlascaquim —sänwa.

1 Reyes 2:22

Reyisti ucjjarojj taycaparojj sänwa: —¿Cunatsa mayistajja sunamita Abisag tawakjja Adoniasan warmipataquijja? ¡Reyïñajja jupar churjjañajjaquiw ucjjaru mayiñamajj wact'jjtamjja, jupajj jilïr jilajjätapata, ucatsti Abiatar sacerdotesa, uqhamarac Sarvia jaken Joab yokapasa jupampïtap laycuraqui! —sasa.

Proverbios 21:30

Tatitun nayrakatapanjja janiw yatiñasa, ch'iqhi cancañasa, suma amuyt'anacasa cunäcjjeti.

Daniel (hebreo) 2:22

Jupaw khanañchi jamasan imantata yänacsa, cunatejj ch'amacancqui ucsa yatiraquiwa, khanasti jupancaraquiwa.