1 Reyes 19:8 - Qullan Arunaca

⁸ Eliasasti sartasisinjja mank'äsinwa, umt'asiraquïnwa. Ucatjja uca mank'ajja ch'amwa churäna pusi tunca uru, pusi tunca arumampi sarañataqui, Diosan Horeb sat kolluparu puriñcama.

Aymar Bibliia 1986

⁸ Eliasasti sartasisinjja mank'äsinwa, umt'asiraquïnwa. Ucatjja uca mank'ajja ch'amwa churäna pusi tunca uru, pusi tunca arumampi sarañataqui, Diosan Horeb sat kolluparu puriñcama.

Qullan Arunaka DC

⁸ Eliasasti sartasisin manq'asïna, umt'asirakïna. Uka manq'aw ch'ama churäna pusi tunka urumpi, pusi tunka arumampi thakhinjam sarañataki, Tatitun Horeb qullupar puriñkama.

1 Reyes 19:8 Jak'a apnaqawi uñst'ayäwi

1 Reyes 17:6

Cuervo sat jamach'inacawa t'ant'ampi aychampi aparapipjjerïna alwanacasa, jayp'unacasa. Umsti umänwa uca jawirata.

1 Reyes 19:7

Ucampis Tatitun angelapajj payïri cutinwa jutäna, llamct'asinjja sänwa: “Sartasim, ucatjja mank'asim, thaqui sarañamajja wali jayäsquiwa jumataquejja” sasa.

Éxodo 19:18

Ucampis takpach Sinaí kollutsti walipuniw nina jiwk'ejj mistsüna Tatitojj nina taypinjama kolljjaru jutatap laycu. Uca jiwk'esti mä hornotjamwa mistsüna, ucatsti takpach kolluwa wali qhathatïna.

Éxodo 24:18

Moisesasti kenay taypinjamwa kollurojj maqhatäna, kollunjja pusi tunca urumpi, pusi tunca arumampiwa ucancäna.

Éxodo 3:1

Moisesasti Jetro sat awcch'ipan ovejanacapwa awatïna, uca awcch'ipasti Madián sat chekanjja sacerdotënwa. Ucampis mä urojja ovejanacwa wali jayaru wasaranjama anaquïna, Horeb sat Diosan kolluparu puriñcama.

Éxodo 34:28

Moisesasti Tatitumpi chicänwa pusi tunca uru, pusi tunca aruma jan mank'ata, uqhamarac jan umas umt'ata uqhama; jupasti kala tablanacaruw kellkascäna Diosan tunca camachi arunacapjja.

Éxodo 4:27

Ucañcamasti Tatitojj Aaronaruraquiw saraquïna: “Wasararu saram Moisés jilamar catokañataqui” sasa. Aaronasti iyaw sasawa saräna Diosan kolluparu puriñcama, ucansti Moisés jilapar jicjjatasinjja jamp'att'asinwa aruntäna.

Daniel (hebreo) 1:15

Tunca urunaca pasatatsti uca waynanacajj cawquïrinacatejj reyin mank'añapata, uqhamaraqui reyin vinopata umapcän uca waynanacat sipansa juc'ampi c'umara, ch'amaniw jicjjatasipjjäna.

Mateo 4:2

Jesusasti ucapachajj jan mank'ataw sarnakäna pusi tunca urumpi pusi tunca arumampi, ucatsti mank'at awtjayasiraquïna.

Marcos 1:13

Jupasti pusi tunca urunacaw ajjsarcañ animalanacampi wasarancäna. Ucanwa Supayajj yant'äna, ucatsti angelanacaw juparu sirviri jutapjjäna.

Lucas 4:2

Ucansti Jesusajj pusi tunc uruw ucancäna, Supayasti yant'araquïnwa. Ucürunacanjja janiw cuns mank'cataynati, ucat jupajj mank'at awtjayasïna.

2 Corintios 12:9

ucampis Tatitojj situwa: “Munasiñajjaquiw jumataquejj waquichatajja, nayan ch'amajjasti juc'ampi sumaw uñsti cunapachatï jakejj t'uqha jicjjatasqui ucqha” sasa. Uqhamajj nayajj cusistwa, Criston ch'amapajj nayan t'uqhasiñajjan uñstañapataqui.

Deuteronomio 9:18

Ucatsti Tatitu Diosan nayräjjaparuw quillt'asta, cunjämatï nayrïrejja lurcäyäta uqhamaw pusi tunca urumpi pusi tunca arumampi ucancäyäta jan cuns mank'asa ni umasa, jumanacan jucha luratanacam laycu, cunampitejj Diosarojj ñankhachapjjta uqhamarac colerayapjjaracta.