1 Reyes 12:16 - Qullan Arunaca

¹⁶ Cunapachatï take Israel marcpachajj uñjapjjäna reyin jan jupanacar ist'atapjja, sapjjänwa: “¡Janiw cuna lurañanacasas utjquistuti! ¡Janiw cuna herenciasa jiwasajj jaljasctanti Isaí chachan yokapampejja! ¡Israelita jakenaca utasarcama sarjjañäni! ¡Davidaqui familiaparu uñjascpan!” sasa. Ucat ucspachawa israelita jakenacajj utanacapar sarjjapjjäna.

Aymar Bibliia 1986

¹⁶ Cunapachatï take Israel marcpachajj uñjapjjäna reyin jan jupanacar ist'atapjja, sapjjänwa: “¡Janiw cuna lurañanacasas utjquistuti! ¡Janiw cuna herenciasa jiwasajj jaljasctanti Isaí chachan yokapampejja! ¡Israelita jakenaca utasarcama sarjjañäni! ¡Davidaqui familiaparu uñjascpan!” sasa. Ucat ucspachawa israelita jakenacajj utanacapar sarjjapjjäna.

Qullan Arunaka DC

¹⁶ Ukatsti taqpach Israel markaw reyin jupanakaru jan ist'atap uñjasin, akham jupar sapxäna: “¡Janiw kuna lurañanakasas Davidamp utjkistuti! ¡Janiw Jesé chachan yuqapampi kuna katuqäwi jaljasiñasa utjapkistuti! ¡Israelit jaqinaka, utasarkam sarxañäni! ¡Davidan wila masinakapak ayllupankirinakar apnaqaskpan!” sasa. Ukat ukspachaw israelita jaqinakax utanakapar sarxapxäna.

1 Reyes 12:16 Jak'a apnaqawi uñst'ayäwi

2 Samuel 15:13

Mä jakew Davidan ucaru yatiyiri sararaquitayna: “Israelita jakenacajj Absalonaruw jakccatjjapjje” sasa.

2 Samuel 16:11

Ucjjarusti Abisai jakempiru, uqhamaraqui take oficialanacapampirusti saraquïnwa: —Nayan pachpa wawajjatejj nayaru jiwayañ amtchitu ucasti, ¡juc'ampi amuyumpiw mayni Benjamín tribunquir jakejj jiwayañ munpachïtojja! ¡Jichhajj juparojj jaytapjjam, ñankhachascaquitpan, Tatituw juparojj uqhama luram sispacha!

2 Samuel 20:1

Benjamín tribun mayni khoru jakew utjäna, ucasti Seba satänwa, Bicri sisqui uca jaken yokapa, jupasti Gilgal marcanwa jicjjatasiraquïna. Aca Seba jakesti jakenacaruw amtayäna rey contra sayt'asipjjañapataqui, saraquïnwa: “Jiwasajj janiw Isaí jaken David yokapampejja cuna lurañasas utjquiti. ¡Take israelita jakenaca, utanacamaru cuttjjapjjam!” sasa.

1 Reyes 11:11

Ucatsti Tatitojj Salomonarojj sänwa: “Jumajj uqhamjjay sarnakstajja, janiraquiw phokcaractati suma amtäwïqui ucsa, ni leyinacajja churcsma lurañataqui ucsa, jichhasti reyïñamjja apakjjämawa, ucatsti maynïri uywatamaruwa churäjja.

1 Reyes 11:13

Janis takpacha reino apakcä ucqhajja, mä tribucwa jaytarapëjja awquimaru qhuyapayasitajj laycu, uqhamarac Jerusalén marca ajllisitajja laycuraqui” sasa.

1 Reyes 11:34

Ucampisa janiw takpach reino apakcäti, jan ucasti apnakayascaquïwa jacañapcama, David sirvirejjaru qhuyapayasitajj laycu, Davidarojj nayawa ajllista, jupasti phokhewa camachi arunacajjaru, uqhamarac leyinacajjarusa.

1 Reyes 11:35

Ucampis yokapatjja reyïñjja apakäwa, ucatsti jumaruwa catuyäma tunca tribu.

1 Reyes 11:36

Yokapataquisti mä tribucwa jaytäjja, David sirvirejjana lamparapajja nayan nayrakatajjana naqhascañapataqui Jerusalenanjja, cawquïr marctejj nayajj ajlliscta sutejjajj ucancañapataqui.

1 Reyes 11:39

Ucatsti Davidana wawanacaparojj mutuyäwa uqham luratanacapata, ucampis janiw ucajj wiñayataquïcaniti.’ ”

1 Reyes 22:17

Ucatsti Micaiasajj sänwa: —Uñjtwa take israelita jakenacaru kolluna ananucutäsquiri, jan awatirini ovejanacar uñtata. Ucatjja Tatitojj aqham siwa: ‘Acanacajj janiw awatirinïpquiti; sapa maynisa samarañanaqui utaparcama cutt'pan’ —sasa.

1 Reyes 22:36

Cunapachatejj intejj jalantañampëjjäna ucqhajja, ejerciton filapanjja soldadonacajja sisjjapjjaquïnwa; “¡Sapa maynisa marcaparcama sarjjapjjam, uqhamarac orakenacamaru,

2 Crónicas 10:16

Ucatsti take Israel marcpacha reyin jan jupanacar ist'añ munatapa uñjasinjja, aqham sasaw jupanacajj arsupjjaraquïna: “¡Janiw cuna lurañanacajjas Davidampi utjapquituti! ¡Isaí chachan yokapampejj janiw cuna herencia jaljasiñas utjapquituti! ¡Israelitanaca, sapa maynisa utanacasarcama sarjjapjjañäni! ¡Davidasti familiaparuqui uñjasiscpan! ” sasa. Ucspachawa take israelita jakenacajj utanacaparcama sarjjapjjäna.

Salmos 132:17

Davidan ch'amap wasitat sartayä, ajllit reyejjataquejj mä khan khantayarapï.

Salmos 76:10

Jaken tipusiñapajj jumar jach'añchañaruw tucu, juc'a k'apisiñapas jumaruw jach'añchi.

Proverbios 15:1

Suma arumpi cutt'ayañajja colerañjja apakewa, ucampis jan wali arumpi cutt'ayañajja, juc'ampwa colerasiyi.

Isaías 7:17

“Tatituw jumjjarojj jutayani, marcamjjaru, reyin utapjjarusa, cawquïri urunacatejj jan jutcäna uca urunaca, Efrainajj Judá marcatjja yakhaktcäna uca urunacatpacha.” (Acajj Asirian reyiparuw sañ muni).

Isaías 7:2

Ucapachawa rey Acazaru familiapampiru aca yatiyäwi yatiyapjjäna: —Siria jakenacajj Efraín marcampiw mayacht'asjje —sasa. Ucapachasti reyisa, take jakenacasa ajjsarañat qhathatipjjäna cunjämatejj kokanacajj montenjja thayataquejj qhathatejj uqhama.

Jeremías 33:21

Uca quipcaraquiwa: Cuna arust'äwtejj David uywatajjampi lurcta ucajj phokhasipuniniwa, ucatsti mayni jupan wawapa tronopar kont'asirejj utjapuniniwa, uqhamaraqui sacerdotenacampi arust'äwiru mantatajjasti phokasipuniniwa, Leví tribunquiri wawanacapampejja.

Ezequiel 37:16

“Mä lawa aytasina uca lawjjaru aqham sasa kellkam: ‘Judá marca, juparu jakcattata israelita jakenaca.’ Ucatsti yakha lawa aytasinjja aqham sasa kellkaraquim: ‘Joseajj Efraín toke uñstatawa, take juparu jakcattatanaca jilt'iri Israelitanaca’ sasa.

Marcos 3:24

Mä marcantejj jilïrinacajj walja jaljtäwiru t'akjtaspajja ucat jupanaccam nuwasipjjaraquispa ucqhajja, uca marcajj janiw jayataquïcaspati.

Lucas 19:14

Ucampis uca marcapanquir jakenacajj juparojj uñisipjjänwa, ucatwa jupan khepapat mä qhitanaca qhitapjjäna sapjjañapataqui: ‘Janiw munapcti aca jakejj nanacan reyïñapa’ sasa.

Lucas 19:27

Qhitinacatï nayan reyïñajj jan munapcän uca uñisirinacajj-jja acar aptanipjjam, ucatsti nayan nayrakatajjan jiwarayapjjam’ ” sasa.

Juan 13:8

Pedrosti sänwa: —Nayarojj janiw cunapachas cayojj jarekquitasmati —sasa. Jesusasti saraquïnwa: —Janitejj jarekcäma ucajja, janiw nayampi chicäcasmati —sasa.

Jueces 8:35

Uqhamarac janiw amtasisajj qhuyapt'ayapcaraquïnsa Jerobaal sat Gedeonan familiaparusa, jupajj cuna asquinactejj jupanacataqui lurawayqui ucanac amtasisasa.

Jueces 9:28

Gaal sat chachasti sänwa: “¿Abimelec chachajj qhitïtapsa amuyasi? Jupasti Jerobaal chachan yokapaquiwa, Zebul sat mä uywatani. Ucampis jiwas Siquem chekanquirinacajj, ¿qhitïtansa jupanacan esclavopäñasataquejja? Waquisiwa jiwasan Hamor chachana esclavopata sarnakañasajja. Jupaw Siquem marca sayt'ayawayi. Janiw cunapachas Abimelec chachan esclavopäcsnati.