1 Reyes 18:10 - Qullan Arunaca

¹⁰ Nayajj juramento lurta Tatit Diosam laycu, utanejjajja jumarojj qhitanaca qhitasinwa thakaytam take marcanacana, reinonacansa; cunapachatï yatiyapjjäna jan jumana ucancatama ucqhajja, utanijjasti juramentwa lurayäna chekpachana jan jumar jicjjatapjjatapata.

Aymar Bibliia 1986

¹⁰ Nayajj juramento lurta Tatit Diosam laycu, utanejjajja jumarojj qhitanaca qhitasinwa thakaytam take marcanacana, reinonacansa; cunapachatï yatiyapjjäna jan jumana ucancatama ucqhajja, utanijjasti juramentwa lurayäna chekpachana jan jumar jicjjatapjjatapata.

Qullan Arunaka DC

¹⁰ Nayax Tatit Diosam laykuw juramento lurta, uywirixax taqi markanakan walpun jumarux thaqhaytam; kunapachatix jan ukankatam yatiyapxäna ukkhasti, uywirixax juramento lurayäna, chiqpachan jumar jan jikxatapktam ukata.

1 Reyes 18:10 Jak'a apnaqawi uñst'ayäwi

1 Reyes 1:29

Ucatsti reyejj aca juramentwa luri: —Tatit laycuwa juramento lurta, jupawa khespiyitu take t'akhesiñajjata,

1 Reyes 17:1

Elías profetajj Tisbe sat chekanquirïnwa, Galaad sat orakena, jupasti Acab reyerojj sänwa: “Juramentompiw arsta Israelan Tatit Diosap laycu, qhitirutejj yupaychcta, aca maranacanjja janiw jallojj purcaniti, ni sullasa cunapachatï nayajj siscä ucqhacama” sasa.

1 Reyes 17:12

Warmisti ucjjarojj sänwa: —Nayajj juramentompiw arsta Tatit Diosam laycu, janiw khathit t'ant'ajj utjquituti. Uqhamarus mä jach'i jac'uquiw tinajana utjitu, uqhamarac chatojjan mä juc'a aceitequiraqui, jichhasti nayajj mä juc'a lawanacwa apthapisiscäyäta phayir sarañataqui nayan wawajjataqui, uqhamarac nayataqui. Ucwa mank't'asiwayapjjäjja, ucatjja jiwjjapjjäwa mank'atjama —sasa.

1 Reyes 17:5

Cuntï Tatitojj siscäna, ucwa Eliasajj luräna, ucatsti jupajj sarasinjja kheparjjänwa Querit sat jawiraru jacañataqui, Jordán jawirat inti jalsu tokena.

1 Reyes 17:9

“Sartasim, ucatsti Sarepta marcaru saram, ucasti Sidón chekanquiwa, ucatjja ucanraqui jacañataqui khepararaquim. Nayajj sistwa ucan jaquiri mä ijma warmiru, mank'a jumar churañapataqui” sasa.

1 Reyes 18:11

¡Jichhasti jumajj mayistawa utanijjan ucar sarasina nayan yatiyaniñajja juman acancascatamata!

1 Reyes 18:15

Eliasasti ucjjarojj sänwa: —Nayajj juramentwa lurta take ch'aman Tatit laycu, qhitirutejj nayajj yupaychcta, nayajj jichhürpachaw Acab reyin nayrakataparojj uñstäjja —sasa.

1 Reyes 18:9

Abdías chachasti ucjjarojj sänwa: —¿Cuna juchsa nayajj lurta, nayaru Acab reyiru catuyasin jiwayañapataqui?

1 Reyes 2:24

Nayajj Tatit laycuw juramento lurta, David awquejjana tronoparojja jupawa uchitu, uqhamarac utt'ayaraquitu, mä uta tucuyaraquitu cunjämatï sisquitäna uqhama, Adoniasasti jichhürpachawa jiwani” sasa.

1 Reyes 22:14

Micaías profetajj sänwa: —¡Nayajj juramentwa Tatit laycu lurta, cuntï Tatitojj sisquitani parlañajja ucacwa parläjja! —sasa.

Salmos 10:2

Khoru jaken jach'a jach'a tucuñapajj k'apisiñampiw llaquit jakerojj t'akhesiyi, ucampis jupan waquichat pachpa sipitaruw jalt'ascani.

Salmos 31:20

jupanacamp chic utjatam laycuw ñankha luririnacan jan wali amtäwinacapat khespiytajja; timanacapamp jan tokeyañataquisti utamaruw jupanac imanttajja.

Salmos 91:1

Alajjpachanquir Take atipirin imat sarnaker jakejja,

Jeremías 36:19

Ucat Baruc chacharojj sapjjaraquïna: —¡Uqhamajj jichhajj jumasa uqhamaraqui Jeremiasasa imantasjjapjjam janiraqui qhitimpisa uñjayasipjjamti, janiraqui qhitis yatcpati jumanacan cawqhancatamsa! —sasa.

Jeremías 36:26

Jan ucasti Jerameel jakeruw saraquïna Jeremías profetaru, Baruc sat kellkeripampiru catuntañapataqui. Uca Jerameel jakesti palacionquirinacat jutiriraquïnwa, Azriel sat jaken Seraías yokaparu, Abdeel jaken Selemías yokapampiru, Jeremías profetaru, Baruc kellkeripampiru catuntaniñapataqui, ucampis Tatituw jupanacarojj imantjjäna.

Juan 8:59

Uc ist'asinjja Jesusarojj kalampiw c'upjañ munapjjäna, ucampis jupajj imantasisin templot mistuwayjjäna; jupanac taypi pasasinsti, sarawayjjaraquïnwa.

1 Samuel 23:23

Cawquïri imantasiñanacarutejj imantasqui ucanacsti wali suma uñakanipjjam; nayan ucaru yatiyiri cuttanipjjam, cawqhancquitejj ucjja sum yatjjatasa. Ucat nayajj jumanacampi chicaw sarä. Chekpachapuni uca chekancchejja, nayasti c'uchut c'uchu thaksü take uca Judá orakjja, uqhamarac take jakenac taypsa.

1 Samuel 29:6

Uqhamasti Aquis reyejj Davidaruw jawsayäna, ucatsti saraquïnwa: —¡Chekpachansa, Tatitojj jacasquiwa, jumasti cheka jakepunïtawa! Aca campamenton sarnakatamasti chuymajjar purquiriwa. Cuna urutejj nayan jac'ajjaru jutcta ucat jichhürcamajj janiraquiw cuna jan walsa jumanjja jicjjatcti. Ucampisa filisteonacan jilïrinacapajja janiw jumaru uñjañ munapctamti.