1 Reyes 14:10 - Qullan Arunaca

¹⁰ Ucatwa jichhajj jan walt'añanaca juman familiamjjarojj apayanëjja: Nayajj Israelanjja jiwayäwa juman familiamata chachanacaru; janiwa qhitisa kheparcaniti. Juman familiamjja k'alwa pichanucöjja, cunjämatï guanojj pichanucutäqui uqhama.

Aymar Bibliia 1986

¹⁰ Ucatwa jichhajj jan walt'añanaca juman familiamjjarojj apayanëjja: Nayajj Israelanjja jiwayäwa juman familiamata chachanacaru; janiwa qhitisa kheparcaniti. Juman familiamjja k'alwa pichanucöjja, cunjämatï guanojj pichanucutäqui uqhama.

Qullan Arunaka DC

¹⁰ Ukat jichhax juman wila masinakamxarux jan walt'añanak apayanï: Jumat saraqir taqi yuqall wawanakaruw Israelan jiwayä; janiw khitis qhiparkaniti. Juman saraqirinakamarux q'alpun pichanukü, uywanakan thaxapax pichanukutäki ukhama.

1 Reyes 14:10 Jak'a apnaqawi uñst'ayäwi

1 Reyes 13:34

Uqham luratapatwa Jeroboam reyin sarakerinacapajj jucha lurapjjäna, uqhamarac uca laycuraquiwa take tucjata uñjasiraquïna.

1 Reyes 16:11

Cunjämatï janc'aqui Zimri chachajj tronoru maqhatasina apnakaña kalltäna ucspachawa, Baasan take familiaparu jiwarayäna, janiw qhiti chacharusa familiapatsa, amigopatsa jacasquiri jaytcänti, uqhamata uqhama jan cutsuyasiñapataqui.

1 Reyes 16:3

Ucatpï jumarojj, Baasa, tucjaraquïmajja, uqhamarac familiamarusa nayajj tucjäraquëjja cunjämtï lurcta Nabat chachan Jeroboam yokapan familiapampejja uqhamaraqui.

1 Reyes 21:21

Uca luratamatsti Tatitojj aqham siwa: ‘Jumjjarojja jan walt'añwa apayanëjja, ucatsti juman take wawanacamaruwa tucjäjja; uqhamaraqui Israelana familianacamajj utjqui take uca chachanacarusa tucjaraquïwa.

2 Reyes 14:26

Tatitusti amuyänwa Israel marcan wali t'akhesiñancatapata, ucanacatsti janiw qhitis jaltcänti, Israelanjja janipuniw qhitis utjcänti jupanacar yanapt'añataquejja.

2 Reyes 21:13

Jerusalén marcarojj tupt'äwa Samaria marcaru tupt'ta, uqhamarac Acab reyin familiaparus tupt'ta uca pachpa tupuñampi; k'omachäwa, cunjämatï mä platoru k'omachasina c'umpt'atajja uqhama.

2 Reyes 9:37

jiwat janchipasti willjatäniwa wanur uñtata Jezreel orakena, jan qhitinsa uñt'añjamaraquïniwa’ —sasa.

Job 20:7

ucampis tucuyarojj wanur uñtataquiw tucusjjani. Masinacapasti janiw yatipcaraquiniti cawqhancatapsa.

Salmos 83:10

camisatejj jupanacajj Endor chekawjan t'unjat uñjasipcäna, oraketaquis wanur tucupcän uqhama.

Isaías 14:19

ucampis jumarojja sepulturatsa jayaruw liwtapjjätam, mä ajjtascañ t'unäcasmas uqhama, jaken taquisit amayarjama, jaken jiwarayata, p'eke apakata jakenac taypina kalarar ch'amac mic'aya mankharu jakontataraqui.

Isaías 14:23

Mä ñek'e mic'ayaruw tucuyaraquï, ucansti jucunacaraquiw utjapjjani. Pichañampjamaraquiw tucjasin pichanucü.” Uqham siw take ch'amani Tatitojja.

Isaías 5:25

Ucatwa Tatitojj marcapataquejj k'apisïnjja, amparapsa aytaraquïnjja mutuyañataqui. Kollunacasti qhathatipjjänwa, jake jiwatanacasti callenacan t'unar uñtat jaktatäpjjaraquïnwa. Uqhamäquipansa, Tatitun colerasiñapajj janiw t'akt'quiti; jichhas jupajj arusiscaquiwa.

Jeremías 32:18

Jumasti jakenacarojj qhuyapayasiñamjja wawanacapan wawanacaparuraquiw uñacht'aytajja, uqhamaraquiwa jakenacarus mutuyaractawa awquinacapan juchanacapatjja. ¡Jach'a ch'amani Dios, sutimajj Take Ch'amani Dios satawa!

Jeremías 8:2

Ucatsti intitaqui, phajjsitaqui, take warawaranacataquiw waranucupjjani cawquïrinacarutejj munapcatayna, sirvipcaraquitayna, arcapcatayna, jisct'asipcaraquitayna, yupaychapjjaraquitayna ucanacataqui waranucutäniwa. Janiraquiw qhitis uca ch'aqhanacjja apthapcaniti imt'jjañataquejja. Pachpa orakeruw kheparapjjani, guanor uñtata.

Ezequiel 26:4

marca perkanacamsa t'unjapjjaniwa, torrenacamsa pampa tucuyapjjani. Lak'anacsa K'alwa pichsuraquëjja, mä k'ara karkaruw tucuyawayäjja.

Amós 3:6

Cunapachatejj trompetan tuct'asitapajj marcan ist'asi ucqhaw jakejj wal sustjasi; cuns Tatitojj apayani ucqhaw marcanjja jan walinacajj utjejja.

Sofonías 1:17

Tatitusti siwa: “Jakenacarusti t'akhesiyaraquïwa, jupanacasti juyqhur uñtataraquiw sarnakapjjani, jucha luratanacap laycu. Wilanacapas lak'ar uñtataw waranucutäni, aychanacapas wanur uñtata montonnucutäniwa” sasa.

Malaquías 2:3

“Nayaw yapunacamarus ñankhacharaquï, take ch'amanacamsa apakapjjaraquïmawa, ucatsti cawquïri uywanactï sacrificio loktañataqui apanipcäta uca uywanacan wanupampiraquiw ajanuta khallcatapjjäma. Ucatsti uca quicpa wanumpi chicaraquiw pichanucutäpjjäta.

Deuteronomio 32:36

“Diosaw marcapat arjjatiri mistsuni, cunapachatejj jan ch'amanëjjani ucqhajja; Diosaraquiw wawanacapatjja qhuyapayasini cunapachatejj jan t'uqha jakenaca ni ch'aman jakenaca utjcani ucapacha.

1 Samuel 2:30

Uca laycu Israelan Tatitu Diosapajj sänwa jumampi takpacha familiamampi juparu sirvipjjañama wiñayataqui, ucampis jichhajj aqham saraquiwa: ‘Janipuniw jichhajj uqhamjja lurcäti, jan ucasti qhitinacatejj nayaru yäkapjjetani ucanacarusti suma yäkaraquëjja, qhitinacatejj nayaru jisc'achapquitu ucanacarusti mä p'enka uñjaraquëjja. Naya Tatituw ucjja arsta.’

1 Samuel 25:22

Ucatwa mä juramento luräna: “¡Diosajj nayarojj wali mutuyitpan, janitejj arumanthcama jupan familianacapat take chachanac jiwaraycä ucajja!” sasa.

1 Samuel 25:34

Ucampisa Israelan Tatitu Diosapan sutipjjaruw arsta, qhititejj nayaru uca ñankha lurañat khespiyquitus ucan sutipjjaruraqui. Janitejj jumajj nayan ucar jutañataquejj janc'achasincasamän ucapachajja, arumanthi alwajj Nabal chicäqui uca chachanacajj janiw maynis jaccjjasapänti —sasa.