1 Reyes 16:8 - Qullan Arunaca

⁸ Asa reyejj Judá oraken pä tunca sojjtani mara apnakascäna ucqhawa Baasa chachan Ela yokapajj apnakaña kalltäna, Israel marcjjaru Tirsa marcana, ucatsti pä marawa apnakäna.

Aymar Bibliia 1986

⁸ Asa reyejj Judá oraken pä tunca sojjtani mara apnakascäna ucqhawa Baasa chachan Ela yokapajj apnakaña kalltäna, Israel marcjjaru Tirsa marcana, ucatsti pä marawa apnakäna.

Qullan Arunaka DC

⁸ Asá reyin Judá uraqin pä tunka suxtani mara marka apnaqäwipanwa, Baasá chachan Elá yuqapax Israel marka apnaqañ qalltäna, Tirsá markana, jupasti pä maraw marka apnaqäna;

1 Reyes 16:8 Jak'a apnaqawi uñst'ayäwi

1 Reyes 15:16

Rey Asampi uqhamarac Israelan Baasa reyimpejja, niya ucqhata ucqhatwa guerrasiñanacapajj utjäna.

1 Reyes 15:33

Judá oraken Asajj quimsa mara reyïscäna ucqhawa Ahías chachan Baasa yokapajj apnakaña kalltäna Israeljjaru Tirsa marcana, ucatsti apnakänwa pä tunca pusin mara.

1 Reyes 16:15

Cunapachatï Asa reyejj Judá orakena pä tunca pakallkoni mara apnakascäna, uqhamarac israelita ejercitojj waquichascäna filisteonquir Gebetón sat marcaru nuwantañataqui ucqhawa, Zimri chachajj Tirsa marcana apnakaña kalltäna. Jupasti pakallk uruquiwa apnakäna.

1 Reyes 16:21

Ucatsti Israel marcajj payaruw jaljtäna, mayninacasti Ginat chachan Tibni yokapar jakcattatäpjjänwa juparu reyita uchañataqui, mayninacasti Omri chachar jakcattatäpjjaraquïnwa.

1 Reyes 16:23

Omristi Israel marcanjja kalltänwa apnakaña, Asa reyejj Judá orakena quimsa tunca mayani mara apnakcäna ucqha, ucatsti jupajj tunca payan maraw apnakäna, sojjta marasti Tirsa marcanwa apnakaraquïna.

1 Reyes 16:6

Cunapachatï Baasa reyejj jiwjjäna ucqhajja, imt'jjapjjänwa Tirsa marcaru, ucatsti jupa lantejja Ela sat yokapawa apnakjjäna.

1 Reyes 16:7

Tatitojj Jehú profeta tokewa arsüna, qhititejj Hanani sat chachan yokapäcäna uca toke, Baasa reyitaqui, uqhamarac familiapataquisa, jupan luratanacapajj Tatitun nayrakatapanjja janiw walïcänti uca laycu. Jupasti luratanacapampejja Tatiturojj colerayänwa familiapampi uqham jan wali lurasiñapataqui, cunjämatï Jeroboam reyin familiapajj tucjatäcän uqhama.

1 Reyes 16:9

Ucampisa Zimri oficialapaw jupa contra tucüna, juparuw catuyatäna ejercitopana mä chicata nuwasiñ carronacapa. Mä urojj Ela reyejj Tirsa marcana, Arsa sat mayordomopan utapanccasinwa machjasiñcama umäna.

2 Reyes 15:14

Gadi chachan Manahem yokapawa Tirsa sat marcat Samaria marcar purinisina Salum reyir usuchjäna, ucatsti jiwayasinjja jupa lantejj jupaw apnakjjäna.

2 Reyes 15:23

Cunapachatï Judá marcanquir Azarías reyejj tunca pheskani mara apnakascäna ucqhawa Manahem chachan Pekaía yokapajj Israel marcaru apnakaña kalltäna, ucatsti Samaria marcanjja pä maraquiwa apnakäna.

2 Reyes 21:19

Cunapachatï Amón chachajj pä tunca payan maranïna ucqhawa reyïña kalltäna, ucatsti Jerusalenanjja pä marawa apnakäna. Taycapasti Mesulemet sat sutinïnwa, jupasti Jotba chekanquir Hazur chachan phuchapänwa.

Proverbios 28:2

Cunapachatejj mä marcan jan walt'añanacajj utji ucqhajja, apnakerinacapajja waljaw jakortapjje, ucampis suma yatiñampi apnakerejj yatiwa sum apnakaña.