1 Reyes 2:12 - Qullan Arunaca

¹² Ucatsti Salomonaw David awquipa lantejj reyëjjäna; jupan apnakañapasti wali suma sayt'ayatänwa.

Aymar Bibliia 1986

¹² Ucatsti Salomonaw David awquipa lantejj reyëjjäna; jupan apnakañapasti wali suma sayt'ayatänwa.

Qullan Arunaka DC

¹² Uka qhipatsti Salomonax David awkip lantiw reyit utt'asxäna; jupasti Israel markarux wali suma sayt'ayata, ch'aman marka tukuyäna.

1 Reyes 2:12 Jak'a apnaqawi uñst'ayäwi

2 Samuel 7:29

jichhajj, aca sirviriman wawanacaparojj bendiciraquimaya, uqhamat juman yanapamampejj wiñayataquïpjjañapataqui. Jumaw, Dios Tatitu, arstajja, juman bendicionamampisti, aca sirviriman wawanacapajj wiñayataquipunïniwa” sasaw Davidajj mayisïna.

1 Reyes 1:13

Saram, ucatsti David reyin ucar uñstasinjja aqham saraquim: ‘Juma reyejja juramentompiwa nayarojj säyätajja Salomón yokajjana reyïñapataqui juma reyjjaru, uqhamarac tronomarus kont'asiñaparaqui. Jichhasti ¿cunatraqui Adonías chachasti reyëjjesti?’

1 Reyes 1:30

cuntejj Israelan Tatit Diosap laycu juramento lurcäyäsma, ucwa jichhürpacha phokhäma: jumana Salomón yokamawa tronojjaru maqhatasina kont'asini, naya lanti ucatsti nayjjaruwa reyïni.

1 Reyes 1:35

Ucatsti jumanacajja jupan khepapwa jutapjjäta, uqhamata jupajj jutasina tronojjana kont'asiñapataqui, uqhamarac naya lanti reyïñapataqui, nayasti wact'aytwa jupajj jilïrïñapataqui Israel marcjjaru, uqhamarac Judá orakjjarusa.

1 Reyes 1:46

Uqhamarusa Salomonajj reyin konuñapanwa kont'asjje,

1 Reyes 2:46

Ucatsti reyejj ordenänwa Joiada ucan Benaía yokaparu, jupasti mistunisinjja jiwayänwa Simei chacharu. Uqhamatwa reinopajj sum sayt'awayäna Salomonan amparapana.

1 Crónicas 23:1

Davidasti wali chuyman awquëjjäna ucqhajja, Salomón yokaparuw utt'ayäna Israel marcjjaru reyïñapataqui,

2 Crónicas 1:1

Davidan, Salomón yokapasti, Tatitu Diosan yanapapampejja reinopjja sumwa utt'ayasïna, ucatsti ch'amapajj juc'ampiwa jiljjatäna.

Salmos 132:12

“Juman allchhinacamat mayniruw reyi konuñamar kont'ayä. Wawanacamatejj arust'äw arunacajjar phokhapjjani, yatichäw arunacajjar phokhapjjaraquin ucajja, wawanacaman wawanacapas wiñayaw reyi konuñaman kont'asipjjaraquini” sasa.