1 Reyes 13:1 - Qullan Arunaca

¹ Cunapachatï Jeroboam reyejj incienso altarana naqhantayascäna, ucqhawa Betel chekaru mä profetajj Judá oraketa purinïna, Tatituna qhitanita.

Aymar Bibliia 1986

¹ Cunapachatï Jeroboam reyejj incienso altarana naqhantayascäna, ucqhawa Betel chekaru mä profetajj Judá oraketa purinïna, Tatituna qhitanita.

Qullan Arunaka DC

¹ Jeroboam reyix altarxan incienso nakhayaskän ukapachaw Tatitun khithanita mä profetax Judá uraqit Betelar purinïna.

1 Reyes 13:1 Jak'a apnaqawi uñst'ayäwi

1 Reyes 12:22

Ucampis Diosajj parlänwa Semaías sat Diosan wawaparu, aqham sasa:

1 Reyes 13:26

Awqui profetasti uqham yatisina, qhititejj mayniru cutt'ayancäna ucajja, aqham sasaw jach'at arsüna: “Ucasti Tatitun arupar jan ist'iri profetawa, ucatwa Tatitojj mä leonaru catuyi, jisc'a jisc'a tucjasinwa jiwayejja, cunjämatï Tatitojj jupar sisqui uqhama” sasa.

1 Reyes 13:32

nayajj iyawstwa cuntejj jupajj khanañchawayqui Tatitun munañapata Betel chekanquir altar contra, uqhamarac Samarian take marcanacapana utjqui c'ari diosanacapan santuario utanacapa uca contraraqui” sasa.

1 Reyes 13:5

Uca horasanpacharaquiwa altarajj jisc'a jisc'a tucüna, ucatjja altar patjjanccäna uca khellasti willitattaraquïnwa, cunjämatï profetajj chimpu churcäna Tatituna munañapata uqhamaru.

1 Reyes 13:9

uqhamwa Tatitojj nayar situ. Nayarojj situwa: ‘Janiw t'ant'a mank'ätati, ni umsa umätati, ni cawquïr thaquinjamtï sarctajj ucanjamasa cutt'anïtati’ sasa.

1 Reyes 20:35

Ucampis profetanac taypita mä profetajj masiparojj sänwa Tatitun munañapata: —¡Chhojjriñchjita! —sasa. Ucampis uca maynejj janiw chhojjriñchjaña muncänti.

2 Reyes 23:15

Nabat chachan Jeroboam yokapajj israelitanacar juch luraycäna ucasti Betel chekana mä altara, yakha diosanacan santuario utap luraycäna ucjja, Josías reyiw k'al tucjäna lak'ar tucuyañcama, ucatsti ninampiwa naqhantayäna, uqhamarac Asera diosan lantiparusa.

2 Reyes 23:17

Ucatjja jisct'änwa: —¿Qhitir amtañatac lurayatas qhaya sayqui ucajja? —sasa. Marcanquir jakenacasti ucjjarojj sapjjänwa: —Cawquïr profetatejj Judá marcat jutcäna ucan sepulcropawa; jupawa yatiyäna, cuntejj juma reyejj Betelanquir altarampejj lurcta ucatjja —sasa.

2 Crónicas 26:16

Ucatsti cunapachatï reinopana wali ch'amani tucjjäna ucqhajja, jach'a jach'aw tucjjäna, uca laycusti aynacht'añaruwa purjjäna. Jupasti Tatit Diosaparojj janiw sum arcjjänti, jupasti Tatitun temploparojja incienso altarana naqhayañataquiw mantäna.

2 Crónicas 26:18

Jupanacasti reyimpi jiquintasisinwa, aqham sapjjäna: “Uzías reyi, Tatitur incienso loktañasti janiw juma reyiru wact'ctamti, jan ucasti Aarón chachan saraker sacerdotenacaparuwa wact'i, jupanacaraquiw ucanac lurañataqui loktatäpjje. Santuariotjja juma reyejj mistunim, jumajja Dios nayrakatan aqham jan wali lurtajja, ucatsti Diosajj janiw jumar jach'ar aptcätamti” sasa.

2 Crónicas 9:29

Salomonan ucat ucjjar sarnakäwipajj kalltat tucuycamajja Natán profetan crónicas sat libropan kellkatawa, ucatsti Silo chekanquir Ahías profecía arunacapancaraquiwa, uqhamarac Iddo sat profetan jutir urunacat parlatap arunacanraqui, ucanacasti parlatänwa Nabat chachan Jeroboam yokapata.

Jeremías 11:12

Ucapachaw Judá orakenquir jakenacajja, Jerusalén marcan utjir jakenacasa uca yakha diosanacaru yanapa mayisiri sarapjjani, cawquïrinacarutï incienso loktasipjje ucanacaru, ucampisa uca diosanacajj janiw khespiyañataquejj ch'amanïpcaniti uca jach'a t'akhesiñajj purincani ucapachajja.

Jeremías 25:3

“Cunapachatejj Amón jaken yokapa Josiasajj Judá orake tunca quimsani mara apnakascäna ucat jichhacamajja, niya pä tunca quimsani maranacaw pasjje, Tatitusti nayaruw parlitäna, nayasti jumanacarojj mayampi mayampwa parlapjjaracsma, ucampisa jumanacajj janiw nayarojj ist'apquistati.

Jeremías 32:29

Caldeo jakenacasti, cawquïrinacatejj jichhajj marcaru nuwantañataqui waquichasisipqui ucanacasti mantasinjja ninampiw aca marcjja phichcatapjjani. Cawquïri uta patanacantejj Baal diosaru incienso loktasipjjerïcäna, uqhamaraqui vinonacsa yakha jan uñt'ata diosanacaru ch'allasipjjerïcäna ucanacamppachwa naqhantayapjjani, uqham yakha diosanacaru loktasisasti nayaruw ñankhachapjjetänjja.

Amós 7:13

uqhamasti, jan juc'amp Betel marcanjja parlamti, acasti reyin kollan utapawa, uqhamarac marcpachan jach'a temploparaquiwa.

Amós 7:16

“Jichhasti, ist'am Tatitun arupa. Jumasti aqham sistawa: ‘Jan Dios toketjja cuns parlamti Israel marca contrajja, ni Isaacat mirtir wawanacap contrasa’ sasa.

Malaquías 1:11

Take acapach orakenwa nayarojj jach'añchapjjetu, uqhamaraquiwa take chekanacan incienso naqhayapjje nayar jach'añchasa, ucatsti k'oma ofrendanacrac loktapjjetu.

Números 16:40

Ucasti israelitanacan amtasipjjañapataquïnwa, Aarón chachan wawanacapat sipansa, janiraquiw qhitisa altarar jac'achasiñapäcänti, Tatituru incienso loktañataquejja. Janitejj ist'asipcani ucqhajja, Coré chacharu, jilanacapampiru pasqui uqhamaw lurasiraquini cawquïri jaketejj loktañ munqui ucampejja. Uqhamaw phokhasïna cunjämatejj Tatitojj Eleazarar siscatayna Moisés toke uqhamarjama.

1 Tesalonicenses 4:15

Ucatwa jumanacar sapjjsma Tatitun yatichäwinacaparjama, qhitinacatejj jacasipcañäni Tatitun jutañapcama ucanacajja, janiw nayrt'cañäniti jiwatanacarojja.

Apocalipsis 8:3

Ucatsti yakha angelaraquiw mä kori incensario apt'ata jutäna, ucatsti altar nayräjjaruwa sayt'asi. Uca angelarusti walja inciensoraquiw churatäna, take qhitinacatejj Diosancapqui ucanacan oracionanacapampi chica loktatäñapataqui. Uca loktäwsti trono nayräjjancquis uca kori altarjjaru loktañapänwa.

1 Samuel 2:27

Uca urunacaraquiw mä profetajj Elí sacerdoteru uñjir jutäna, ucat saraqui: “Tatitojj aqham sänwa: ‘Cunapachatejj nayrapacha awquinacamajj Egipton Faraonar sirvisipcän ucapachajj, khanwa jupanacarojj säyätjja,

1 Samuel 9:6

Uywatasti ucjjarojj saraquïnwa: —Aca marcanjja mä profetaw utji, take jakenacasti juparojj wali yäkapjjaraqui, take cuntejj jupajj yatiyqui ucanacasti phokhasipuniwa. Jin sarañäni, inampis jupajj cawquirutejj sarañasäqui ucsa uñacht'ayistaspa —sasa.