1 Reyes 15:5 - Qullan Arunaca

⁵ Davidasti Tatitutaquejja suma asquinwa sarnakäna, jacañapanjja janipuniw sarakcänti cuntï Tatitojj lurañataqui churcäna ucatjja, jan ucasti Urías hititampi luräwipanacwa sarakänjja.

Aymar Bibliia 1986

⁵ Davidasti Tatitutaquejja suma asquinwa sarnakäna, jacañapanjja janipuniw sarakcänti cuntï Tatitojj lurañataqui churcäna ucatjja, jan ucasti Urías hititampi luräwipanacwa sarakänjja.

Qullan Arunaka DC

⁵ Davidax Tatitun nayraqatapan suma askin sarnaqatayna, janipuniw jakañapan Tatitun arsüwinakapat saraqkataynati. Davidan jan wali luratapax mayaw utjäna, ukasti Urías hitita chachar jiwayapxañapatak khitkatayna ukänwa.

1 Reyes 15:5 Jak'a apnaqawi uñst'ayäwi

1 Reyes 14:8

Nayaw Davidan familiapata reino apakta jumar churañataqui. Ucampis jumajj janiw David sirvirejj-jjamäctati, jupasti camachi arunacajjarojja phokhawayiwa, uqhamarac take chuymaw arcaraquitäna, jupan luratanacapasti chekapänwa nayan nayrakatajjanjja;

1 Reyes 15:3

Abiam reyisti cunjämtï awquipajj jupat nayra juchanac lurcäna uca pachpa juchanacwa luraraquïna, chuymapasti janiw chekäcänti Tatitu Diosapataquejja, cunjämäcäntejj David nayra awquipana uqhamjja.

1 Reyes 3:3

Salomonajj Tatituruwa munäna, uqhamaraqui David awquipan leyinaca utt'ayätaqui ucanacsa phokharaquïnwa, jupa pachpasa alto kollu patanacana sacrificionaca, inciensonaca loktcchïna ucasa.

1 Reyes 9:4

Jichhasti jumatejj sarnakäta nayrakatajjana, cunjämatejj David awquimajj sarnakcäna uqhama, jan jucha lurasa cheka chuymamampi, uqhamarac luraraquïta cunanactejj siscsma lurañamataqui, ucatsti leyinacajjarusa, arsüwinacajjarusa ist'araquïta ucajja,

2 Reyes 22:2

Josías reyin luratanacapasti Tatitun nayrakatapanjja chekapänwa; jupasti arcänwa cunjämtï David nayra awquipajj sarnakcäna uqhamaru, jan ucat cawcsar sarakasa.

2 Crónicas 34:2

Josías reyin luratanacapajja chekapänwa Tatitun nayrakatapana, jupasti nayra David awquipana sarnakäwiparuw arcäna, jan ucata cawcsarusa sarakasa.

Salmos 119:102

Janiw camächit arunacamat sarakcti, jumaw nayarojj yatichasista.

Salmos 119:6

Janiw cunat p'enk tucuñajjas utjcaniti, takpach arsutanacam phokcä ucapachajja.

Salmos 51:1

Diosajjay, munasiñam laycuy qhuyapt'ayasita, qhuyapayasirïtam laycuy juchanacajjat pampachita.

Lucas 1:6

Dios nayrakatanjja panpachaniw asqui jakëpjjäna, uqhamaraquiw Diosan camachi arunacapsa, leyinacapsa phokhapjjerïna. Uqhamata jupanacarojj janiw qhitis, ni cunats juchañchañïrjamäcänti.

Hechos 13:22

Uca khepatsti Diosajj Saúl reyir jakonucusinjja, Davidaruw reyit utt'ayäna. Jupatsti aqham saraquïnwa: ‘Nayajj Isaí chachan David yokaparuw jicjjatta. Cawquïritejj munañajjarjam sarnakerïqui, ucawa take cuntï nayajj muncta uc lurani’ sasa.

Hechos 13:36

Chekpachansa Davidajj jupa tiempo jakenacaru Diosan sataparjam sirvisinjja, jiwjjänwa. Ucatsti awquinacapampi chicaraquiw imt'atäjjäna, janchipasti ñusj-jjaraquïnwa.

Deuteronomio 17:20

Uqhamata jan jupajj jach'a cancañani jilanacap taypina tucuñapataqui ni uca camachi arunacatsa jithektañapataqui. Uqhamatsti jupasa, wawanacapasa walja maranacaw Israel marcarojj apnakapjjani.

1 Samuel 25:28

Ucatsti jumajj naya sirvirimarojj perdont'asiraquita. Chekpachansa Tatituw jumana, uqhamarac wawanacaman reyïñapsa jan tucusiycaniti, jumajj Tatitutaqui ch'ama tucutam laycu. Take jacaña urunacamansti janiraquiw cuna jan walt'añas jumjjarojj jutcaniti.