1 Reyes 11:18 - Qullan Arunaca

¹⁸ Madián chekat mistusinjja Parán ucaruwa puripjjäna, ucansti sirviyasipjjänwa uca chekanquir yakhep jakenacampi. Ucatjja Egiptoru purisinjja faraón reyin nayrakataparuwa uñstapjjäna, faraonasti jupanacarojj churänwa uta, mank'a, uqhamarac orakenacsa wajjt'araquïna.

Aymar Bibliia 1986

¹⁸ Madián chekat mistusinjja Parán ucaruwa puripjjäna, ucansti sirviyasipjjänwa uca chekanquir yakhep jakenacampi. Ucatjja Egiptoru purisinjja faraón reyin nayrakataparuwa uñstapjjäna, faraonasti jupanacarojj churänwa uta, mank'a, uqhamarac orakenacsa wajjt'araquïna.

Qullan Arunaka DC

¹⁸ Madián chiqat mistusinsti, Param chiqaruw puripxäna, uka chiqankirinakat yaqhip jaqinakax jupanakar chikachasisin Egipto markar puriñ yanapt'apxäna. Egiptor purisin faraón reyin nayraqataparuw uñstapxäna, faraonasti jupanakarux utampi, manq'añamp churäna, uraqinak waxt'arakïna.

1 Reyes 11:18 Jak'a apnaqawi uñst'ayäwi

Génesis 14:6

Seir kollunac tokensti horeonacaruraquiw atipjapjjäna, ucatsti Parán sisqui uca pampa tokenacaruw arct'anipjjaraquïna, ucasti wasara tokenquiwa.

Génesis 25:2

Uca khepa warmipan wawanacapasti acanacänwa: Zimram, Jocsán, Medán, Madián, Isbac, Súa ucanaca.

Génesis 25:4

Madianan wawanacapasti Efa, Efer, Hanoc, Abida, Elda ucanacänwa. Take acanacasti Ceturan wawanacapänwa.

1 Reyes 11:17

Ucqhajj Hadad chachasti wawäscänwa, jupasti Egiptoruwa jaltjjäna awquiparu sirvipcäna uca yakhep marca masinacapampi.

1 Reyes 11:19

Hadad chachasti faraonan wali munatänwa, ucatsti faraonajj juparojj warmipataquijj churänwa Tahpenes sat reinan warmipan cullacapa.

Éxodo 2:15

Faraonasti, Moisesan mayni egipcior jiwayatap yatisinjja, jiwayañataqui thakayiriw qhithäna. Ucampis Moisesajj jan jiwayatäñ laycojja Egipto marcat sarawayjjänwa, ucat Madián sat chekaruw purïna ucan jacjjañataqui.

Habacuc 3:3

Temán oraketa Dios Tatitojja juti; Parán kollutaracwa kollan Diosajj sarakani. “Jach'a cancañapasti take alajjpachwa phokt'i, take acapacharaquiw cusisiñapan phokt'araquejja.

Números 10:12

Israelitanacasti Sinaí wasaratjja sartawayjjapjjaraquïnwa. Kenayasti Parán sat wasararuw sayt'araquïna.

Números 22:4

Ucatwa Moab oraken jakenacajj Madián oraken jilïrinacaparojj aqham sapjjäna: “Takpach aca jakenacaw orakesarojj tucjani, cunjämas mä vacajj orakenquir pasto tucuntejj uqhama” sasa. Ucapachasti Balac chachajj Moab marcan reyipänwa.

Números 25:14

Cawquïri israelitatejj jiwayatäcäna madianita warmimpi chica ucasti Zimri satänwa, jupasti Salu chachan yokapänwa, uqhamarac mä familian jilïripa, Simeón tributa.

Números 25:18

cunjämatejj jupanacajj nuwantapctam c'arimpi Baal-peor diosar yupaychayasajja, uqhamarac Cozbi warmi toketsa madianita jilïrin phuchapa, cawquïritejj mä lanzampi jiwayatäna, cunapachatejj nayajj mä usu apayaniyäta Baal-peor diosar yupaychapjjatam laycu ucapachajja.

Números 25:6

Ucampisa mä israelita jakejj utaparuw mä madianita warmirojj irpasïna, Moisesan uñjcata uqhamarac take israelitanacan uñjcata, ucañcamasti jupanacajj jachasipcänwa Tatitumpi Jiquisiñ Carpa mantañana.

Deuteronomio 1:1

Aca arunacwa Moisesajj parläna take Israel marcaru cunapachatejj jupanacajj wasarancasipcäna Jordán jawirat inti jalsu tokena, uqhamaraqui Arabá sat chekana, Suf sat uñcatasina, Parán, Tofel, Labán, Hazerot, uqhamarac Dizahab orakenac taypincquis uca chekana.

Deuteronomio 33:2

aqham sasa: “Tatitu Diosaw Sinaí kolluta juti; Seir kollutwa khant'aniraquistu; Parán kollunacat khantaniraqui, uqhamaraquiwa jutani Meriba-cades chekata; cupi amparaparu akquir leyinac apt'asita.