1 Reyes 19:10 - Qullan Arunaca

¹⁰ Jupasti sänwa: “Nayajj uñjtwa jumana munasiñama take ch'amani Dios Tata, israelitanacasti juman sumancäwi arunacamjja apanucupjjewa, uqhamarac altaranacamsa allinucupjje, ucatsti espadan puntapampiwa profetanacamarojj jiwarayapjje. Naya sapaquiwa kheparjjta, jichhasti thakasipquituwa jiwayañataqui” sasa.

Aymar Bibliia 1986

¹⁰ Jupasti sänwa: “Nayajj uñjtwa jumana munasiñama take ch'amani Dios Tata, israelitanacasti juman sumancäwi arunacamjja apanucupjjewa, uqhamarac altaranacamsa allinucupjje, ucatsti espadan puntapampiwa profetanacamarojj jiwarayapjje. Naya sapaquiwa kheparjjta, jichhasti thakasipquituwa jiwayañataqui” sasa.

Qullan Arunaka DC

¹⁰ Jupasti sänwa: “Nayan jumar jaysataxaw walpun llakisiyitu, jumax taqi ch'aman Dios Tatitütawa. Israelitanakax jumampi lurat arust'äwi apanukupxi, altaranakamsa allinukupxiwa, profetanakamarusti jiwarayapxarakiwa. Naya sapakiw qhiparxta, jichhasti jiwayañatakiw thaqhasipkitu” sasa.

1 Reyes 19:10 Jak'a apnaqawi uñst'ayäwi

1 Reyes 18:10

Nayajj juramento lurta Tatit Diosam laycu, utanejjajja jumarojj qhitanaca qhitasinwa thakaytam take marcanacana, reinonacansa; cunapachatï yatiyapjjäna jan jumana ucancatama ucqhajja, utanijjasti juramentwa lurayäna chekpachana jan jumar jicjjatapjjatapata.

1 Reyes 18:17

Uñjasinsti juparojj sänwa: —Uqhamajj, ¿jumätati Israel marcaru ch'ajjwayirejja? —sasa.

1 Reyes 18:20

Acab reyejj qhitänwa take israelitanacar jawsanipjjañapataqui, ucatsti tantachänwa profetanacarojja Carmelo kolluna.

1 Reyes 18:22

Eliasajj arsuscaquïnwa, aqham sasa: —Naya sapaquiwa Tatitun profetapajj jacasctjja, ucampis Baal diosan profetanacapasti pusi pataca pheska tuncanïpjjewa.

1 Reyes 18:30

Ucatsti Eliasajj take jakenacarojj sänwa: “Nayar jac'achasinipjjeta” sasa. Take jakenacawa jupar jac'achasinipjjäna, ucatsti jupajj Tatitun altarapa waquichañaruwa uchasïna, ucasti tucjatänwa.

1 Reyes 18:4

Cunapachatï Jezabel warmejj Tatitun profetanacaparu jiwayaña kalltäna ucqhajja, jupajj pataca profetanacaruw apthapïna, ucatjja payaruw jaljäna pheska tuncacama, pä puturuwa imantäna, ucatsti churänwa mank'aña jupanacataqui.

1 Reyes 19:14

Jupasti sänwa: “Nayajj uñjtwa jumana munasiñama take ch'aman Dios Tata, israelitanacasti juman sumancäwi arunacamjja apanucupjjewa, uqhamarac altaranacamsa allinucupjjewa, ucatsti espadan puntapampiwa profetanacamarojj jiwarayapjje. Naya sapaquiwa kheparjjta, jichhasti jiwayañataquiw thakasipquitu” sasa.

1 Reyes 19:2

Ucatsti Jezabel warmejj mä yatiyirwa Eliasan ucaru qhitäna yatiyaniñapataqui, aqham sasa: “¡Jumatejj Eliasästajja, nayajj Jezabelaraquïtwa! Ucatsti diosanacajj nayarojj walipuni mutuyitpan, kharürojj janitejj aca pachpa horasaru jumar lurcaraquïma, cunjämtï uca profetanacampi lurctajja uqhama ucqhajja” sasa.

1 Reyes 20:13

Uccañcamasti Israelan Acab reyin nayrakataparusti mä profetaw jutäna, aqham sasa: —Tatitojj aqham siwa: ‘Jumajja uca walja uñisirinacam uñjcta ucasa, nayawa amparamaru jichhürojj catuyäma, juman yatiñamataqui nayajj Tatitötajja’ —sasa.

1 Reyes 20:22

Ucatsti profetajj wastatampiw Israelan reyipan nayrakataparu saräna, aqham sasa: —Saram, ejercitomjja yapjjatanim, ucatsti suma lup'iraquim cunatejj lurañamäqui uca; Siria marcanquir reyisti wastatampiw cutt'anini mä marata jumamp nuwasiri —sasa.

1 Reyes 20:35

Ucampis profetanac taypita mä profetajj masiparojj sänwa Tatitun munañapata: —¡Chhojjriñchjita! —sasa. Ucampis uca maynejj janiw chhojjriñchjaña muncänti.

1 Reyes 22:8

Israelan reyipasti Josafat reyirojj sänwa: —Maynimpiw utjasqui, jupa tokewa Tatiturojj jisct'aracsna. Ucasti Micaías satawa, Imla sat chachan yokapa. Ucampis nayajj juparojj uñistwa, jupasti janipuniwa nayarojj sumanacjja yatiyquituti, jan ucasti jan walinacaqui yatiyitu —sasa. Ucatsti Josafat reyejj sänwa: —Jan uqham samti —sasa.

2 Reyes 10:16

aqham sasa: —Nayamp chica sarañäni, ucatsti uñjätawa Tatitur ancha munatajja —sasa. Uqhamawa carropata irpäna.

Nehemías 9:26

“Ucampis jupanacajj jan ist'asirinacäpjjänwa, juma contraw tucupjjäna, uqhamarac leyimarusa jisc'achapjjaraquïnwa. Ucjjarusti jiwayapjjänwa profetanacamarojja jupanacar juchañchatapata jumar cutt'anjjañapataqui, ucatjja jach'a juchanacwa juma nayrakatan lurapjjäna.

Salmos 119:126

Tatay, urojj purinjjewa, waquisjjew cun lurañamasa: arunacamarojj janiw ist'añ munapquiti;

Salmos 119:139

Arunacamar munañaw take cun armayitu, uñisirinacajjajj arunacamat armt'asipjje.

Salmos 119:26

Sarnakäwejj uñacht'aysma, jumasti ist'istawa. Leyinacamay yatichita.

Salmos 69:9

Utamar munañaw nayar tucuntitu, jumar tokerinacan arunacapajj, nayjjarcamaw wact'i.

Salmos 78:37

janiw chuymanacapajj khan arsupcänti, janiraquiw arust'äwiparjamas phokhapcänti.

Éxodo 20:5

Janiwa uca diosanac nayrakatan alt'asïtati, janiraquiw yupaychätasa, naya sapaquïtwa jumana Tatitu Diosamajja, janiw muncti yakhanacampïpjjañama, nayaraquiwa mutuyaracta awquinacan juchanacapatsa, uqhamarac cunapachatejj nayar uñisipquitu ucqhajja wawanacarusa, allchhinacarusa, allchhinacan wawanacaparusa.

Éxodo 34:14

“Janipuniw yakha diosanacarojj yupaychapjjätati, Diosasti janiw munquiti yakhampïpjjañama, jan yakhampïñap muniri sataraquiwa.

Isaías 49:4

Nayasti sascaraquiyätwa: “Inamayaw ch'am tucta, ch'amanacajjsa jan cuna yäniquiraquiw inamayataqui tucjasta. Chekpachansa take cunajjas Tatitun amparapanquiwa, Catokañajjasa Diosan jach'a ch'amapanquiwa” sasa.

Jeremías 2:30

Inamayaw jumanacan wawanacamarojj mutuytjja, janiraquiw jan wali luratanacapat cuttaniñsa munapcaraquiti, jumanacasti mä khoru leonanacar uñtataraquiw pachpa profetanacamarojj jiwarayapjjtajja.

Jeremías 36:26

Jan ucasti Jerameel jakeruw saraquïna Jeremías profetaru, Baruc sat kellkeripampiru catuntañapataqui. Uca Jerameel jakesti palacionquirinacat jutiriraquïnwa, Azriel sat jaken Seraías yokaparu, Abdeel jaken Selemías yokapampiru, Jeremías profetaru, Baruc kellkeripampiru catuntaniñapataqui, ucampis Tatituw jupanacarojj imantjjäna.

Oseas 5:11

Efrainajj t'akhesiyatawa, jupancqui ucanacas k'ala aparataraquiwa, c'ari diosanacar sirviña wali munatap laycu.

Miqueas 6:16

Jumajj Omri jakena, uqhamarac Acab jaken familianacapan arsutanacapa, uqhamaraqui luräwinacapwa lurtajja uca laycu, ucatsti cunjämtejj jupanacajj sarnakcänjja uqhamracwa sarnaktajja. Ucatwa jichhajj jumatjja, uqhamarac jakenacamatsa mä ajjsarayascaña, laruscañraqui lurapjjämajja, marcajjan p'enkapasti jumjjaruraquiw purini.’ ”

Miqueas 7:2

Aca orakensti janiraquiw mayni jakes utjcjjeti cheka sarirejja ni Diosatacjamasa; takenis nuwasiñampi lurañ horasacwa suyt'asipqui; maynit maynicamaraquiw aynacht'ayasisipqui.

Números 25:11

—Finees sat chachaw israelitanac toke colerasitajjjja t'acurayjjetu, jupasti nayjamaraquiwa colerasïna nayan jach'a cancañajj sum uñjañataqui, ucatwa jupanacarojj colerasiñajjampi jan tucjcjjäti.

Números 25:13

Ucatwa jupampiru, wawanacapampirojj wiñayatac sacerdote sarnakañ churä, jupan nayjama coleratap laycu, uqhamata israelitanacataqui perdón jicjjatatap laycu —sasa.

Juan 2:17

Discipulonacapajj uc ist'asinjja amtapjjänwa Kellkatan aqham siri: “Utamar munañaw tucuntitu” —sasa.

Deuteronomio 31:16

Ucapachasti Tatitojj Moisesarojj sänwa: “Niyaw jumajj jiwjjäta, aca marcajj naya contra sayt'asisajj yakha diosanacaruwa arcapjjani cawquïri oraktejj catupcani ucanjja; ucapachasti jupanacajj nayarojj apanucupjjetaniwa, uqhamaraquiw suma arust'äwiru jupanacampi mantapcta ucsa p'aquintapjjani.

Hebreos 11:37

Kalamp c'upjata jiwayatäpjjaraquïnwa, payar qhuchjata cunayman yant'ata, espadamp jiwayata. Jupanacasti ovejanacan cabritonacan lip'ichinacapampi isthapitaquiw take chekan sarnakapjjäna, llact'ata, uqhamarac chhojjriñchjata, jan cunaniraqui.