1 Reyes 12:11 - Qullan Arunaca

¹¹ jupatejj ch'ama lurañanaca jumanacjjaru wayt'apjjstamjja, nayasti juc'ampwa wayt'apjjäma; jupatejj chicotempi jawk'apjjchïyätamjja, nayasti hierro puntani chicotempiw jawk'apjjäma’ —sasa.

Aymar Bibliia 1986

¹¹ jupatejj ch'ama lurañanaca jumanacjjaru wayt'apjjstamjja, nayasti juc'ampwa wayt'apjjäma; jupatejj chicotempi jawk'apjjchïyätamjja, nayasti hierro puntani chicotempiw jawk'apjjäma” —sasa.

Qullan Arunaka DC

¹¹ jupatix ch'ama lurañanak jumanakxar wayt'apxstamxa, nayax juk'amp jathi lurañanak wayt'apxäma; jupatix jawq'jas mutuyapxstamxa, nayax hierro k'achin wiskanakampiw jawq'japxäma” —sasa.

1 Reyes 12:11 Jak'a apnaqawi uñst'ayäwi

1 Reyes 12:10

Qhaya waynanacajj jupamp chica jilsupcäna ucanacasti sapjjänwa: —Aca jakenacajj mayipctam apakt'añama awquimajj ch'ama lurañanaca jupanacjjaru wayt'awaycäna ucanacarojja, aqham sasaw sañama: ‘Awquejjatejj khorüchïna, nayajj juc'amp khorütwa;

1 Reyes 12:12

Quimsïri urutjja cutt'anipjjänwa Jeroboam chachajj take jakenacampi chica Roboam reyir uñstiri, cunjämatï siscatayna uqhamaru.

1 Reyes 12:14

ucatsti sänwa waynanacajj cuna arunactejj sapcäna ucanaca: “Awquejjatejj ch'ama lurañanaca wayt'apjjchïyätamjja, nayajj juc'amp ch'ama lurañanacwa wayt'apjjäma, uqhamarac awquejjatejj jumanacaru chicotempi jawk'apjjchïyätam ucajja, nayajj hierro puntani chicotempiw jawk'apjjäma” sasa.

2 Crónicas 16:10

Ucatsti Asajj walpunwa profeta tokjja colerasïna, ucatjja carcelaruwa uchantayäna. Uqhamaraquiwa uca urunacanjja marcanquiri yakhepanacarojja sinti ñankhanac luraraquïna.

Éxodo 5:18

¡Irnakeri sarapjjam! Jumanacarusti janiw jichhunac churapcätamti, ucampis kawkha adobtejj nayrajja catuyapjjericäyäta ucjracwa jichhajj catuyapjjaraquïta.

Eclesiastés 10:16

¡Ay cunaquïcani, cawquïr marcan reyipatejj mä jisc'a wawaquïqui, uqhamarac jilïr jakenacapajj jach'a mank'añanacan khantatipjje ucataquejja!

Isaías 58:6

Chekpachansa janiw ucajj uqhamäquiti, cawquïri ayunotejj cusisiyquitu ucajj acawa: Cunatejj jan chekapäqui uca ñach'jjäsir cadenanac t'akjjaña, yugor ñach'jjäsquis uca chinunaca jararaña, t'akhesiyatanacarusti jan juc'ampi t'akhesiyjjaña, uqhamarusa take cunatejj jan walïqui ucanac tucjaña;

Jeremías 27:11

Ucampisa cawquïri marcatejj Nabucodonosor reyiru jaysani, uca Babilonia marcan reyiparu, ucanacarusti naya pachpawa orakeparu kheparayaraquï, ucana jacasiñapataqui uqhamaraqui yapuchasiñapataqui. Naya Tatituw ucjja arsta.”

Ezequiel 2:6

Jumasti, chacha, jan ajjsaramti jupanacaru, janiraqui ajjsaramsa cuntejj sapcätam uca arunacarusa, ch'aphinacan muyuntatjamas uñjaschïta ucasa, uqhamaraqui alacranes sat animalanac taypinjam jicjjatascchïta ucasa. Janipun ajjsaramti cuntejj sapcätam uca arunacatjja, janiraqui mayjt'asimsa jupanacan mayja uñnakapjjatapatsa, kawkha naya toke sayt'asiri jakenacäsipcpasa.

1 Samuel 8:18

Ucampis cuna urutejj uca jumanacan ajllit rey toke arsusipjjäta ucapachajj Tatitojj janiw ist'apcätamti.