1 Reyes 13:9 - Qullan Arunaca

⁹ uqhamwa Tatitojj nayar situ. Nayarojj situwa: ‘Janiw t'ant'a mank'ätati, ni umsa umätati, ni cawquïr thaquinjamtï sarctajj ucanjamasa cutt'anïtati’ sasa.

Aymar Bibliia 1986

⁹ uqhamwa Tatitojj nayar situ. Nayarojj situwa: “Janiw t'ant'a mank'ätati, ni umsa umätati, ni cawquïr thaquinjamtï sarctajj ucanjamasa cutt'anïtati” sasa.

Qullan Arunaka DC

⁹ Tatitux ukham nayar situ: “Janiw t'ant'a manq'ätati, janiw umsa umätati, janirakiw sarkta uka pachpa thakhinjamsa kutt'awayätati” sasa.

1 Reyes 13:9 Jak'a apnaqawi uñst'ayäwi

1 Reyes 13:1

Cunapachatï Jeroboam reyejj incienso altarana naqhantayascäna, ucqhawa Betel chekaru mä profetajj Judá oraketa purinïna, Tatituna qhitanita.

1 Reyes 13:10

Ucatsti profetajj yakha thaquinjamwa cutt'awayjjäna, jan Betel chekaru uca pachpa thaquinjama cutt'añapataqui.

1 Reyes 13:16

Ucampis Judá ucanquir profetasti ucjjarojj sänwa: —Janipuniw aca chekanjja jumamp chica sarquiristti, ni utamarus mantquiristti, ni t'ant'sa mank'quiristti, ni umsa umcaraquiristti;

1 Reyes 13:19

Judá ucanquir profetajj jupamp chicawa sarawayäna, ucatsti mank'änwa, uqhamarac umaraquïna utapana.

1 Reyes 13:8

Ucampis profetajj reyirojj sänwa: —Jumajja palaciomatjja chicatpacha churquitasma ucasa, janiw jumampejj sarcäti, janiraquiw mank'caraquïsa, ni umsa umcaraquïti aca chekanjja;

Job 23:12

Leyinacapsa, camachi arunacapsa phokhapuntwa, janiw nayan munañajjac lurascti.

Salmos 141:4

Ñankha lup'iñ amuy apakt'ita, ñankha lurañanac jan lurayistati; janirac ñankha lurir jakenacamp chicajj jach'a mank'äwincayistati.

Números 16:26

Ucatsti marcpacharuw säna: —Jithektapjjam uca juchan ñankha jakenacan carpanacapatjja, janiraqui llamct'apjjamti cunatejj jupanacancqui ucanacjja, jan jumanacasa juchanacapat jiwapjjañamataqui.

Juan 13:17

Acanactejj amuyt'apjjäta, ucat lurapjjaraquïta ucajja, cusisitäpjjätawa.

Juan 15:14

Jumanacajj nayan amigonacajjäpjjtawa, cuntejj nayajj jumanacar sapcsma uc lurapjjäta ucajja.

Romanos 16:17

Jilatanaca, achict'apjjsmawa, sum amuyasipjjam qhitinacatï iglesianjja jan wali lurqui ucanacatjja. Jupanacajj jaljtañanacaru uqhamarac jan walt'añanacaruw apapjjeristam, take acanacasti cuntejj jumanacajj yatekapctas uca contrawa. Jupanacatjja jithektapjjam.

1 Corintios 5:11

Jan ucasti sapjjäyäsmawa: “Jan chicachasipjjamti qhititejj iyawsirïcasina wachoka juchan sarnakasqui, mich'asisqui, yakha diosanacar yupaychasqui, arunac apnakasqui, machasqui, lunthatasisqui ucanacampejja. Janiraquiw ucanacampejj mank'apjjañamäquisa.”

Efesios 5:11

Ch'amacanquirinacan jan cunatac sirviri luräwinacapanjja jan sarnakapjjamti, jan ucasti, uca jan wali luräwinacjja khanaru apsupjjam.

Apocalipsis 18:4

Ucatsti yakha aru ist'aracta alajjpachat art'asiniri: “Nayanquir jakenaca, mistjjapjjam uca marcata, jan jupamp chica jucha lurapjjañamataqui, uqhamarac cuna t'akhesïwitejj jutcani ucasa jan jumanacjjaru puriñapataqui.

1 Samuel 15:22

Ucat Samuelojj saraquïna: “Tatitutaquejj arsutanacapar phokhañaw juc'ampi sumajja, sacrificionaca, uqhamarac holocaustonaca loktañat sipansa; arsutap phokhañaw, uqhamarac jupar ist'añawa sumajja, ovej liq'inaca sacrificiot loktañat sipansa.